ਸਤੰਬਰ ਅਤੇ ਅਕਤੂਬਰ ਮਹੀਨੇ ਵਿੱਚ ਉਗਾਓ ਇਹ ਸਬਜ਼ੀਆਂ
Terrace Farming: ਹੁਣ ਦੇਸ਼ ਦੇ ਪਿੰਡਾਂ ਦਾ ਵੀ ਸ਼ਹਿਰੀਕਰਨ ਹੋ ਰਿਹਾ ਹੈ, ਜਿਸ ਕਾਰਨ ਵਾਹੀਯੋਗ ਜ਼ਮੀਨ ਤੇਜ਼ੀ ਨਾਲ ਘਟ ਰਹੀ ਹੈ। ਇਸ ਦੇ ਨਾਲ ਹੀ ਉਤਪਾਦਨ ਵਧਾਉਣ ਅਤੇ ਫ਼ਸਲਾਂ ਨੂੰ ਬਿਮਾਰੀਆਂ ਤੋਂ ਬਚਾਉਣ ਲਈ ਰਸਾਇਣਕ ਖਾਦਾਂ ਦੀ ਵੱਡੀ ਮਾਤਰਾ 'ਚ ਵਰਤੋਂ ਕੀਤੀ ਜਾ ਰਹੀ ਹੈ, ਜਿਸ ਕਾਰਨ ਜ਼ਮੀਨ ਦੀ ਸਿਹਤ ਖ਼ਰਾਬ ਹੋ ਰਹੀ ਹੈ ਅਤੇ ਇਨ੍ਹਾਂ ਰਸਾਇਣਾਂ ਦਾ ਮਨੁੱਖੀ ਸਿਹਤ 'ਤੇ ਵੀ ਮਾੜਾ ਅਸਰ ਪੈ ਰਿਹਾ ਹੈ।
ਅਜਿਹੇ 'ਚ ਸ਼ਹਿਰਾਂ 'ਚ ਟੈਰੇਸ ਗਾਰਡਨਿੰਗ ਵੱਲ ਲੋਕਾਂ ਦੀ ਖਿੱਚ ਵਧ ਰਹੀ ਹੈ। ਲੋਕ ਆਪਣੇ ਘਰ ਦੀ ਬਾਲਕੋਨੀ ਜਾਂ ਛੱਤ 'ਤੇ ਸਬਜ਼ੀਆਂ ਅਤੇ ਪੌਦੇ ਉਗਾ ਰਹੇ ਹਨ। ਅਜਿਹੇ 'ਚ ਜੇਕਰ ਤੁਸੀਂ ਸ਼ਹਿਰ 'ਚ ਰਹਿੰਦੇ ਹੋ ਅਤੇ ਘਰ 'ਚ ਕੈਮੀਕਲ ਮੁਕਤ ਸਬਜ਼ੀਆਂ ਉਗਾਉਣਾ ਚਾਹੁੰਦੇ ਹੋ ਤਾਂ ਇਨ੍ਹਾਂ ਨੂੰ ਗਮਲਿਆਂ ਜਾਂ ਬੈੱਡ 'ਚ ਆਸਾਨੀ ਨਾਲ ਉਗਾਇਆ ਜਾ ਸਕਦਾ ਹੈ।
ਘਰ ਵਿੱਚ ਸਬਜ਼ੀਆਂ ਦੀ ਕਾਸ਼ਤ ਕਰਨ ਲਈ, ਤੁਸੀਂ ਬਾਜ਼ਾਰ ਤੋਂ ਖਰੀਦੇ ਗਮਲਿਆਂ ਜਾਂ ਬਰਤਨਾਂ ਦੀ ਵਰਤੋਂ ਕਰ ਸਕਦੇ ਹੋ। ਇਨ੍ਹਾਂ ਗਮਲਿਆਂ ਵਿੱਚ ਮਿੱਟੀ, ਗੋਬਰ ਅਤੇ ਖਾਦ ਪਾ ਕੇ ਸਬਜ਼ੀਆਂ ਦੀ ਬਿਜਾਈ ਕੀਤੀ ਜਾ ਸਕਦੀ ਹੈ। ਗਮਲੇ ਵਿੱਚ ਡਰੇਨੇਜ ਸਿਸਟਮ ਬਣਾਉਣ ਲਈ ਥੱਲੇ ਵਿੱਚ ਛੇਕ ਕਰੋ, ਤਾਂ ਜੋ ਪੌਦਿਆਂ ਨੂੰ ਜ਼ਿਆਦਾ ਪਾਣੀ ਨਾਲ ਨੁਕਸਾਨ ਨਾ ਹੋਵੇ।
ਸਤੰਬਰ ਅਤੇ ਅਕਤੂਬਰ ਵਿੱਚ ਉਗਾਓ ਇਹ ਸਬਜ਼ੀਆਂ
ਟਮਾਟਰ: ਟਮਾਟਰ ਸਤੰਬਰ ਅਤੇ ਅਕਤੂਬਰ ਵਿੱਚ ਲਾਇਆ ਜਾਂਦਾ ਹੈ, ਜਿਸਦਾ ਝਾੜ ਦਸੰਬਰ ਅਤੇ ਜਨਵਰੀ ਵਿੱਚ ਸ਼ੁਰੂ ਹੁੰਦਾ ਹੈ। ਤੁਸੀਂ ਆਪਣੀ ਲੋੜ ਅਨੁਸਾਰ ਇਸ ਦੇ ਦੇਸੀ ਜਾਂ ਹਾਈਬ੍ਰਿਡ ਕਿਸਮ ਦੇ ਬੀਜ ਜਾਂ ਪੌਦੇ ਬਜ਼ਾਰ ਤੋਂ ਲਿਆ ਸਕਦੇ ਹੋ ਅਤੇ ਬੀਜ ਸਕਦੇ ਹੋ। ਆਮ ਤੌਰ 'ਤੇ ਟਮਾਟਰ ਦੇ ਇੱਕ ਬੂਟੇ ਤੋਂ 15 ਤੋਂ 20 ਟਮਾਟਰ ਪ੍ਰਾਪਤ ਹੁੰਦੇ ਹਨ, ਪਰ ਕਈ ਕਿਸਮਾਂ ਵਿੱਚ ਇਹ ਗਿਣਤੀ ਵੱਧ ਵੀ ਹੋ ਸਕਦੀ ਹੈ।
ਇਹ ਵੀ ਪੜ੍ਹੋ: Horticultural Advisory: ਕਿਸਾਨ ਵੀਰੋਂ ਅਕਤੂਬਰ ਮਹੀਨੇ ਵਿੱਚ ਇਸ ਤਰ੍ਹਾਂ ਕਰੋ ਬਾਗਬਾਨੀ ਫਸਲਾਂ ਦੀ ਦੇਖਭਾਲ
ਬੈਂਗਣ: ਬੈਂਗਣ ਇਕ ਅਜਿਹੀ ਸਬਜ਼ੀ ਹੈ ਜਿਸ ਦੀ ਕਾਸ਼ਤ ਲਈ ਜ਼ਿਆਦਾ ਮਿਹਨਤ ਦੀ ਲੋੜ ਨਹੀਂ ਪੈਂਦੀ। ਸਰਦੀਆਂ ਵਿੱਚ ਇਸ ਦਾ ਸੇਵਨ ਜ਼ਿਆਦਾ ਹੁੰਦਾ ਹੈ। ਇਸ ਦੇ ਨਾਲ ਹੀ ਇਹ ਸਮਾਂ ਇਸ ਦੇ ਪੌਦਿਆਂ ਨੂੰ ਉਗਾਉਣ ਦਾ ਢੁਕਵਾਂ ਸਮਾਂ ਮੰਨਿਆ ਜਾਂਦਾ ਹੈ। ਇਸ ਦੇ ਲਈ ਰੇਤਲੀ ਦੋਮਟ ਮਿੱਟੀ ਢੁਕਵੀਂ ਹੈ। ਜਦੋਂਕਿ, ਇਸ ਨੂੰ ਘੱਟ ਪਾਣੀ ਦੀ ਲੋੜ ਹੁੰਦੀ ਹੈ। ਖਾਸ ਗੱਲ ਇਹ ਹੈ ਕਿ ਇਸ ਦੇ ਛੋਟੇ ਪੌਦੇ ਨੂੰ ਸਿੱਧੀ ਧੁੱਪ ਵਿੱਚ ਨਹੀਂ ਰੱਖਣਾ ਚਾਹੀਦਾ।
ਪਾਲਕ: ਜੇਕਰ ਤੁਸੀਂ ਸਤੰਬਰ ਮਹੀਨੇ ਵਿੱਚ ਕੋਈ ਵੀ ਸਬਜ਼ੀ ਉਗਾਉਣਾ ਚਾਹੁੰਦੇ ਹੋ ਤਾਂ ਪਾਲਕ ਇੱਕ ਬਿਹਤਰ ਵਿਕਲਪ ਹੈ। ਇਸ ਵਿੱਚ ਫ਼ਸਲ 35-40 ਦਿਨਾਂ ਵਿੱਚ ਪ੍ਰਾਪਤ ਹੋ ਜਾਂਦੀ ਹੈ। ਤੁਸੀਂ ਗਮਲੇ ਜਾਂ ਬੈਡ ਬਣਾ ਕੇ ਜੈਵਿਕ ਤੌਰ 'ਤੇ ਉਗਾ ਕੇ ਵੀ ਸਿਹਤਮੰਦ ਸਬਜ਼ੀਆਂ ਪ੍ਰਾਪਤ ਕਰ ਸਕਦੇ ਹੋ।
ਗਾਜਰ: ਗਾਜਰ ਉਗਾਉਣ ਲਈ, ਘੱਟੋ ਘੱਟ ਇੱਕ ਫੁੱਟ ਡੂੰਘਾ ਅਤੇ ਲਗਭਗ 2 ਫੁੱਟ ਵਿਆਸ ਵਾਲਾ ਗਮਲਾ ਵਰਤਿਆ ਜਾਣਾ ਚਾਹੀਦਾ ਹੈ। ਇਸ ਦੀ ਬਿਜਾਈ ਸਤੰਬਰ ਵਿੱਚ ਕੀਤੀ ਜਾਂਦੀ ਹੈ। ਇਨ੍ਹਾਂ ਨੂੰ ਬਹੁਤ ਡੂੰਘਾ ਨਾ ਬੀਜੋ। ਗਾਜਰ ਦੇ ਬੀਜਾਂ ਨੂੰ ਉਗਣ ਲਈ ਲਗਭਗ 14-21 ਦਿਨ ਲੱਗਦੇ ਹਨ ਅਤੇ ਅੰਸ਼ਕ ਤੋਂ ਪੂਰੀ ਧੁੱਪ ਦੀ ਲੋੜ ਹੁੰਦੀ ਹੈ। ਗਾਜਰ ਦੀ ਫ਼ਸਲ 90 ਤੋਂ 100 ਦਿਨਾਂ ਵਿੱਚ ਤਿਆਰ ਹੋ ਜਾਂਦੀ ਹੈ।
Summary in English: Kitchen Garden: Grow these vegetables in the months of September and October, Organic vegetables will be available in winter
