ਕੇਂਦਰ ਦੀ ਮੋਦੀ ਸਰਕਾਰ ਨੇ ਕਿਸਾਨਾਂ ਲਈ ਇਕ ਬਹੁਤ ਵੱਡੀ ਸਕੀਮ ਦੀ ਸ਼ੁਰੂਆਤ ਕੀਤੀ ਹੈ। ਉਸ ਯੋਜਨਾ ਦਾ ਨਾਮ ਪ੍ਰਧਾਨ ਮੰਤਰੀ ਕਿਸਾਨ ਮਾਨਧਨ ਯੋਜਨਾ ਹੈ। ਇਸ ਯੋਜਨਾ ਦੇ ਤਹਿਤ ਪੈਨਸ਼ਨ ਸਕੀਮ ਦੀ ਸ਼ੁਰੂਆਤ ਕੀਤੀ ਗਈ ਹੈ। ਜਿਸ ਵਿਚ ਲਾਭਪਾਤਰੀ ਕਿਸਾਨ ਨੂੰ ਪ੍ਰੀਮੀਅਮ ਦਾ ਅੱਧਾ ਭੁਗਤਾਨ ਕਰਨਾ ਪੈਂਦਾ ਹੈ ਅਤੇ ਬਾਕੀ ਪ੍ਰੀਮੀਅਮ ਦਾ ਭੁਗਤਾਨ ਕੇਂਦਰ ਸਰਕਾਰ ਕਰਦੀ ਹੈ |ਹਾਲਾਂਕਿ, ਇਸ ਵਿਚ ਇਕ ਅਜਿਹੀ ਵਿਵਸਥਾ ਹੈ ਜਿਸ ਤੋਂ ਤੁਹਾਨੂੰ ਆਪਣੇ ਹਿੱਸੇ ਦੇ ਪੈਸੇ ਵੀ ਨਹੀਂ ਦੇਣੇ ਪੈਣਗੇ | ਪਰ ਫਿਰ ਵੀ ਲੋਕ ਉਹੀ ਰੁਝਾਨ ਨਹੀਂ ਦਿਖਾ ਰਹੇ, ਜਿੰਨਾ ਖੇਤੀਬਾੜੀ ਮੰਤਰਾਲੇ ਦੇ ਅਧਿਕਾਰੀ ਸੋਚ ਰਹੇ ਸਨ। ਕਿਉਂਕਿ ਇਸ ਵਿਚ ਸਿਰਫ 18 ਤੋਂ 40 ਸਾਲਾਂ ਦੇ ਕਿਸਾਨ ਆਪਣਾ ਪ੍ਰੀਮੀਅਮ ਜਮ੍ਹਾ ਕਰ ਸਕਦੇ ਹਨ | ਇਸ ਤਰੀਕੇ ਨਾਲ, ਇੱਕ ਕਿਸਾਨ ਨੂੰ ਆਪਣੇ ਹਿੱਸੇ ਦਾ ਘੱਟੋ ਘੱਟ 20 ਅਤੇ ਵੱਧ ਤੋਂ ਵੱਧ 42 ਸਾਲਾਂ ਲਈ 55 ਤੋਂ 200 ਰੁਪਏ ਪ੍ਰਤੀ ਮਹੀਨਾ ਪ੍ਰੀਮੀਅਮ ਜਮ੍ਹਾ ਕਰਨਾ ਹੋਵੇਗਾ | ਅਜਿਹੀ ਸਥਿਤੀ ਵਿਚ ਲੋਕਾਂ ਦੀ ਸੋਚ ਇਹ ਹੈ ਕਿ ਕੌਣ ਇੰਨੇ ਦਿਨਾਂ ਦਾ ਇੰਤਜ਼ਾਰ ਕਰੇਗਾ ਅਤੇ ਉਸ ਸਮੇਂ ਤਕ ਪਤਾ ਨਹੀਂ 3 ਹਜ਼ਾਰ ਰੁਪਏ ਦੀ ਕੀਮਤ ਕਿੰਨੀ ਰੇਹ ਜਾਵੇਗੀ। ਇਸ ਯੋਜਨਾ ਦੇ ਤਹਿਤ 60 ਸਾਲ ਦੀ ਉਮਰ ਲੰਘਣ ਤੋਂ ਬਾਅਦ ਸਰਕਾਰ ਕਿਸਾਨਾਂ ਨੂੰ 3 ਹਜ਼ਾਰ ਰੁਪਏ ਮਹੀਨਾਵਾਰ ਪੈਨਸ਼ਨ ਦੇਵੇਗੀ।
ਕਿਸਾਨਾਂ ਨੂੰ ਸਲਾਨਾ 36,000 ਪੈਨਸ਼ਨ
ਪ੍ਰਧਾਨ ਮੰਤਰੀ ਕਿਸਾਨ ਮਾਨਧਨ ਯੋਜਨਾ ਦੇ ਅਧੀਨ ਖਾਤਾ ਧਾਰਕ ਨੂੰ 60 ਸਾਲ ਦੀ ਉਮਰ ਪੂਰੀ ਹੋਣ ਤੋਂ ਬਾਅਦ 3000 ਰੁਪਏ ਪ੍ਰਤੀ ਮਹੀਨਾ ਪੈਨਸ਼ਨ ਮਿਲੇਗੀ। ਜੋ ਕਿ ਸਾਲਾਨਾ 36 ਹਜ਼ਾਰ ਰੁਪਏ ਹੈ। ਇਹ ਯੋਜਨਾ ਨਿਸ਼ਚਤ ਤੌਰ 'ਤੇ ਉਨ੍ਹਾਂ ਕਿਸਾਨਾਂ ਲਈ ਕਾਰਗਰ ਸਿੱਧ ਹੋ ਸਕਦੀ ਹੈ ਜਿਨ੍ਹਾਂ ਨੂੰ ਸਿਰਫ ਖੇਤੀਬਾੜੀ ਵਿਚ ਵਿਸ਼ਵਾਸ ਹੈ | ਖ਼ਾਸਕਰ ਗਰੀਬ ਕਿਸਾਨ ਜਿਨ੍ਹਾਂ ਕੋਲ ਰੋਜ਼ੀ-ਰੋਟੀ ਦਾ ਕੋਈ ਹੋਰ ਸਾਧਨ ਨਹੀਂ ਹਨ। ਇਸ ਤੋਂ ਪਹਿਲਾਂ, ਮੋਦੀ ਸਰਕਾਰ ਨੇ ਆਖ਼ਰੀ ਕਾਰਜਕਾਲ ਵਿੱਚ ਪ੍ਰਧਾਨ ਮੰਤਰੀ ਕਿਸਾਨ ਸੱਮਾਨ ਨਿਧੀ ਯੋਜਨਾ ਸ਼ੁਰੂ ਕੀਤੀ ਸੀ। ਇਸ ਯੋਜਨਾ ਤਹਿਤ ਦੇਸ਼ ਦੇ ਹਰ ਕਿਸਾਨ ਨੂੰ ਹਰ ਸਾਲ 6000 ਰੁਪਏ ਦੀ ਵਿੱਤੀ ਸਹਾਇਤਾ ਦਿੱਤੀ ਜਾ ਰਹੀ ਹੈ।
ਸਰਕਾਰ ਵੀ ਦੇਵੇਗੀ ਬਰਾਬਰ ਦਾ ਯੋਗਦਾਨ
ਪ੍ਰਧਾਨ ਮੰਤਰੀ ਕਿਸਾਨ ਮਾਨਧਨ ਵਿੱਚ ਜਿੰਨਾ ਯੋਗਦਾਨ ਕਿਸਾਨ ਵੱਲੋਂ ਹੋਵੇਗਾ | ਉਸੀ ਦੇ ਬਰਾਬਰ ਹੀ ਸਰਕਾਰ ਵੀ ਪੀਐਮ ਕਿਸਾਨ ਅਕਾਊਂਟ ਵਿੱਚ ਕਰੇਗੀ | ਯਾਨੀ ਜੇ ਤੁਹਾਡਾ ਯੋਗਦਾਨ 55 ਰੁਪਏ ਹੈ, ਤਾਂ ਸਰਕਾਰ ਵੀ 55 ਰੁਪਏ ਦਾ ਯੋਗਦਾਨ ਦੇਵੇਗੀ |
ਕਿਸ ਤਰ੍ਹਾਂ ਕਿਸਾਨ ਕਰਨ ਰਜਿਸਟਰ
ਕਿਸਾਨ ਆਪਣੇ ਨੇੜਲੇ ਕਾਮਨ ਸਰਵਿਸ ਸੈਂਟਰ (CSC) ਜਾ ਕੇ ਪੈਨਸ਼ਨ ਸਕੀਮ ਵਿੱਚ ਰਜਿਸਟਰ ਕਰਵਾ ਸਕਦੇ ਹਨ। ਇਸਦੇ ਲਈ ਕੋਈ ਫੀਸ ਨਹੀਂ ਲਈ ਜਾਏਗੀ | ਜੇ ਕੋਈ ਕਿਸਾਨ ਪ੍ਰਧਾਨ ਮੰਤਰੀ-ਕਿਸਾਨ ਸੱਮਾਨ ਨਿਧੀ ਦਾ ਲਾਭ ਲੈ ਰਿਹਾ ਹੈ ਤਾਂ ਉਸ ਕੋਲੋਂ ਇਸਦੇ ਲਈ ਕੋਈ ਦਸਤਾਵੇਜ਼ ਨਹੀਂ ਲਏ ਜਾਣਗੇ। ਹਾਲਾਂਕਿ, ਹਰੇਕ ਲਈ ਆਧਾਰ ਕਾਰਡ (Aadhar Card) ਲਾਜ਼ਮੀ ਹੈ | ਜੇ ਕੋਈ ਕਿਸਾਨ ਇਸ ਸਕੀਮ ਨੂੰ ਅੱਧ ਵਿਚਕਾਰ ਛੱਡਣਾ ਚਾਹੁੰਦਾ ਹੈ ਤਾਂ ਉਸਦਾ ਪੈਸਾ ਨਹੀਂ ਡੁੱਬੇਗਾ | ਓਹਨੇ ਸਕੀਮ ਨੂੰ ਛੱਡਣ ਤਕ ਜਿੰਨੀ ਰਕਮ ਜਮਾ ਕੀਤੀ ਹੋਵੇਗੀ ਉਸ ਤੇ ਬਚਤ ਖਾਤੇ ਦਾ ਵਿਆਜ ਮਿਲੇਗਾ | ਇਸ ਤਰ੍ਹਾਂ, ਇਹ ਯੋਜਨਾ ਕਿਸੇ ਵੀ ਕਿਸਾਨ ਲਈ ਘਾਟੇ ਦਾ ਸੌਦਾ ਨਹੀਂ ਹੈ |
ਇਨ੍ਹਾਂ ਕਿਸਾਨਾਂ ਨੂੰ ਨਹੀਂ ਮਿਲੇਗਾ ਲਾਭ
ਕੁਝ ਕਿਸਾਨ ਅਜਿਹੇ ਵੀ ਹਨ ਜਿਨ੍ਹਾਂ ਨੂੰ ਇਸ ਯੋਜਨਾ ਦਾ ਲਾਭ ਨਹੀਂ ਮਿਲੇਗਾ। ਆਓ ਜਾਣਦੇ ਹਾਂ ਉਹ ਕਿਹੜੇ ਕਿਸਾਨ ਹਨ -
1 ) ਛੋਟੇ ਅਤੇ ਦਰਮਿਆਨੇ ਕਿਸਾਨ ਕਿਸੇ ਵੀ ਹੋਰ ਸਮਾਜਿਕ ਸੁਰੱਖਿਆ ਯੋਜਨਾ ਜਿਵੇਂ ਕਿ ਰਾਸ਼ਟਰੀ ਪੈਨਸ਼ਨ ਸਕੀਮ, ਕਰਮਚਾਰੀ ਰਾਜ ਬੀਮਾ ਨਿਗਮ (ESIC) ਯੋਜਨਾ, ਕਰਮਚਾਰੀ ਭਵਿੱਖ ਨਿਧੀ ਯੋਜਨਾ (EPFO) ਆਦਿ ਦੇ ਅਧੀਨ ਆਉਂਦੇ ਹਨ |
2 ) ਉਹ ਕਿਸਾਨ ਜਿਨ੍ਹਾਂ ਨੇ ਕਿਰਤ ਅਤੇ ਰੁਜ਼ਗਾਰ ਮੰਤਰਾਲੇ ਦੁਆਰਾ ਸੰਚਾਲਤ ਪ੍ਰਧਾਨ ਮੰਤਰੀ ਸ਼੍ਰਮ ਯੋਗੀ ਮਾਨਧੰਨ ਯੋਜਨਾ (PM-SYM) ਦੇ ਲਈ ਵਿਕਲਪ ਚੁਣਿਆ ਹੈ |
3 ) ਉਹ ਕਿਸਾਨ ਜਿਨ੍ਹਾਂ ਨੇ ਕਿਰਤ ਅਤੇ ਰੁਜ਼ਗਾਰ ਮੰਤਰਾਲੇ ਦੁਆਰਾ ਸੰਚਾਲਿਤ ਪ੍ਰਧਾਨ ਮੰਤਰੀ ਛੋਟੇ ਕਾਰੋਬਾਰ ਮਾਨਧੰਨ ਯੋਜਨਾ (PM-SYM) ਦੇ ਲਈ ਵਿਕਲਪ ਚੁਣਿਆ ਹੈ |
4 ) ਚੰਗੀ ਆਰਥਿਕ ਸਥਿਤੀ ਵਾਲੇ ਇਨ੍ਹਾਂ ਸ਼੍ਰੇਣੀਆਂ ਦੇ ਲੋਕਾਂ ਨੂੰ ਇਸਦਾ ਲਾਭ ਨਹੀਂ ਮਿਲੇਗਾ | ਜਿਵੇ ਇੰਸਟੀਯੂਸ਼ਨਲ ਲੈਂਡ ਹੋਲਡਰ
5 ) 60 ਸਾਲ ਦੀ ਉਮਰ ਪਾਰ ਕਰਦਿਆਂ ਮਿਲਣਗੇ 3000 ਰੁਪਏ ਪੈਨਸ਼ਨ
6 ) ਸਾਬਕਾ ਅਤੇ ਮੌਜੂਦਾ ਮੰਤਰੀ / ਰਾਜ ਮੰਤਰੀ ਅਤੇ ਲੋਕ ਸਭਾ / ਰਾਜ ਸਭਾ, ਰਾਜ ਅਸੈਂਬਲੀਜ਼ / ਰਾਜ ਵਿਧਾਨ ਸਭਾਵਾਂ ਦੇ ਸਾਬਕਾ ਅਤੇ ਮੌਜੂਦਾ ਮੈਂਬਰ. ਸਾਬਕਾ ਅਤੇ ਮੌਜੂਦਾ ਮੇਅਰ, ਜ਼ਿਲ੍ਹਾ ਪੰਚਾਇਤਾਂ ਦੇ ਪ੍ਰਧਾਨ |
7 ) ਸਾਰੇ ਕਾਰਜਸ਼ੀਲ ਜਾਂ ਸੇਵਾਮੁਕਤ ਅਧਿਕਾਰੀ ਅਤੇ ਕੇਂਦਰ ਜਾਂ ਰਾਜ ਸਰਕਾਰ ਦੇ ਮੰਤਰਾਲਿਆਂ / ਦਫਤਰਾਂ / ਵਿਭਾਗਾਂ, ਪਬਲਿਕ ਸੈਕਟਰ ਅੰਡਰਟੇਕਿੰਗਜ਼ ਦੇ ਕਰਮਚਾਰੀ. ਸਥਾਨਕ ਸੰਸਥਾਵਾਂ ਦੇ ਨਿਯਮਤ ਕਰਮਚਾਰੀਆਂ ਨੂੰ ਵੀ ਲਾਭ ਨਹੀਂ ਮਿਲੇਗਾ. ਹਾਲਾਂਕਿ, ਕਾਰਪੋਰੇਸ਼ਨਾਂ ਦੇ ਮਲਟੀ ਟਾਸਕਿੰਗ ਸਟਾਫ ਅਤੇ ਸਮੂਹ ਡੀ ਕਰਮਚਾਰੀ ਇਸਦਾ ਲਾਭ ਲੈ ਸਕਣਗੇ |
8 ) ਟੈਕਸ ਅਦਾ ਕਰਨ ਵਾਲੇ, ਡਾਕਟਰ, ਇੰਜੀਨੀਅਰ, ਵਕੀਲ, ਚਾਰਟਰਡ ਅਕਾਉਂਟੈਂਟ ਅਤੇ ਆਰਕੀਟੈਕਟ ਵਰਗੇ ਪੇਸ਼ੇਵਰ ਲੋਕਾਂ ਨੂੰ ਇਹ ਲਾਭ ਨਹੀਂ ਮਿਲੇਗਾ |
Summary in English: PM Kisan Maandhan Yojana: Farmers will get Rs 36,000 annually, know the application process
