ਪ੍ਰਧਾਨ ਮੰਤਰੀ ਕਿਸਾਨ ਸਨਮਾਨ ਨਿਧੀ ਸਕੀਮ ਦੀ ਸ਼ੁਰੂਆਤ ਕੀਤੀ ਗਈ ਯੋਜਨਾ ਨੂੰ 22 ਮਹੀਨੇ ਪੂਰੇ ਹੋ ਗਏ ਹਨ। ਇਸ ਯੋਜਨਾ, ਦੇ ਤਹਿਤ ਹਰ ਕਿਸਾਨ ਨੂੰ ਸਾਲਾਨਾ 6000 ਰੁਪਏ ਦੀ ਨਕਦ ਸਹਾਇਤਾ ਪ੍ਰਦਾਨ ਕੀਤੀ ਜਾਂਦੀ ਹੈ | ਹੁਣ ਇਸ ਯੋਜਨਾ ਵਿਚ ਬਹੁਤ ਸਾਰੀਆਂ ਵੱਡੀਆਂ ਤਬਦੀਲੀਆਂ ਹੋ ਗਈਆਂ ਹਨ, ਤਾਂਕਿ ਕਿਸਾਨਾਂ ਨੂੰ 6000 ਰੁਪਏ ਦੀ ਸਹਾਇਤਾ ਤੋਂ ਵੱਧ ਦਾ ਲਾਭ ਹੋ ਸਕੇ । ਕਿਸਾਨ ਇਸਦੇ ਰਾਹੀਂ ਪਹਿਲਾਂ ਨਾਲੋਂ ਕਈ ਵੱਧ ਆਸਾਨੀ ਨਾਲ ਕਿਸਾਨ ਕ੍ਰੈਡਿਟ ਕਾਰਡ ਵੀ ਲੈ ਸਕਦੇ ਹਨ | ਦੱਸ ਦੇਈਏ ਕਿ ਇਸ ਯੋਜਨਾ ਦੇ ਤਹਿਤ ਸਵੈ-ਨਿਰਭਰ ਭਾਰਤ ਦੁਆਰਾ 1.5 ਕਰੋੜ ਕਿਸਾਨ ਕਰੈਡਿਟ ਕਾਰਡ ਜਾਰੀ ਕੀਤੇ ਗਏ ਹਨ | ਉਨ੍ਹਾਂ ਦੇ ਖਰਚੇ ਦੀ ਸੀਮਾ 1.35 ਲੱਖ ਕਰੋੜ ਰੁਪਏ ਹੁੰਦੀ ਹੈ।
ਖੇਤੀ ਮੰਤਰਾਲੇ ਦੇ ਅਨੁਸਾਰ…
ਕਿਸਾਨਾਂ ਲਈ ਕੁਲ 2 ਲੱਖ ਕਰੋੜ ਰੁਪਏ ਦੀ ਖਰਚ ਸੀਮਾ ਲਈ 2.5 ਕਰੋੜ ਕੇਸੀਸੀ ਜਾਰੀ ਕੀਤੇ ਜਾਣਗੇ, ਤਾਂ ਜੋ ਪ੍ਰਧਾਨ ਮੰਤਰੀ ਕਿਸਾਨ ਯੋਜਨਾ ਦੇ ਸਾਰੇ ਲਾਭਪਾਤਰੀਆਂ ਨੂੰ ਕੇਸੀਸੀ ਦਾ ਵੀ ਲਾਭ ਮਿਲਣ ਲਗੇ। ਇਸਦੇ ਤਹਿਤ, ਕਿਸਾਨਾਂ ਨੂੰ ਖੇਤੀਬਾੜੀ ਲਈ 3 ਲੱਖ ਰੁਪਏ ਤੱਕ ਦਾ ਕਰਜ਼ਾ ਆਸਾਨੀ ਨਾਲ ਮਿਲ ਜਾਂਦਾ ਹੈ | ਇਹ ਕਰਜ਼ਾ 4 ਪ੍ਰਤੀਸ਼ਤ ਦੀ ਦਰ 'ਤੇ ਦਿੱਤਾ ਜਾਂਦਾ ਹੈ, ਤਾਂ ਆਓ ਅਸੀਂ ਤੁਹਾਨੂੰ ਇਸ ਦੀਆਂ ਮਹੱਤਵਪੂਰਨ ਤਬਦੀਲੀਆਂ ਬਾਰੇ ਦੱਸਦੇ ਹਾਂ |
ਕਿਸਾਨ ਖੁਦ ਵੇਖ ਸਕਦੇ ਹਨ ਆਪਣੀ ਸਥਿਤੀ
ਜੇ ਤੁਸੀਂ ਇਸ ਯੋਜਨਾ ਦਾ ਲਾਭ ਲੈਣ ਲਈ ਅਰਜ਼ੀ ਦਿੱਤੀ ਹੈ ਅਤੇ ਤੁਹਾਡੇ ਬੈਂਕ ਖਾਤੇ ਵਿਚ ਕੋਈ ਪੈਸਾ ਨਹੀਂ ਆਇਆ ਹੈ, ਤਾਂ ਅਜਿਹੀ ਸਥਿਤੀ ਵਿਚ ਬੈਂਕ ਖਾਤੇ ਦੀ ਸਥਿਤੀ ਨੂੰ ਜਾਣਨਾ ਬਹੁਤ ਆਸਾਨ ਹੋ ਗਿਆ ਹੈ | ਇਸ ਦੇ ਲਈ, ਤੁਹਾਨੂੰ ਪ੍ਰਧਾਨ ਮੰਤਰੀ ਕਿਸਾਨ ਪੋਰਟਲ 'ਤੇ ਜਾਣਾ ਪਏਗਾ ਅਤੇ ਆਪਣਾ ਆਧਾਰ, ਮੋਬਾਈਲ ਅਤੇ ਬੈਂਕ ਖਾਤਾ ਨੰਬਰ ਦਰਜ ਕਰਨਾ ਪਏਗਾ | ਇਸ ਤੋਂ ਬਾਅਦ, ਤੁਸੀਂ ਆਪਣੀ ਸਥਿਤੀ ਬਾਰੇ ਜਾਣਕਾਰੀ ਪ੍ਰਾਪਤ ਕਰ ਸਕਦੇ ਹੋ |
ਕਿਸਾਨ ਖੁਦ ਕਰਵਾ ਸਕਦੇ ਹਨ ਰਜਿਸਟਰੀਕਰਣ
ਹੁਣ, ਇਸ ਸਕੀਮ ਤਹਿਤ ਰਜਿਸਟਰੀਕਰਣ ਕਰਵਾਉਣ ਲਈ ਅਧਿਕਾਰੀਆਂ ਕੋਲ ਨਹੀਂ ਜਾਣਾ ਪੈਂਦਾ ਹੈ, ਕਿਉਂਕਿ ਕਿਸਾਨ ਖੁਦ ਸਕੀਮ ਦੇ ਪੋਰਟਲ 'ਤੇ ਜਾ ਕੇ ਰਜਿਸਟਰ ਕਰਵਾ ਸਕਦੇ ਹਨ | ਇਸ ਯੋਜਨਾ ਦਾ ਉਦੇਸ਼ ਇਹ ਹੈ ਕਿ ਸਾਰੇ ਕਿਸਾਨਾਂ ਨੂੰ ਇਸ ਸਕੀਮ ਨਾਲ ਜੋੜਿਆ ਜਾ ਸਕੇ |
ਫਸਲ ਬੀਮਾ ਪਾਲਿਸੀ
ਪਹਿਲਾਂ ਕੇਸੀਸੀ ਲੈਣ ਵਾਲੇ ਕਿਸਾਨਾਂ ਨੂੰ ਫਸਲ ਬੀਮਾ ਯੋਜਨਾ (PMFBY) ਵਿੱਚ ਵੀ ਸ਼ਾਮਲ ਹੋਣਾ ਪੈਂਦਾ ਸੀ, ਪਰ ਹੁਣ
ਕਿਸਾਨਾਂ ਲਈ ਫਸਲ ਬੀਮਾ ਨੂੰ ਸਵੈਇੱਛਤ ਬਣਾ ਦੀਤਾ ਗਿਆ ਹੈ |
ਸਾਰੇ ਕਿਸਾਨ ਲੈ ਸਕਦੇ ਹਨ ਲਾਭ
ਇਹ ਯੋਜਨਾ ਸਾਲ 2018 ਵਿੱਚ ਸ਼ੁਰੂ ਕੀਤੀ ਗਈ ਸੀ, ਉਹਦੋਂ ਇਹ ਸਕੀਮ ਸਿਰਫ ਛੋਟੇ ਅਤੇ ਸੀਮਾਂਤ ਕਿਸਾਨਾਂ ਲਈ ਸੀ | ਪਰ ਲੋਕ ਸਭਾ ਚੋਣਾਂ 2019 ਤੋਂ ਪਹਿਲਾਂ, ਭਾਜਪਾ ਨੇ ਆਪਣੇ ਮਤੇ ਪੱਤਰ ਵਿੱਚ ਵਾਅਦਾ ਕੀਤਾ ਸੀ ਕਿ ਜੇ ਮੋਦੀ ਸਰਕਾਰ ਦੁਬਾਰਾ ਸੱਤਾ ਵਿੱਚ ਆਈ ਤਾਂ ਸਾਰੇ 14.5 ਕਰੋੜ ਕਿਸਾਨਾਂ ਨੂੰ ਲਾਭ ਮਿਲੇਗਾ। ਇਸ ਦੇ ਤਹਿਤ ਹੁਣ ਦੇਸ਼ ਦਾ ਹਰ ਛੋਟਾ ਅਤੇ ਵੱਡਾ ਕਿਸਾਨ ਇਸ ਯੋਜਨਾ ਦਾ ਲਾਭ ਲੈ ਸਕਦਾ ਹੈ।
ਮਾਨਧਨ ਸਕੀਮ ਦਾ ਲੈ ਸਕਦੇ ਹੋ ਲਾਭ
ਜੇ ਕੋਈ ਕਿਸਾਨ ਪ੍ਰਧਾਨ ਮੰਤਰੀ ਕਿਸਾਨ ਯੋਜਨਾ ਦਾ ਲਾਭ ਲੈ ਰਿਹਾ ਹੈ ਅਤੇ ਉਹ ਪ੍ਰਧਾਨ ਮੰਤਰੀ ਕਿਸਾਨ ਮਾਨਧਨ ਯੋਜਨਾ ਵਿਚ ਵੀ ਸ਼ਾਮਲ ਹੋਣਾ ਚਾਹੁੰਦਾ ਹੈ, ਤਾਂ ਇਸਦੇ ਲਈ ਉਸਨੂੰ ਕਿਸੇ ਕਿਸਮ ਦੇ ਦਸਤਾਵੇਜ਼ ਮੁਹੱਈਆ ਨਹੀਂ ਕਰਨੇ ਪੈਣਗੇ। ਇਸ ਯੋਜਨਾ ਤਹਿਤ 3 ਹਜ਼ਾਰ ਰੁਪਏ ਪ੍ਰਤੀ ਮਹੀਨਾ ਪੈਨਸ਼ਨ ਦਿੱਤੀ ਜਾਂਦੀ ਹੈ। ਇਸ ਸਕੀਮ ਦਾ ਯੋਗਦਾਨ ਸਿੱਧੇ ਤੌਰ 'ਤੇ ਪ੍ਰਧਾਨ ਮੰਤਰੀ ਕਿਸਾਨ ਯੋਜਨਾ ਤੋਂ ਕੱਟਿਆ ਜਾਂਦਾ ਹੈ | ਕਿਸਾਨ ਨੂੰ ਆਪਣੀ ਜੇਬ ਵਿਚੋਂ ਸਿੱਧਾ ਭੁਗਤਾਨ ਨਹੀਂ ਕਰਨਾ ਪੈਂਦਾ ਹੈ |
ਇਹ ਵੀ ਪੜ੍ਹੋ :- ਖੋਲੋ ਗਾਂ ਦੀ ਡੇਅਰੀ, ਰਾਜ ਸਰਕਾਰ ਦੇ ਰਹੀ ਹੈ 75% ਤਕ ਸਬਸਿਡੀ , 25 ਅਕਤੂਬਰ ਤੱਕ ਕਰੋ ਲਾਗੂ
Summary in English: PM Kisan Scheme : big changes in Rs. 6000 yearly scheme, take benefits of these schemes also
