ਜੇ ਤੁਸੀਂ ਇਕ ਕਿਸਾਨ ਹੋ ਜਾਂ ਕਿਸੇ ਖੇਤੀਬਾੜੀ ਦੇ ਕਾਰੋਬਾਰ ਨਾਲ ਜੁੜੇ ਹੋਏ ਹੋ ਅਤੇ ਨਕਦ ਦੀ ਸਮੱਸਿਆ ਦਾ ਸਾਹਮਣਾ ਕਰ ਰਹੇ ਹੋ, ਤਾਂ ਤੁਹਾਨੂੰ ਚਿੰਤਾ ਕਰਨ ਦੀ ਕੋਈ ਲੋੜ ਨਹੀਂ ਹੈ | ਕਿਉਂਕਿ ਇਸ ਤਾਲਾਬੰਦੀ ਵਿੱਚ, ਕਿਸਾਨਾਂ ਨੂੰ ਅਸਾਨ ਰੇਟਾਂ ਤੇ ਖੇਤੀਬਾੜੀ ਦੇ ਕੰਮਾਂ ਲਈ ਲੋਨ ਮਿਲ ਰਿਹਾ ਹੈ | ਉਹ ਵੀ ਬਿਨਾਂ ਕਿਸੇ ਸੁਰੱਖਿਆ ਜਾਂ,ਫਿਰ ਇਹ ਕਹੀਏ ਬਿਨਾਂ ਕੋਈ ਗਿਰਵੀਨਾਮੇ ਦੇ।
ਦੱਸ ਦੇਈਏ ਕਿ ਭਾਰਤ ਦਾ ਦੂਜਾ ਸਭ ਤੋਂ ਵੱਡਾ ਬੈਂਕ ਪੰਜਾਬ ਨੈਸ਼ਨਲ ਬੈਂਕ, ਇਸ ਤਾਲਾਬੰਦੀ ਵਿੱਚ ਕਿਸਾਨਾਂ ਦੀ ਸਹਾਇਤਾ ਲਈ ਕੁਝ ਯੋਜਨਾਵਾਂ ਲੈ ਕੇ ਆਇਆ ਹੈ। ਜਿਸ ਵਿੱਚ ਤੁਹਾਨੂੰ ਅਰਜ਼ੀ ਦੇਣ ਦੇ ਕੁਝ ਹੀ ਦਿਨਾਂ ਬਾਦ ਲੋਨ ਮਿਲ ਜਾਵੇਗਾ | ਦੱਸ ਦੇਈਏ ਕਿ ਬੈਂਕ ਨੇ ਇਸ ਕਿਸਮ ਦੀ ਸਕੀਮ ਸਿਰਫ ਵਿਅਕਤੀਗਤ ਅਤੇ ਸਵੈ-ਸਹਾਇਤਾ ਸਮੂਹਾਂ ਲੋਕਾਂ ਲਈ ਲਾਂਚ ਕੀਤੀ ਹੈ ਅਤੇ ਇਸ ਸਕੀਮ ਦਾ ਨਾਮ ਸਵੈ-ਸਹਾਇਤਾ ਸਮੂਹ ਕੋਵਿਡ ਤੁਰੰਤ ਸਹਾਇਤਾ ਲੋਨ ਹੈ।
ਬੈਂਕ ਦੁਆਰਾ ਇਸ ਸਕੀਮ ਨੂੰ ਚਲਾਉਣ ਦਾ ਉਦੇਸ਼
ਖੇਤੀਬਾੜੀ ਕਮਿਯੂਨਿਟੀ (ਮੌਜੂਦਾ ਕਰਜ਼ਾ ਲੈਣ ਵਾਲਿਆਂ) ਨੂੰ ਖੇਤੀ ਨਾਲ ਸਬੰਧਤ ਸਾਰੀਆਂ ਐਮਰਜੈਂਸੀ ਜ਼ਰੂਰਤਾਂ ਨੂੰ ਪੂਰਾ ਕਰਨ ਲਈ ਤੁਰੰਤ ਕਰਜ਼ਾ ਦਿੱਤਾ ਜਾਵੇ ਤਾਂਕਿ ਉਨ੍ਹਾਂ ਦੀਆਂ ਖੇਤੀਬਾੜੀ ਗਤੀਵਿਧੀਆਂ ਅਤੇ ਘਰੇਲੂ ਜ਼ਰੂਰਤਾਂ ਪੂਰੀਆਂ ਕੀਤੀਆਂ ਜਾ ਸਕਣ |
ਕਿੰਨਾ ਮਿਲੇਗਾ ਲੋਨ
ਕਿਸਾਨ ਅਤੇ ਸਵੈ-ਸਹਾਇਤਾ ਸਮੂਹਾਂ ਨੂੰ 5000 ਰੁਪਏ ਤੋਂ ਲੈ ਕੇ 1,00,000 ਰੁਪਏ ਤੱਕ ਦਾ ਕਰਜ਼ਾ ਮਿਲ਼ੇਗਾ | ਹਾਲਾਂਕਿ, ਇਹ ਕਰਜ਼ਾ ਲੈਣ ਦੀ ਮਿਤੀ ਤੋਂ 3 ਸਾਲਾਂ ਦੇ ਅੰਦਰ ਕਿਸਾਨਾਂ ਨੂੰ ਭੁਗਤਾਨ ਕਰਨਾ ਪਏਗਾ | ਲੋਨ ਉਨ੍ਹਾਂ ਕਿਸਾਨਾਂ ਨੂੰ ਹੀ ਮਿਲੇਗਾ ਜਿਨ੍ਹਾਂ ਦਾ ਪਹਿਲਾਂ ਤੋਂ ਹੀ ( PNB ) ਨਾਲ ਖਾਤਾ ਹੈ।
ਇਨ੍ਹਾਂ ਕਿਸਾਨਾਂ ਨੂੰ ਮਿਲੇਗਾ ਲਾਭ
ਦਸ ਦਈਏ ਕਿ ਸਿਰਫ ਛੋਟੇ ਅਤੇ ਗਰੀਬ ਕਿਸਾਨ ਬੈਂਕ ਦੁਆਰਾ ਦਿੱਤੇ ਗਏ ਕਰਜ਼ੇ ਲੈ ਸਕਦੇ ਹਨ, ਕਿਉਂਕਿ ਤਾਲਾਬੰਦੀ ਕਾਰਨ ਉਨ੍ਹਾਂ ਨੂੰ ਆਪਣੇ ਪਰਿਵਾਰਾਂ ਦੀ ਦੇਖਭਾਲ ਕਰਨ ਵਿੱਚ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ | ਇਸ ਖ਼ਬਰ ਬਾਰੇ ਵਧੇਰੇ ਜਾਣਕਾਰੀ ਲਈ ਲਿੰਕ https://www.pnbindia.in/covid-schemes.html 'ਤੇ ਜਾਓ | ਜਾਂ ਫਿਰ 1800 180 4400 ਨੰਬਰ ਤੇ ਕਾਲ ਕਰੋ |
