Vertical Farming
ਅੱਜ ਅੱਸੀ ਤੁਹਾਨੂੰ ਇੱਕ ਅਜਿਹੀ ਨਵੇਕਲੀ ਖੇਤੀ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਸ ਨੂੰ ਤੁੱਸੀ 1 ਏਕੜ ਵਿੱਚ ਕਰਦੇ ਹੋ, ਤਾਂ ਇਸਦਾ ਝਾੜ ਤੁਹਾਨੂੰ 100 ਏਕੜ ਦੇ ਬਰਾਬਰ ਹੁੰਦਾ ਹੈ। ਖੇਤੀ ਨਾਲ ਜੁੜੀ ਇਹ ਖਾਸ ਜਾਣਕਾਰੀ ਜ਼ਰੂਰ ਪੜੋ...
ਜਿਵੇਂ-ਜਿਵੇਂ ਅਬਾਦੀ ਵੱਧ ਰਹੀ ਹੈ, ਉਵੇਂ-ਉਵੇਂ ਖੇਤੀ ਦਾ ਆਕਾਰ ਵੀ ਸੁਕੜਦਾ ਜਾ ਰਿਹਾ ਹੈ। ਅਜਿਹੇ ਵਿੱਚ ਉਹ ਦਿਨ ਦੂਰ ਨਹੀਂ ਜਦੋਂ ਫੈਕਟਰੀਆਂ ਵਿੱਚ ਫ਼ਲ-ਸਬਜ਼ੀਆਂ ਉਗਾਈਆਂ ਜਾਣਗੀਆਂ। ਦਰਅਸਲ, ਇਜ਼ਰਾਈਲ ਨੇ ਨਵੀਂ ਤਕਨੀਕ ਰਾਹੀਂ ਖੇਤੀ ਸ਼ੁਰੂ ਕੀਤੀ ਹੈ। ਇਸ ਦਾ ਨਾਮ ਵਰਟੀਕਲ ਫਾਰਮਿੰਗ ਹੈ। ਇੰਨਾ ਹੀ ਨਹੀਂ ਭਾਰਤ ਵਿੱਚ ਵੀ ਇਸ ਤਕਨੀਕ ਰਾਹੀਂ ਖੇਤੀ ਸ਼ੁਰੂ ਕਰ ਦਿੱਤੀ ਗਈ ਹੈ। ਇੱਕ ਕੰਪਨੀ ਦਾ ਅਜਿਹਾ ਇੱਕ ਪ੍ਰੋਜੈਕਟ ਮਹਾਰਾਸ਼ਟਰ ਵਿੱਚ ਚੱਲ ਰਿਹਾ ਹੈ, ਜਿਸ ਵਿੱਚ ਹਲਦੀ ਦੀ ਵਰਟੀਕਲ ਫਾਰਮਿੰਗ ਕੀਤੀ ਜਾ ਰਹੀ ਹੈ।
ਵਰਟੀਕਲ ਫਾਰਮਿੰਗ ਇੱਕ ਅਜਿਹੀ ਤਕਨੀਕ ਹੈ, ਜਿਸ ਵਿੱਚ ਜੇਕਰ ਤੁਸੀਂ 1 ਏਕੜ ਵਿੱਚ ਖੇਤੀ ਕਰਦੇ ਹੋ ਤਾਂ ਇਸਦਾ ਝਾੜ 100 ਏਕੜ ਦੇ ਬਰਾਬਰ ਹੋਵੇਗਾ। ਯਾਨੀ ਕਿ ਤੁਹਾਨੂੰ ਇੱਕ ਏਕੜ ਵਿੱਚ ਜੋ ਰਕਬਾ ਮਿਲਦਾ ਹੈ, ਤੁਹਾਨੂੰ 100 ਏਕੜ ਦੇ ਬਰਾਬਰ ਰਕਬਾ ਮਿਲ ਜਾਂਦਾ ਹੈ।
ਜਾਣੋ ਵਰਟੀਕਲ ਫਾਰਮਿੰਗ ਕੀ ਹੈ
-ਵਰਟੀਕਲ ਫਾਰਮਿੰਗ ਲਈ ਇੱਕ ਵੱਡਾ ਸੈੱਟ ਬਣਾਉਣਾ ਪੈਂਦਾ ਹੈ। ਜਿਸ ਦਾ ਤਾਪਮਾਨ 12 ਤੋਂ 26 ਡਿਗਰੀ ਸੈਲਸੀਅਸ ਤੱਕ ਰੱਖਿਆ ਜਾਂਦਾ ਹੈ।
-ਫਿਰ ਇਸ ਵਿੱਚ, ਲਗਭਗ 2-3 ਫੁੱਟ ਲੰਬੇ ਅਤੇ ਚੌੜੇ ਕੰਟੇਨਰਾਂ ਵਿੱਚ ਵਰਟੀਕਲ ਤਰੀਕੇ ਨਾਲ ਪਾਈਪ ਸੈੱਟ ਕੀਤਾ ਜਾਂਦਾ ਹੈ।
-ਇਸ ਦੇ ਉਪਰਲੇ ਹਿੱਸੇ ਨੂੰ ਖੁੱਲ੍ਹਾ ਰੱਖਿਆ ਜਾਂਦਾ ਹੈ, ਜਿਸ ਵਿੱਚ ਹਲਦੀ ਦੀ ਖੇਤੀ ਕੀਤੀ ਜਾਂਦੀ ਹੈ।
-ਜ਼ਿਆਦਾਤਰ ਲੋਕ ਹਾਈਡ੍ਰੋਪੋਨਿਕ ਜਾਂ ਐਕਵਾਪੋਨਿਕ ਤਰੀਕੇ ਨਾਲ ਵਰਟੀਕਲ ਫਾਰਮਿੰਗ ਕਰਦੇ ਹਨ, ਜਿਸ ਵਿੱਚ ਮਿੱਟੀ ਦੀ ਵਰਤੋਂ ਨਹੀਂ ਕੀਤੀ ਜਾਂਦੀ, ਪਰ ਇਸ ਵਿੱਚ ਮਿੱਟੀ ਦੀ ਵਰਤੋਂ ਕੀਤੀ ਜਾਂਦੀ ਹੈ।
-ਤਾਪਮਾਨ ਨੂੰ ਕੰਟਰੋਲ ਕਰਨ ਲਈ ਫੌਗਰ ਲਗਾਏ ਜਾਂਦੇ ਹਨ, ਜੋ ਤਾਪਮਾਨ ਵਧਣ ਦੇ ਨਾਲ ਹੀ ਪਾਣੀ ਦੀ ਬਰਸਾਤ ਸ਼ੁਰੂ ਕਰ ਦਿੰਦੇ ਹਨ ਅਤੇ ਤਾਪਮਾਨ ਆਮ ਵਾਂਗ ਹੋ ਜਾਂਦਾ ਹੈ।
-ਇੱਕ ਵਾਰ ਪਾਈਪ ਲਗਾਉਣ ਤੋਂ ਬਾਅਦ, ਲੰਬੇ ਸਮੇਂ ਲਈ ਪਾਈਪ ਨੂੰ ਬਦਲਣ ਦੀ ਜ਼ਰੂਰਤ ਨਹੀਂ ਹੈ.
ਜਾਣੋ ਕਿਵੇਂ ਕੀਤੀ ਜਾਂਦੀ ਹੈ ਵਰਟੀਕਲ ਫਾਰਮਿੰਗ
-ਇੱਕ ਰਿਪੋਰਟ ਦੇ ਅਨੁਸਾਰ, ਜੇਕਰ ਹਲਦੀ ਨੂੰ ਵਰਟੀਕਲ ਫਾਰਮਿੰਗ ਰਾਹੀਂ ਉਗਾਉਣਾ ਹੈ, ਤਾਂ ਹਲਦੀ ਦੇ ਬੀਜ 10-10 ਸੈਂਟੀਮੀਟਰ ਦੀ ਦੂਰੀ 'ਤੇ ਜ਼ਿਗ-ਜ਼ੈਗ ਤਰੀਕੇ ਨਾਲ ਬੀਜੇ ਜਾਂਦੇ ਹਨ।
-ਕਿਵੇਂ-ਜਿਵੇਂ ਹਲਦੀ ਵਧਦੀ ਹੈ, ਇਸਦੇ ਪੱਤੇ ਕਿਨਾਰੇ ਵਾਲੀ ਥਾਂ ਤੋਂ ਬਾਹਰ ਵੱਲ ਨਿਕਲ ਆਉਂਦੇ ਹਨ।
-ਹਲਦੀ ਨੂੰ ਜ਼ਿਆਦਾ ਧੁੱਪ ਦੀ ਲੋੜ ਨਹੀਂ ਪੈਂਦੀ ਅਤੇ ਇਹ ਛਾਂ ਵਿਚ ਵੀ ਚੰਗਾ ਝਾੜ ਦਿੰਦੀ ਹੈ।
-ਵਰਟੀਕਲ ਫਾਰਮਿੰਗ ਦੀ ਤਕਨੀਕ ਨਾਲ ਹਲਦੀ ਦਾ ਬਹੁਤ ਵਧੀਆ ਉਤਪਾਦਨ ਲਿਆ ਜਾ ਸਕਦਾ ਹੈ।
-ਹਲਦੀ ਦੀ ਫ਼ਸਲ 9 ਮਹੀਨਿਆਂ ਵਿੱਚ ਤਿਆਰ ਹੋ ਜਾਂਦੀ ਹੈ।
-ਹਲਦੀ ਨੂੰ ਵਾਢੀ ਤੋਂ ਤੁਰੰਤ ਬਾਅਦ ਦੁਬਾਰਾ ਲਗਾਇਆ ਜਾ ਸਕਦਾ ਹੈ। ਯਾਨੀ 3 ਸਾਲਾਂ ਵਿੱਚ 4 ਵਾਰ ਹਲਦੀ ਦੀ ਕਟਾਈ ਕੀਤੀ ਜਾ ਸਕਦੀ ਹੈ। ਜਦੋਂ ਕਿ ਸਾਧਾਰਨ ਖੇਤੀ ਵਿੱਚ ਫ਼ਸਲ 1 ਸਾਲ ਵਿੱਚ ਇੱਕ ਵਾਰ ਹੀ ਲਈ ਜਾ ਸਕਦੀ ਹੈ, ਕਿਉਂਕਿ ਮੌਸਮ ਦਾ ਧਿਆਨ ਰੱਖਣਾ ਪੈਂਦਾ ਹੈ।
ਇਹ ਵੀ ਪੜ੍ਹੋ: ਝੋਨੇ ਦੀਆਂ ਇਹ ਕਿਸਮਾਂ ਦੇਣਗੀਆਂ ਚੰਗਾ ਝਾੜ! ਜਾਣੋ ਪੂਰੀ ਜਾਣਕਾਰੀ
ਵਰਟੀਕਲ ਫਾਰਮਿੰਗ ਦੇ ਫਾਇਦੇ
-ਵਰਟੀਕਲ ਫਾਰਮਿੰਗ ਲਈ ਮੌਸਮ 'ਤੇ ਨਿਰਭਰ ਨਹੀਂ ਰਹਿਣਾ ਪੈਂਦਾ, ਯਾਨੀ ਤੁਸੀਂ ਜਦੋਂ ਚਾਹੋ ਖੇਤੀ ਕਰ ਸਕਦੇ ਹੋ।
-ਇਹ ਕਾਸ਼ਤ ਪੂਰੀ ਤਰ੍ਹਾਂ ਬੰਦ ਜਗ੍ਹਾ ਵਿੱਚ ਹੁੰਦੀ ਹੈ, ਇਸ ਲਈ ਕੀੜੇ-ਮਕੌੜਿਆਂ, ਮੀਂਹ ਜਾਂ ਤੂਫਾਨ ਦੁਆਰਾ ਨੁਕਸਾਨ ਦੀ ਕੋਈ ਸੰਭਾਵਨਾ ਨਹੀਂ ਹੈ, ਬਸ਼ਰਤੇ ਤੁਹਾਡੇ ਸ਼ੈੱਡ ਨੂੰ ਕੋਈ ਨੁਕਸਾਨ ਨਾ ਹੋਵੇ।
-ਇਸ ਕਿਸਮ ਦੀ ਖੇਤੀ ਨਾਲ ਪਾਣੀ ਦੀ ਕਾਫੀ ਬੱਚਤ ਹੁੰਦੀ ਹੈ। ਹਾਲਾਂਕਿ, ਫੋਗਰ ਪਾਣੀ ਦੀ ਖਪਤ ਕਰਦੇ ਹਨ।
Summary in English: Make Money By Vertical Farming! Learn how to get started
