ਕੰਟੋਲਾ ਦੀ ਖੇਤੀ
Kantola Cultivation: ਕੰਟੋਲਾ ਸਬਜ਼ੀ ਦਾ ਸਵਾਦ ਤਰਬੂਜ ਅਤੇ ਕਰੇਲੇ ਵਰਗਾ ਹੁੰਦਾ ਹੈ। ਪੂਰੀ ਤਰ੍ਹਾਂ ਪੱਕਣ ਤੋਂ ਬਾਅਦ ਇਹ ਹੋਰ ਵੀ ਕੌੜਾ ਹੋ ਜਾਂਦਾ ਹੈ। ਇਸ ਅੰਡਾਕਾਰ ਹਰੀ ਸਬਜ਼ੀ ਵਿੱਚ ਵਿਟਾਮਿਨ, ਖਣਿਜ, ਫਾਈਬਰ ਆਦਿ ਬਹੁਤ ਸਾਰੇ ਜ਼ਰੂਰੀ ਪੌਸ਼ਟਿਕ ਤੱਤ ਹੁੰਦੇ ਹਨ। ਸਰੀਰ ਨੂੰ ਪੋਸ਼ਣ ਨਾਲ ਭਰਨ ਦੇ ਨਾਲ-ਨਾਲ ਇਹ ਸਬਜ਼ੀ ਇਮਿਊਨਿਟੀ ਵਧਾਉਣ 'ਚ ਵੀ ਮਦਦ ਕਰਦੀ ਹੈ।
ਕੰਟੋਲਾ ਕੋਈ ਨਵੀ ਫ਼ਸਲ ਨਹੀਂ, ਸਗੋਂ ਇਹ ਭਾਰਤ ਵਿੱਚ ਸਦੀਆਂ ਤੋਂ ਉਗਾਈਆਂ ਜਾਣ ਵਾਲੀਆਂ ਪ੍ਰਸਿੱਧ ਅਤੇ ਪੌਸ਼ਟਿਕ ਸਬਜ਼ੀਆਂ ਵਿੱਚੋਂ ਇੱਕ ਹੈ। ਭਾਰਤ ਵਿੱਚ ਇਸ ਸਬਜ਼ੀ ਨੂੰ "ਕੰਟੋਲਾ ਜਾਂ ਕਕਰੋਲ" ਵਜੋਂ ਜਾਣਿਆ ਜਾਂਦਾ ਹੈ। ਇਹ ਸਬਜ਼ੀ ਲੰਬਾਈ ਵਿੱਚ ਛੋਟੀ ਅਤੇ ਆਕਾਰ ਵਿੱਚ ਗੋਲ ਹੁੰਦੀ ਹੈ। ਦਿੱਖ ਵਿੱਚ ਬੇਸ਼ਕ ਇਹ ਸਬਜ਼ੀ ਛੋਟੀ ਹੁੰਦੀ ਹੈ, ਪਰ ਕਿਸਾਨ ਵੀਰ ਇਸ ਸਬਜ਼ੀ ਤੋਂ ਵਧੀਆ ਮੁਨਾਫ਼ਾ ਕਮਾ ਸਕਦੇ ਹਨ।
ਕੰਟੋਲਾ ਦੀ ਕਾਸ਼ਤ:
ਮਿੱਟੀ:
● ਕੰਟੋਲਾ ਨੂੰ 5.5 ਤੋਂ 7.0 ਦੇ ਪੀਐਚ ਵਾਲੀ ਰੇਤਲੀ ਦੋਮਟ ਅਤੇ ਦੋਮਟ ਮਿੱਟੀ ਵਿੱਚ ਉਗਾਇਆ ਜਾ ਸਕਦਾ ਹੈ।
● ਇਸ ਦੀ ਕਾਸ਼ਤ ਲਈ, ਮਿੱਟੀ ਵਿੱਚ ਵਧੀਆ ਨਿਕਾਸ ਅਤੇ ਚੰਗੇ ਜੈਵਿਕ ਪਦਾਰਥ ਹੋਣੇ ਚਾਹੀਦੇ ਹਨ।
ਜਲਵਾਯੂ:
● ਕੰਟੋਲਾ ਇੱਕ ਨਿੱਘੀ ਅਤੇ ਹਲਕੀ ਸਰਦੀਆਂ ਦੀ ਫਸਲ ਹੈ।
● ਇਸ ਸਬਜ਼ੀ ਦੀ ਕਾਸ਼ਤ ਗਰਮ ਖੰਡੀ ਅਤੇ ਉਪ-ਊਸ਼ਣ ਖੰਡੀ ਦੋਹਾਂ ਖੇਤਰਾਂ ਵਿੱਚ ਕੀਤੀ ਜਾ ਸਕਦੀ ਹੈ।
● ਇਸ ਫ਼ਸਲ ਨੂੰ ਚੰਗੇ ਵਾਧੇ ਅਤੇ ਝਾੜ ਲਈ ਚੰਗੀ ਧੁੱਪ ਦੀ ਲੋੜ ਹੁੰਦੀ ਹੈ।
● 27 ਤੋਂ 32 ਡਿਗਰੀ ਸੈਲਸੀਅਸ ਤਾਪਮਾਨ ਇਸ ਦੀ ਕਾਸ਼ਤ ਲਈ ਢੁਕਵਾਂ ਹੈ।
ਇਹ ਵੀ ਪੜ੍ਹੋ : ਪਿਆਜ਼ ਦੀ ਐਗਰੀਫੋਂਡ ਡਾਰਕ ਰੈੱਡ ਕਿਸਮ ਦਾ ਝਾੜ 120 ਕੁਇੰਟਲ ਪ੍ਰਤੀ ਏਕੜ
ਕੰਟੋਲਾ ਦੀ ਕਿਸਮ:
● Indira kankoda i (RMF 37) ਇਹ ਇੰਦਰਾ ਗਾਂਧੀ ਐਗਰੀਕਲਚਰਲ ਯੂਨੀਵਰਸਿਟੀ ਦੁਆਰਾ ਵਿਕਸਤ ਇੱਕ ਨਵੀਂ ਵਪਾਰਕ ਕਿਸਮ ਹੈ।
● ਇਸ ਹਾਈਬ੍ਰਿਡ ਕਿਸਮ ਦੀ ਕਾਸ਼ਤ ਉੱਤਰ ਪ੍ਰਦੇਸ਼, ਉੜੀਸਾ, ਛੱਤੀਸਗੜ੍ਹ, ਝਾਰਖੰਡ ਅਤੇ ਮਹਾਰਾਸ਼ਟਰ ਵਿੱਚ ਕੀਤੀ ਜਾ ਸਕਦੀ ਹੈ।
● ਇਹ ਸੁਧਰੀ ਹੋਈ ਕਿਸਮ ਸਾਰੇ ਵੱਡੇ ਕੀੜਿਆਂ ਅਤੇ ਬਿਮਾਰੀਆਂ ਪ੍ਰਤੀ ਰੋਧਕ ਹੈ।
● ਇਹ 35 ਤੋਂ 40 ਦਿਨਾਂ ਵਿੱਚ ਕਟਾਈ ਲਈ ਤਿਆਰ ਹੋ ਜਾਂਦੀ ਹੈ।
● ਜੇਕਰ ਅਸੀਂ ਇਸਦੇ ਬੀਜਾਂ ਨੂੰ ਟਿਊਬਰਜ਼ ਵਿੱਚ ਉਗਾਉਂਦੇ ਹਾਂ ਤਾਂ 70 ਤੋਂ 80 ਦਿਨਾਂ ਵਿੱਚ ਇਹ ਤਿਆਰ ਹੋ ਜਾਂਦੀ ਹੈ।
● ਇਸ ਕਿਸਮ ਦਾ ਔਸਤ ਝਾੜ ਪਹਿਲੇ ਸਾਲ 4 ਕੁਇੰਟਲ ਪ੍ਰਤੀ ਹੈਕਟੇਅਰ, ਦੂਜੇ ਸਾਲ 6 ਕੁਇੰਟਲ ਹੈਕਟੇਅਰ ਅਤੇ ਤੀਜੇ ਸਾਲ 8 ਕੁਇੰਟਲ ਹੈਕਟੇਅਰ ਹੈ।
ਜ਼ਮੀਨ ਦੀ ਤਿਆਰੀ:
● ਜ਼ਮੀਨ ਨੂੰ ਟਰੈਕਟਰ ਜਾਂ ਹਲ ਨਾਲ ਸਮਤਲ ਅਤੇ ਚੰਗੀ ਤਰ੍ਹਾਂ ਤਿਆਰ ਕਰਨਾ ਚਾਹੀਦਾ ਹੈ।
● ਮਿੱਟੀ ਨੂੰ ਢਿੱਲੀ ਕਰਨ ਲਈ 3 ਵਾਰ ਹਲ ਚਲਾਓ।
● ਆਖਰੀ ਹਲ ਵਾਹੁਣ ਵੇਲੇ, ਮਿੱਟੀ ਦੀ ਉਪਜਾਊ ਸ਼ਕਤੀ ਨੂੰ ਸੁਧਾਰਨ ਲਈ 15 ਤੋਂ 20 ਟਨ ਖਾਦ ਪਾਓ।
ਇਹ ਵੀ ਪੜ੍ਹੋ : Monsoon 'ਚ ਉਗਾਓ ਇਹ ਸਬਜ਼ੀਆਂ ਅਤੇ ਲਓ ਪੋਸ਼ਣ ਨਾਲ ਵਧੀਆ ਮੁਨਾਫ਼ਾ, ਜਾਣੋ ਕਿਵੇਂ?
ਬਿਜਾਈ ਅਤੇ ਫਾਸਲਾ:
● ਤਿਆਰ ਕੀਤੇ ਬੈੱਡ ਵਿੱਚ 2 ਤੋਂ 3 ਬੀਜ 2 ਸੈਂਟੀਮੀਟਰ ਦੀ ਡੂੰਘਾਈ ਵਿੱਚ ਬੀਜੋ।
● ਵੱਟ ਤੋਂ ਵੱਟ ਦਾ ਫਾਸਲਾ 2 ਮੀਟਰ ਜਾਂ ਪੌਦੇ ਤੋਂ ਪੌਦੇ ਦਾ ਫਾਸਲਾ 70 ਤੋਂ 80 ਸੈਂਟੀਮੀਟਰ ਹੋਣਾ ਚਾਹੀਦਾ ਹੈ।
ਸਿੰਚਾਈ:
● ਖੇਤ ਵਿੱਚ ਬੈੱਡਾਂ 'ਤੇ ਬੀਜਣ ਤੋਂ ਤੁਰੰਤ ਬਾਅਦ ਸਿੰਚਾਈ ਕਰੋ।
● ਇਸ ਤੋਂ ਬਾਅਦ ਬੀਜ ਦੇ ਆਧਾਰ 'ਤੇ ਹੀ ਸਿੰਚਾਈ ਕਰੋ।
● ਬਰਸਾਤ ਦੇ ਮੌਸਮ ਵਿੱਚ ਸਿੰਚਾਈ ਦੀ ਲੋੜ ਨਹੀਂ ਹੁੰਦੀ ਅਤੇ ਮਿੱਟੀ ਵਿੱਚ ਕਾਫ਼ੀ ਨਮੀ ਹੁੰਦੀ ਹੈ।
● ਖੁਸ਼ਕ ਮੌਸਮ ਦੀ ਸਥਿਤੀ ਵਿੱਚ, ਹਫ਼ਤੇ ਦੇ ਅੰਤਰਾਲ 'ਤੇ 1 ਜਾਂ 2 ਸਿੰਚਾਈਆਂ ਕਰੋ।
ਕਟਾਈ:
● ਇਹ ਬਿਜਾਈ ਤੋਂ 70 ਤੋਂ 80 ਦਿਨਾਂ ਵਿੱਚ ਕਟਾਈ ਲਈ ਤਿਆਰ ਹੋ ਜਾਂਦੀ ਹੈ।
● ਦੂਜੇ ਸਾਲ ਇਹ ਫ਼ਸਲ 35 ਤੋਂ 40 ਦਿਨਾਂ ਵਿੱਚ ਪੱਕ ਜਾਂਦੀ ਹੈ।
Summary in English: Profitable Farming: Kantola Cultivation
