Kisan Mela September 2023 ਦੌਰਾਨ ਹਾੜੀ ਦੀਆਂ ਫ਼ਸਲਾਂ ਦੇ ਸੁਧਰੇ ਬੀਜ ਮੁਹੱਈਆ

ਸਤੰਬਰ 2023 ਦੇ ਕਿਸਾਨ ਮੇਲੇ

Kisan Mela 2023: ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਨੇ ਖੇਤੀਬਾੜੀ ਨੂੰ ਵਿਗਿਆਨਕ ਲੀਹਾਂ ਤੇ ਪ੍ਰਫੁੱਲਤ ਕਰਨ ਵਿੱਚ ਅਹਿਮ ਯੋਗਦਾਨ ਪਾਇਆ ਹੈ। ਯੂਨੀਵਰਸਿਟੀ ਵੱਲੋਂ ਪੰਜਾਬ ਵਿੱਚ ਕਾਸ਼ਤ ਲਈ ਵੱਖ-ਵੱਖ ਫਸਲਾਂ ਅਤੇ ਸਬਜ਼ੀਆਂ ਦੀਆਂ ਉੱਨਤ ਕਿਸਮਾਂ ਸਿਫਾਰਸ਼ ਕੀਤੀਆਂ ਜਾਂਦੀਆਂ ਹਨ। ਇਹ ਕਿਸਮਾਂ ਵਧੇਰੇ ਝਾੜ ਦੇ ਨਾਲ ਨਾਲ ਬਿਮਾਰੀਆਂ ਅਤੇ ਕੀੜ-ਮਕੌੜਿਆਂ ਦਾ ਟਾਕਰਾ ਕਰਨ ਦੇ ਵੀ ਸਮਰੱਥ ਹੁੰਦੀਆਂ ਹਨ। ਇਨ੍ਹਾਂ ਉਨੱਤ ਕਿਸਮਾਂ ਦਾ ਵਧੇਰੇ ਝਾੜ ਲੈਣ ਲਈ ਇਹ ਜ਼ਰੂਰੀ ਹੈ ਕਿ ਕਿਸਾਨ ਵਧੀਆ ਕੁਆਲਿਟੀ ਦਾ ਬੀਜ ਹੀ ਇਸਤੇਮਾਲ ਕਰਨ।

ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਫਸਲਾਂ ਅਤੇ ਸਬਜ਼ੀਆਂ ਦੀਆਂ ਅਲੱਗ-ਅਲੱਗ ਕਿਸਮਾਂ ਦਾ ਉੱਚ-ਗੁਣਵੱਤਾ ਦਾ ਬੀਜ ਤਿਆਰ ਕਰਦੀ ਹੈ ਤਾਂ ਜੋ ਕਿਸਾਨਾਂ ਨੂੰ ਸ਼ੁੱਧ ਬੀਜ ਘੱਟੋ-ਘੱਟ ਮੁੱਲ ਤੇ ਮੁਹੱਈਆ ਕਰਵਾਇਆ ਜਾ ਸਕੇ। ਯੂਨੀਵਰਸਿਟੀ ਵਲੋਂ ਸਾਰੇ ਬੀਜ ਨਿਰਧਾਰਿਤ ਮਿਆਰਾਂ ਅਨੁਸਾਰ ਤਿਆਰ ਕਰਕੇ ਸਾਫ ਅਤੇ ਗਰੇਡ ਕੀਤੇ ਜਾਂਦੇ ਹਨ। ਇਸ ਤੋਂ ਬਾਅਦ ਇਹਨਾਂ ਬੀਜਾਂ ਦੀ ਸਰਕਾਰੀ ਬੀਜ ਪਰਖ ਲੈਬਾਰਟਰੀ ਵਿਚੋਂ ਸ਼ੁੱਧਤਾ ਅਤੇ ਉੱਗਣ ਸ਼ਕਤੀ ਦੀ ਪਰਖ ਕਰਵਾਈ ਜਾਂਦੀ ਹੈ ਅਤੇ ਨਿਰਧਾਰਿਤ ਮਿਆਰਾਂ ਵਾਲੇ ਬੀਜਾਂ ਨੂੰ ਬੀਜ ਵਾਲੇ ਥੈਲਿਆਂ ਵਿੱਚ ਪੈਕ ਕਰ ਦਿੱਤਾ ਜਾਂਦਾ ਹੈ।

ਬੀਜਾਂ ਦੇ ਥੈਲਿਆਂ ਉੱਪਰ ਬੀਜ ਦੀ ਸ਼੍ਰੇਣੀ, ਫ਼ਸਲ ਅਤੇ ਕਿਸਮ ਦਾ ਨਾਮ, ਪੈਕਿੰਗ ਦੀ ਮਿਤੀ, ਘੱਟੋ-ਘੱਟ ਉੱਗਣ ਸਮਰੱਥਾ ਆਦਿਕ ਜਾਣਕਾਰੀ ਦਿੱਤੀ ਜਾਂਦੀ ਹੈ। ਇਹ ਬੀਜ ਕਿਸਾਨਾਂ ਨੂੰ ਯੂਨੀਵਰਸਿਟੀ ਵੱਲੋਂ ਪੰਜਾਬ ਦੇ ਵੱਖ-ਵੱਖ ਕੇਂਦਰਾਂ ਉੱਪਰ ਲੱਗਦੇ ਮੇਲਿਆਂ ਵਿੱਚ, ਪੀਏਯੂ ਦੀਆਂ ਬੀਜਾਂ ਦੀਆਂ ਦੁਕਾਨਾਂ, ਕ੍ਰਿਸ਼ੀ ਵਿਗਿਆਨ ਕੇਂਦਰਾਂ, ਫਾਰਮ ਸਲਾਹਕਾਰ ਸੇਵਾ ਕੇਂਦਰਾਂ, ਖੇਤਰੀ ਖੋਜ ਕੇਂਦਰਾਂ ਅਤੇ ਬੀਜ ਉਤਪਾਦਨ ਫਾਰਮਾਂ ਤੇ ਉਪਲੱਬਧ ਕਰਵਾਏ ਜਾਂਦੇ ਹਨ। ਹੇਠ ਦਰਸਾਈਆਂ ਫਸਲਾਂ ਅਤੇ ਸਬਜੀਆਂ ਦੇ ਬੀਜ ਸਤੰਬਰ 2023 ਵਿੱਚ ਲੱਗਣ ਵਾਲੇ ਕਿਸਾਨ ਮੇਲਿਆਂ ਦੌਰਾਨ ਵਿਤਰਿਤ ਕੀਤੇ ਜਾਣਗੇ:-

ਇਹ ਵੀ ਪੜ੍ਹੋ: ਸਤੰਬਰ ਅਤੇ ਜਨਵਰੀ ਮਹੀਨੇ 'ਚ ਕਰੋ Hybrid Cucumber ਦੀ ਕਾਸ਼ਤ, ਝਾੜ 370 ਕੁਇੰਟਲ ਪ੍ਰਤੀ ਏਕੜ

ਫਸਲਾਂ	ਕਿਸਮਾਂ	ਪੈਕਿੰਗ ਆਕਾਰ (ਕਿਲੋਗ੍ਰਾਮ)	ਵਿਕਰੀ ਦਰ (ਰੁਪਏ/ਪੀਕੇਟੀ)
ਕਣਕ (ਸਮੇਂ ਸਿਰ ਬਿਜਾਈ ਲਈ)	ਪੀਬੀਡਬਲਯੂ 826	20, 40	1000, 2000
	ਪੀਬੀਡਬਲਯੂ 824 ਪੀਬੀਡਬਲਯੂ 803 ਸੁਨਹਿਰੀ (ਪੀਬੀਡਬਲਯੂ 766) ਉਨਤ ਪੀਬੀਡਬਲਯੂ 343 ਪੀਬੀਡਬਲਯੂ 725 ਪੀਬੀਡਬਲਯੂ 677 ਪੀਬੀਡਬਲਯੂ 1 Zn	20, 40	750, 1500
	ਪੀਬੀਡਬਲਯੂ 869	22.5, 45	800, 1600
	ਪੀਬੀਡਬਲਯੂ 1	10, 20	400, 750
ਕਣਕ (ਨਵੰਬਰ ਦੇ ਦੂਜੇ ਤੋਂ ਚੌਥੇ ਹਫ਼ਤੇ ਲਈ)	ਉਨਤ ਪੀਬੀਡਬਲਯੂ 550	22.5, 45	750, 1500
ਕਣਕ (ਪਛੇਤੀ ਬਿਜਾਈ ਲਈ)	ਪੀਬੀਡਬਲਯੂ 752 ਪੀਬੀਡਬਲਯੂ 771	20, 40	750, 1500
	ਪੀਬੀਡਬਲਯੂ 757	20, 40	750, 1500
ਕਣਕ (ਬਰਸਾਤ)	ਪੀਬੀਡਬਲਯੂ 660	20, 40	750, 1500
ਜੌਂ	ਪੀਐਲ 891	5, 10	200, 400
	ਪੀਐਲ 807	5, 18	150, 540
ਗ੍ਰਾਮ ਦੇਸੀ	ਪੀਬੀਜੀ 7	2	240
	ਪੀਬੀਜੀ 8	2	240
ਦਾਲ	ਐਲ ਐਲ 1373	2	200
ਤੋਰੀਆ	ਟੀਐਲ 17	0.5, 1	100, 200
ਰਾਇਆ ਸਰਸੋਂ	ਆਰਸੀਐਚ 1	0.5, 1	150, 300
	ਆਰਐਲਸੀ 3 ਪੀਬੀਆਰ 357 ਪੀਬੀਆਰ 91	0.5, 1	100, 200
ਗੋਭੀ ਸਰਸੋਂ	ਜੀਐਸਸੀ 7	0.4, 1	100, 250
	ਪੀਜੀਐਸਐਚ 1707 (ਕਨੋਲਾ ਹਾਈਬ੍ਰਿਡ)	0.5, 1	150, 300
ਅਫਰੀਕਨ ਸਰਸੋਂ	ਪੀਸੀ 6	0.5, 1	100, 200
ਤਾਰਾਮੀਰਾ	ਟੀਐਮਐਲਸੀ 2	0.5, 1	100, 200
ਅਲਸੀ	ਐਲਸੀ 2063	1	150
ਬਰਸੀਮ	ਬੀਐਲ 10 ਬੀਐਲ 42 ਬੀਐਲ 44	2	700
ਓਟਸ	ਓਐਲ 13 ਓਐਲ 14	5, 15, 25	300, 900, 1500
ਰਾਈ ਘਾਹ	ਪੀ.ਬੀ.ਆਰ.ਜੀ. 2 ਪੀ.ਬੀ.ਆਰ.ਜੀ. 1	1	300
ਦਾਲਾਂ ਅਤੇ ਤੇਲ ਬੀਜ ਕਿੱਟ (ਰਾਬੀ	ਗ੍ਰਾਮ - 0.50 ਕਿਲੋਗ੍ਰਾਮ ਦਾਲ - 0.25 ਕਿਲੋ ਜੀ. ਸਰਸਨ - 0.25 ਕਿਲੋਗ੍ਰਾਮ ਅਲਸੀ - 0.20 ਕਿਲੋ	1 No.	200
ਹਾੜੀ ਦੇ ਚਾਰੇ ਦੇ ਬੀਜ ਦੀ ਕਿੱਟ	ਬਰਸੀਮ - 0.40 ਕਿਲੋਗ੍ਰਾਮ ਤੋਰੀਆ - 0.05 ਕਿਲੋਗ੍ਰਾਮ ਓਟਸ - 1.00 ਕਿਲੋਗ੍ਰਾਮ ਰਾਈ ਘਾਹ - 0.20 ਕਿਲੋਗ੍ਰਾਮ	1 No.	300

ਇਸ ਤੋਂ ਇਲਾਵਾ ਕਣਕ ਦੀਆਂ ਨਵੀਆਂ ਕਿਸਮਾਂ ਦਾ ਬੀਜ 2-2 ਕਿਲੋਗ੍ਰਾਮ ਦੇ ਮਿਨੀਕਿਟਸ ਵਿੱਚ ਉਪਲਬਧ ਕਰਵਾਇਆ ਜਾਵੇਗਾ ਤਾਂ ਜੋ ਕਿਸਾਨ ਆਪਣੇ ਖੇਤਾਂ ਵਿੱਚ ਇਹਨਾਂ ਕਿਸਮਾਂ ਦੀ ਪਰਖ ਕਰ ਸਕਣ। ਖੇਤਾਂ ਦੀਆਂ ਫਸਲਾਂ ਦੇ ਬੀਜਾਂ ਤੋਂ ਇਲਾਵਾ, ਰਸੋਈ ਬਾਗਬਾਨੀ ਲਈ ਸਰਦੀਆਂ ਦੀਆਂ ਸਬਜ਼ੀਆਂ ਦੀਆਂ ਕਿੱਟਾਂ ਅਤੇ ਛੋਟੇ ਪੈਕਟਾਂ ਵਿੱਚ ਸਬਜ਼ੀਆਂ ਦੇ ਬੀਜ ਵੀ ਕਿਸਾਨ ਮੇਲਿਆਂ ਅਤੇ ਸੀਡ ਆਉਟਲੈਟਾਂ ਤੋਂ ਉਪਲਬਧ ਹੋਣਗੇ। ਸਬਜ਼ੀਆਂ ਦੀਆਂ ਕਿੱਟਾਂ ਕਿਸਾਨਾਂ ਵਿੱਚ ਬਹੁਤ ਮਸ਼ਹੂਰ ਹਨ ਅਤੇ ਕਿਸਾਨ ਮੇਲਿਆਂ ਦੌਰਾਨ ਖਿੱਚ ਦਾ ਕੇਂਦਰ ਹੁੰਦੀਆਂ ਹਨ। ਸਰਦੀਆਂ ਦੀਆਂ ਸਬਜ਼ੀਆਂ ਦੀ ਕਿੱਟ ਵਿੱਚ 10 ਸਬਜ਼ੀਆਂ ਦੀਆਂ ਫ਼ਸਲਾਂ ਦੇ ਬੀਜ ਹੁੰਦੇ ਹਨ ਅਤੇ 5-6 ਵਿਅਕਤੀਆਂ ਦੇ ਪਰਿਵਾਰ ਦੀ ਲੋੜ ਪੂਰੀ ਕਰ ਸਕਦੇ ਹਨ।

ਰਾਜਿੰਦਰ ਸਿੰਘ, ਗੌਰਵ ਖੋਸਲਾ ਅਤੇ ਦੀਪਕ ਅਰੋੜਾ, ਦਫ਼ਤਰ ਨਿਰਦੇਸ਼ਕ ਬੀਜ
ਸਰੋਤ: ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ (Punjab Agricultural University)