ਇੱਕ ਪਾਸੇ ਜਿੱਥੇ ਕਿਸਾਨ ਅੰਦੋਲਨ ਕਰ ਰਹੇ ਹਨ, ਉਹਦਾ ਹੀ ਦੂਜੇ ਪਾਸੇ ਸੀਬੀਆਈ ਅੱਜ ਪੰਜਾਬ ਵਿੱਚ ਲਗਭਗ 35 ਥਾਵਾਂ ਅਤੇ ਹਰਿਆਣਾ ਵਿੱਚ 10 ਥਾਵਾਂ ’ਤੇ ਛਾਪੇਮਾਰੀ ਕਰ ਰਹੀ ਹੈ।
ਦਰਅਸਲ, ਫੂਡ ਕਾਰਪੋਰੇਸ਼ਨ ਆਫ ਇੰਡੀਆ (ਐਫਸੀਆਈ) ਦੇ ਗੁਦਾਮਾਂ ਅਤੇ ਅਨਾਜ ਭੰਡਾਰ ਕਰਨ ਦੀਆਂ ਸਹੂਲਤਾਂ 'ਤੇ ਛਾਪੇ ਮਾਰੇ ਜਾ ਰਹੇ ਹਨ। ਮੀਡੀਆ ਰਿਪੋਰਟਾਂ ਅਨੁਸਾਰ ਇਹ ਛਾਪੇ ਅਨਾਜ ਦੀ ਖਰੀਦ ਨਾਲ ਸਬੰਧਤ ਹਨ।
ਰਿਪੋਰਟਾਂ ਅਨੁਸਾਰ CBI ਦੀਆਂ ਕਈ ਟੀਮਾਂ ਪੰਜਾਬ ਅਤੇ ਹਰਿਆਣਾ ਦੇ ਵੱਖ-ਵੱਖ ਗੁਦਾਮਾਂ ‘ਤੇ ਛਾਪੇਮਾਰੀ ਕਰ ਰਹੀਆਂ ਹਨ। ਗੋਦਾਮਾਂ ਵਿਚ ਵੱਡੀ ਮਾਤਰਾ ਵਿਚ ਰੱਖੇ ਗਏ ਚੌਲਾਂ ਅਤੇ ਕਣਕ ਦੇ ਨਮੂਨੇ ਵੀ ਲੀਤੇ ਜਾਣ ਦੀ ਖ਼ਬਰ ਹੈ। CBI ਦੀ ਇਸ ਛਾਪੇਮਾਰੀ ਵਿਚ ਕੋਈ ਦਖਲ ਨਾ ਆਵੇ, ਇਸਦੇ ਲਈ ਨੀਮ ਫੌਜੀ ਬਲਾਂ ਦੀ ਵੀ ਮਦਦ ਲਈ ਜਾ ਰਹੀ ਹੈ।
ਮਹੱਤਵਪੂਰਣ ਗੱਲ ਇਹ ਹੈ ਕਿ FCI ਦੇ ਗੋਦਾਮਾਂ ਵਿਚ ਵੱਡੀ ਪੱਧਰ ‘ਤੇ ਬੇਨਿਯਮੀਆਂ ਦੀਆਂ ਸ਼ਿਕਾਇਤਾਂ ਮਿਲਣ ਤੋਂ ਬਾਅਦ ਸੀਬੀਆਈ ਨੇ ਪੰਜਾਬ ਅਤੇ ਹਰਿਆਣਾ ਵਿਚ ਛਾਪੇਮਾਰੀ ਕੀਤੀ ਅਤੇ ਚੈਕਿੰਗ ਕੀਤੀ। ਖਾਸ ਗੱਲ ਇਹ ਹੈ ਕਿ ਇਹ ਛਾਪੇਮਾਰੀ ਅਜਿਹੇ ਸਮੇਂ ਹੋ ਰਹੀ ਹੈ ਜਦੋਂ ਪੰਜਾਬ ਅਤੇ ਹਰਿਆਣਾ ਸਣੇ ਕਈ ਰਾਜਾਂ ਦੇ ਕਿਸਾਨ ਤਿੰਨਾਂ ਖੇਤੀਬਾੜੀ ਕਾਨੂੰਨਾਂ ਨੂੰ ਲੈ ਕੇ ਜ਼ੋਰਦਾਰ ਅੰਦੋਲਨ ਕਰ ਰਹੇ ਹਨ।
ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਸੀਬੀਆਈ ਦੀ ਇਹ ਰੈਡ ਵਿਜੀਲੈਂਸ ਦਾ ਹਿੱਸਾ ਹੈ, ਜੋ ਫੈਡਰਲ ਇਨਵੈਸਟੀਗੇਸ਼ਨ ਏਜੰਸੀ ਕੁਝ ਸਮੇਂ ਲਈ ਕਰਦੀ ਰਹਿੰਦੀ ਹੈ।
CRPF ਦੀ ਮਦਦ ਨਾਲ 20 ਤੋਂ ਵੱਧ ਸੀਬੀਆਈ ਟੀਮਾਂ ਪੰਜਾਬ ਅਤੇ ਹਰਿਆਣਾ ਦੇ ਕਈ ਸ਼ਹਿਰਾਂ ਵਿੱਚ ਰੈਡ ਕਰ ਰਹੀਆਂ ਹਨ।
Summary in English: CBI raids 35 food warehouses in Punjab and 10 in Haryana
