Krishi Jagran Punjabi
Menu Close Menu

ਇਕ ਦਿਨ ਵਿੱਚ 76.61 ਕਿਲੋ ਦੁੱਧ ਦਾ ਉਤਪਾਦਨ ਕਰਕੇ ਐਚਐਫ ਗਾਂ ਨੇ ਬਣਾਇਆ ਰਾਸ਼ਟਰੀ ਰਿਕਾਰਡ, ਪੜੋ ਪੂਰੀ ਖਬਰ

Wednesday, 24 June 2020 04:37 PM

ਕਰਨਾਲ ਦੇ ਡੇਅਰੀ ਕਿਸਾਨ ਬਲਦੇਵ ਸਿੰਘ ਦੀ ਹੋਲੀਸਟੀਨ ਫਰੀਸ਼ੀਅਨ ਕਰਾਸ ਨਸਲ ਦੀ ਗਾਂ ਨੇ 24 ਘੰਟਿਆਂ ਵਿੱਚ 76.61 ਕਿਲੋ ਦੁੱਧ ਦੇਣ ਦਾ ਰਿਕਾਰਡ ਬਣਾਇਆ ਹੈ। ਰਿਕਾਰਡ ਦੁੱਧ ਤਿਆਰ ਕਰਨ ਵਾਲੀ ਇਸ ਐਚਐਫ ਕਰਾਸ ਗਾਂ ਦੀ ਪ੍ਰਾਪਤੀ ਲਈ ਐਨਡੀਆਰਆਈ NDRI ਦੇ ਡਾਇਰੈਕਟਰ ਡਾ: ਐਮਐਸ ਚੌਹਾਨ ਨੇ ਗਾਂ ਦੇ ਮਾਲਕ, ਕਿਸਾਨ ਬਲਦੇਵ ਸਿੰਘ ਨੂੰ ਸਨਮਾਨਿਤ ਕੀਤਾ ਹੈ। ਡੇਅਰੀ ਫਾਰਮਰ ਬਲਦੇਵ ਸਿੰਘ ਦੇ ਅਨੁਸਾਰ, ਕਰਾਸ ਨਸਲ ਦੀ ਐਚ.ਐਫ. ਗਾਂ ਦਾ ਹੁਣ ਤੱਕ ਦੁੱਧ ਦਾ ਸਭ ਤੋਂ ਵੱਧ ਰਿਕਾਰਡ ਹੈ | ਦੱਸ ਦੇਈਏ ਕਿ ਉਹਨਾਂ ਦੀ ਗਾਂ ਦੇ ਦੁੱਧ ਦੇ ਉਤਪਾਦਨ ਦਾ ਮੁਲਾਂਕਣ ਕਰਨਾਲ ਦੇ ਨੈਸ਼ਨਲ ਡੇਅਰੀ ਰਿਸਰਚ ਇੰਸਟੀਚਿਯੂਟ (NDRI)) ਦੀ ਇਕ ਮੁਲਾਂਕਣ ਕਮੇਟੀ ਦੁਆਰਾ ਕੀਤਾ ਗਿਆ ਸੀ | ਗਾਂ ਦੇ ਮਾਲਕ ਬਲਦੇਵ ਸਿੰਘ ਦੇ ਅਨੁਸਾਰ, ਇਸੇ ਗਾਂ ਨੇ ਪੰਜਾਬ ਦੇ ਲੁਧਿਆਣਾ ਵਿਚ ਆਯੋਜਿਤ 10 ਵੇ ਪੀਡੀਐਫਏ ਇੰਟਰਨੈਸ਼ਨਲ ਡੇਅਰੀ ਅਤੇ ਐਗਰੀ ਐਕਸਪੋ -2015 ਅਤੇ ਐਨ.ਡੀ .ਆਰ.ਆਈ, ਕਰਨਾਲ ਵਿਖੇ ਰਾਸ਼ਟਰੀ ਡੇਅਰੀ ਮੇਲੇ ਵਿਚ ਚੋਟੀ ਦਾ ਪੁਰਸਕਾਰ ਵੀ ਜਿੱਤਿਆ ਸੀ |

ਐਨਡੀਆਰਆਈ ਤੋਂ ਮਿਲੀ ਡੇਅਰੀ ਪਸ਼ੂਆਂ ਦੇ ਪ੍ਰਬੰਧਨ ਦੀ ਸਿਖਲਾਈ

ਐਨਡੀਆਰਆਈ-ਕਰਨਾਲ ਦੇ ਡਾਇਰੈਕਟਰ ਡਾ ਐਮ ਐਸ ਚੌਹਾਨ, ਅਨੁਸਾਰ ਬਲਦੇਵ ਸਿੰਘ ਅਤੇ ਉਸਦੇ ਭਰਾ ਅਮਨਦੀਪ ਸਿੰਘ ਨੇ ਕ੍ਰਮਵਾਰ 2010 ਅਤੇ 2011 ਵਿੱਚ ਨੈਸ਼ਨਲ ਡੇਅਰੀ ਰਿਸਰਚ ਇੰਸਟੀਚਿਯੂਟ, ਕਰਨਾਲ ਤੋਂ ਡੇਅਰੀ ਪਸ਼ੂਆਂ ਦੇ ਪ੍ਰਬੰਧਨ ਦੀ ਸਿਖਲਾਈ ਪੂਰੀ ਕੀਤੀ ਸੀ ਅਤੇ ਉਹਨਾਂ ਨੇ ਵਿਗਿਆਨਕ ਪ੍ਰਜਨਨ ਅਤੇ ਪ੍ਰਬੰਧਨ ਦੇ ਬਾਰੇ ਵਿਚ ਸਿਖਿਆ। ਐਨਡੀਆਰਆਈ ਦੀ ਇਹ ਸਿਖਲਾਈ ਅਤੇ ਨਿਰੰਤਰ ਤਕਨੀਕੀ ਜਾਣਕਾਰੀ ਨੇ ਉਹਨਾਂ ਨੂੰ ਡੇਅਰੀ ਸਥਾਪਤ ਕਰਨ ਲਈ ਪ੍ਰੇਰਿਆ |

ਕਿਸਾਨ ਬਲਦੇਵ ਸਿੰਘ ਨੌਜਵਾਨਾਂ ਲਈ ਰੋਲ ਮਾਡਲ

ਸਨਮਾਨ ਸਮਾਰੋਹ ਵਿਚ ਡਾ: ਚੌਹਾਨ ਨੇ ਸਮੂਹ ਡੇਅਰੀ ਕਿਸਾਨਾਂ ਅਤੇ ਪੇਂਡੂ ਨੌਜਵਾਨਾਂ ਨੂੰ ਉੱਦਮਤਾ ਅਤੇ ਹੁਨਰ ਵਿਕਾਸ ਪ੍ਰੋਗਰਾਮ ਵਿਚ ਹਿੱਸਾ ਲੈਣ ਦੀ ਅਪੀਲ ਕਰਦਿਆਂ ਕਿਹਾ ਕਿ ਕੇ.ਵੀ.ਕੇ., ਐਨ.ਡੀ.ਆਰ.ਆਈ., ਕਰਨਾਲ ਨਿਯਮਤ ਤੌਰ 'ਤੇ ਡੇਅਰੀ ਵਿਕਾਸ ਸਿਖਲਾਈ ਵਿਚ ਲੱਗੇ ਹੋਏ ਹਨ | ਜਿਥੇ ਇਸੀ ਤਰਾਂ ਦਾ ਸਿਖਲਾਈ ਆਯੋਜਿਤ ਕੀਤਾ ਜਾਂਦਾ ਹੈ | ਉਨ੍ਹਾਂ ਨੇ ਕਿਹਾ ਕਿ ਬਲਦੇਵ ਸਿੰਘ ਹੋਰ ਨੌਜਵਾਨਾਂ ਲਈ ਰੋਲ ਮਾਡਲ ਹੋ ਸਕਦੇ ਹਨ। ਇਸ ਤੋਂ ਇਲਾਵਾ ਐਨਡੀਆਰਆਈ NDRI ਦੇ ਡਾਇਰੈਕਟਰ ਡਾ: ਚੌਹਾਨ ਨੇ ਕਿਹਾ ਕਿ ਡੇਅਰੀ ਫਾਰਮਿੰਗ ਤੋਂ ਕਿਸਾਨ ਚੰਗੀ ਆਮਦਨ ਪ੍ਰਾਪਤ ਕਰ ਸਕਦੇ ਹਨ। ਐਨਡੀਆਰਆਈ ਵਿੱਚ, ਡੇਅਰੀ ਫਾਰਮਿੰਗ ਲਈ ਚਾਹਵਾਨ ਕਿਸਾਨਾਂ ਅਤੇ ਨੌਜਵਾਨਾਂ ਦਾ ਸਵਾਗਤ ਹੈ | ਉਹ ਇੱਥੇ ਡੇਅਰੀ ਫਾਰਮਿੰਗ ਦੀ ਨਿਯਮਤ ਸਿਖਲਾਈ ਲਈ ਆ ਸਕਦੇ ਹਨ |

Holstein Frisian cross breed cow Dairy farmer Baldev Singh Director Dr. MS Chauhan NDRI-Karnal Amandeep singh batala Lakhimpur Kheri district the national livestock championship punjabi news
English Summary: HF Cow creates national record by producing 76.61 kg milk in one day, read full news

Share your comments

Krishi Jagran Punjabi Magazine subscription

CopyRight - 2020 Krishi Jagran Media Group. All Rights Reserved.