s
  1. ਖਬਰਾਂ

Jan Dhan Account: ਮਹਿਲਾ ਜਨਧਨ ਖਾਤਾਧਾਰਕਾਂ ਨੂੰ ਇਸ ਦਿਨ ਤੋਂ ਮਿਲੇਗੀ 500 ਰੁਪਏ ਦੀ ਦੂਜੀ ਕਿਸ਼ਤ, ਜਾਣੋ ਇਸ ਵਾਰ ਕਿਵੇਂ ਕਢੀਏ ਰਾਸ਼ੀ

KJ Staff
KJ Staff

ਮੋਦੀ ਸਰਕਾਰ ਨੇ ਮਹਿਲਾ ਜਨਧਨ ਖਾਤਾਧਾਰਕਾਂ ਨੂੰ ਫਿਰ ਇਕ ਵਾਰ ਵੱਡੀ ਰਾਹਤ ਦਿੱਤੀ ਹੈ। ਸਰਕਾਰ ਦੁਵਾਰਾ ਸੋਮਵਾਰ ਤੋਂ ਜਨਧਨ ਖਾਤਾਧਾਰਕਾਂ ਦੇ ਖਾਤਿਆਂ ਵਿੱਚ 500 ਰੁਪਏ ਦੀ ਦੂਜੀ ਕਿਸ਼ਤ ਭੇਜੀ ਜਾਵੇਗੀ । ਦੱਸ ਦੇਈਏ ਕਿ ਕੇਂਦਰ ਸਰਕਾਰ ਨੇ ਗਰੀਬ ਔਰਤਾਂ ਲਈ ਪ੍ਰਧਾਨ ਮੰਤਰੀ ਜਨ-ਧਨ ਯੋਜਨਾ ਲਾਗੂ ਕੀਤੀ ਹੋਈ ਹੈ। ਇਸ ਯੋਜਨਾ ਦੇ ਤਹਿਤ, ਪ੍ਰਧਾਨ ਮੰਤਰੀ ਗਰੀਬ ਕਲਿਆਣ ਪੈਕੇਜ ਦੇ ਅਧੀਨ ਰਾਸ਼ੀ ਭੇਜੀ ਜਾਂਦੀ ਹੈ | ਸਰਕਾਰ ਸੋਮਵਾਰ ਤੋਂ ਔਰਤਾਂ ਦੇ ਖਾਤਿਆਂ ਵਿੱਚ ਮਈ ਦੀਆਂ ਕਿਸ਼ਤਾਂ ਭੇਜਣੀਆਂ ਸ਼ੁਰੂ ਕਰ ਦਵੇਗੀ |

ਇਹ ਰਕਮ 3 ਮਹੀਨਿਆਂ ਲਈ ਮਿਲੇਗੀ

ਕੋਰੋਨਾ ਅਤੇ ਤਾਲਾਬੰਦ ਵਿਚਕਾਰ ਗਰੀਬਾਂ ਦੀ ਸਹਾਇਤਾ ਦੇ ਲਈ, ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਨੇ 26 ਮਾਰਚ ਨੂੰ ਕਿਹਾ ਕਿ ਅਪ੍ਰੈਲ ਤੋਂ 3 ਮਹੀਨਿਆਂ ਲਈ ਮਹਿਲਾ ਜਨਧਨ ਖਾਤਾਧਾਰਕਾਂ ਨੂੰ 500 ਰੁਪਏ ਭੇਜੇ ਜਾਣਗੇ। ਇਹ ਜਾਣਕਾਰੀ ਵਿੱਤੀ ਸੇਵਾਵਾਂ ਦੇ ਸਕੱਤਰ ਦੇਵਾਸ਼ੀਸ਼ ਪਾਂਡਾ ਨੇ ਇੱਕ ਟਵੀਟ ਵਿੱਚ ਦਿੱਤੀ ਹੈ |

ਇਸ ਤਰਾਂ ਕੱਢੀ ਜਾਵੇਗੀ ਰਾਸ਼ੀ

ਲਾਭਪਾਤਰੀਆਂ ਦੇ ਖਾਤੇ ਵਿੱਚ ਆਈ ਰਾਸ਼ੀ ਕੱਢਣ ਲਈ ਇੱਕ ਪ੍ਰਣਾਲੀ ਤਿਆਰ ਕੀਤੀ ਗਈ ਹੈ | ਇਸਦੇ ਤਹਿਤ ਖਾਤਾਧਾਰਕ ਬੈਂਕ ਬ੍ਰਾਂਚ ਜਾਂ ਗਾਹਕ ਸੇਵਾ ਕੇਂਦਰ ਵਿੱਚ ਜਾ ਕੇ ਰਾਸ਼ੀ ਕੱਢ ਸਕਦੇ ਹਨ | ਇਸ ਤੋਂ ਇਲਾਵਾ ਏਟੀਐਮ ਦੇ ਜ਼ਰੀਏ ਵੀ ਇਹ ਰਕਮ ਕੱਢੀ ਜਾ ਸਕਦੀ ਹੈ। ਇਸ ਦੌਰਾਨ ਬੈਂਕ ਦੀਆਂ ਬ੍ਰਾਂਚਾਂ ਵਿੱਚ ਭੀੜ ਨਾ ਹੋਵੇ, ਇਸ ਲਈ ਰਕਮ ਤਬਦੀਲ ਕਰਨ ਲਈ 5 ਦਿਨਾਂ ਦੀ ਮਿਆਦ ਨਿਰਧਾਰਤ ਕੀਤੀ ਗਈ ਹੈ | ਇਸ ਤਰ੍ਹਾਂ ਸਮਾਜਿਕ ਦੂਰੀਆਂ ਦਾ ਵੀ ਪਾਲਣ ਕੀਤਾ ਜਾਵੇਗਾ |

ਇਸ ਤਾਰੀਖ ਤੋਂ ਕੱਢ ਸਕਦੇ ਹੋ ਰਾਸ਼ੀ

1 ) ਜਨਧਨ ਖਾਤੇ ਦੀ ਰਕਮ ਕੱਢਣ ਲਈ, ਜਿਨ੍ਹਾਂ ਔਰਤਾਂ ਦੇ ਖਾਤੇ ਦੀ ਆਖਰੀ ਗਿਣਤੀ 0 ਜਾਂ 1 ਹੈ, ਉਹ 4 ਮਈ 2020 ਨੂੰ ਬੈਂਕ ਜਾ ਕੇ ਰਕਮ ਕੱਢ ਸਕਦੇ ਹਨ |

2 ) ਜਿਨ੍ਹਾਂ ਦੇ ਖਾਤਿਆਂ ਦੀ ਆਖਰੀ ਗਿਣਤੀ 2 ਜਾਂ 3 ਹੈ, ਉਹ 5 ਮਈ 2020 ਨੂੰ ਬੈਂਕ ਜਾ ਕੇ ਰਕਮ ਕੱਢ ਸਕਦੇ ਹਨ |

3 ) ਇਸ ਤੋਂ ਇਲਾਵਾ,ਜਿਨ੍ਹਾਂ ਦੇ ਖਾਤਿਆਂ ਦੀ ਆਖਰੀ ਗਿਣਤੀ 4 ਜਾਂ 5 ਹੈ ,ਉਹ 6 ਮਈ 2020 ਨੂੰ ਬੈਂਕ ਜਾ ਕੇ ਰਕਮ ਕੱਢ ਸਕਦੇ ਹਨ |

4 ) ਜਿਨ੍ਹਾਂ ਦੇ ਖਾਤਿਆਂ ਦੀ ਆਖਰੀ ਗਿਣਤੀ 6 ਜਾਂ 7 ਹੈ, ਉਹ 8 ਮਈ 2020 ਨੂੰ ਬੈਂਕ ਜਾ ਕੇ ਰਕਮ ਕੱਢ ਸਕਦੇ ਹਨ |

5 ) ਇਸ ਤੋਂ ਬਾਅਦ, ਜਿਨ੍ਹਾਂ ਦੇ ਖਾਤਿਆਂ ਦੀ ਆਖਰੀ ਗਿਣਤੀ 8 ਜਾਂ 9 ਹੈ, ਉਹਨਾ ਨੂੰ 11 ਮਈ 2020 ਨੂੰ ਰਕਮ ਕੱਢਣ ਦੀ ਆਗਿਆ ਦਿੱਤੀ ਜਾਏਗੀ |

6 ) 11 ਮਈ ਤੋਂ ਬਾਅਦ ਵੀ ਲਾਭਪਾਤਰੀ ਕਿਸੇ ਵੀ ਕਾਰਜਕਾਰੀ ਦਿਨ ਬੈਂਕ ਜਾ ਕੇ ਰਕਮ ਕੱਢ ਸਕਦੇ ਹਨ |

Summary in English: Jan Dhan Account: Mahila Jan Dhan account holders will get another installment of 500 rupees from this day, know how to withdraw funds this time

Like this article?

Hey! I am KJ Staff. Did you liked this article and have suggestions to improve this article? Mail me your suggestions and feedback.

Top Stories

More Stories

ਸਾਡੇ ਨਿਉਜ਼ਲੈਟਰ ਦੇ ਗਾਹਕ ਬਣੋ। ਖੇਤੀਬਾੜੀ ਨਾਲ ਜੁੜੀਆਂ ਦੇਸ਼ ਭਰ ਦੀਆਂ ਸਾਰੀਆਂ ਤਾਜ਼ਾ ਖ਼ਬਰਾਂ ਮੇਲ 'ਤੇ ਪੜ੍ਹਨ ਲਈ ਸਾਡੇ ਨਿਉਜ਼ਲੈਟਰ ਦੇ ਗਾਹਕ ਬਣੋ।

Subscribe Newsletters
Krishi Jagran Punjabi Magazine subscription