ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ ਦੇਸ਼ ਦੀ ਆਰਥਿਕਤਾ ਨੂੰ ਮੁੜ ਲਿਆਉਣ ਅਤੇ ਸੂਖਮ, ਛੋਟੇ, ਦਰਮਿਆਨੇ, ਉਦਯੋਗਾਂ ਯਾਨੀ MSME ਨੂੰ ਰਾਹਤ ਪ੍ਰਦਾਨ ਕਰਨ ਲਈ 20 ਲੱਖ ਕਰੋੜ ਰੁਪਏ ਦੇ ਵਿਸ਼ੇਸ਼ ਰਾਹਤ ਪੈਕੇਜ ਦਾ ਐਲਾਨ ਕੀਤਾ ਹੈ। ਉਨ੍ਹਾਂ ਨੇ ਕਿਹਾ, "ਇਹ ਪੈਕੇਜ ਉਨ੍ਹਾਂ ਮਜ਼ਦੂਰਾਂ ਅਤੇ ਕਿਸਾਨਾਂ ਲਈ ਹੈ ਜਿਹੜੇ ਦੇਸ਼ ਦੇ ਲੋਕਾਂ ਲਈ ਦਿਨ ਰਾਤ ਹਰ ਮੌਸਮ ਵਿੱਚ ਸਖਤ ਮਿਹਨਤ ਕਰ ਰਹੇ ਹਨ | ਇਹ ਮੱਧ ਵਰਗ ਦੇ ਲੋਕਾਂ ਲਈ ਹੈ ਜੋ ਇਮਾਨਦਾਰੀ ਨਾਲ ਟੈਕਸ ਅਦਾ ਕਰਦੇ ਹਨ, ਉਦਯੋਗ ਜਗਤ ਲਈ ਹੈ |
ਪ੍ਰਧਾਨ ਮੰਤਰੀ ਕਿਸਾਨ ਸੱਮਾਨ ਨਿਧੀ ਸਕੀਮ ਦਾ ਹੋ ਸਕਦਾ ਹੈ ਵਿਸਥਾਰ
ਪੀਐਮ ਮੋਦੀ ਨੇ ਕਿਹਾ, ‘ਪਿਛਲੇ 6 ਸਾਲਾਂ ਵਿੱਚ ਹੋਏ ਸੁਧਾਰਾਂ ਕਾਰਨ ਅੱਜ ਭਾਰਤ ਦੀ ਆਰਥਿਕਤਾ ਵਧੇਰੇ ਕੁਸ਼ਲ ਅਤੇ ਸਮਰੱਥ ਹੋ ਗਈ ਹੈ। ਸੁਧਾਰਾਂ ਦੇ ਦਾਇਰੇ ਨੂੰ ਨਵੀਂ ਉਚਾਈ ਤੱਕ ਵਧਾਉਣਾ ਹੈ | ਇਹ ਸੁਧਾਰ ਖੇਤੀ ਨਾਲ ਵੀ ਜੁੜੇ ਹੋਣਗੇ ਤਾਂਕਿ ਕਿਸਾਨ ਸ਼ਕਤੀਸ਼ਾਲੀ ਹੋਵੇ ਅਤੇ ਭਵਿੱਖ ਵਿੱਚ ਕੋਰੋਨਾ ਸੰਕਟ ਵਰਗੀ ਕਿਸੇ ਵੀ ਹੋਰ ਬਿਪਤਾ ਵਿੱਚ ਕਿਸਾਨਾਂ ਦੇ ਕੰਮਕਾਜ ਉੱਤੇ ਘੱਟ ਪ੍ਰਭਾਵ ਪਏ। ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਸਰਕਾਰ ਪ੍ਰਧਾਨ ਮੰਤਰੀ ਕਿਸਾਨ ਸੱਮਾਨ ਯੋਜਨਾ ਦੇ ਵਾਧੇ 'ਤੇ ਫੈਸਲਾ ਲੈ ਸਕਦੀ ਹੈ। ਇਸ ਤੋਂ ਇਲਾਵਾ ਕਿਸਾਨਾਂ ਦੀ ਆਮਦਨੀ ਵਧਾਉਣ ਦੇ ਐਲਾਨ ਦੀ ਵੀ ਸੰਭਾਵਨਾ ਹੈ।
ਜ਼ਮੀਨ, ਲੇਬਰ, ਤਰਲਤਾ ਅਤੇ ਕਾਨੂੰਨ, ਸਭ ਨੇ ਦਿੱਤਾ ਜ਼ੋਰ
ਸਵੈ-ਨਿਰਭਰ ਭਾਰਤ ਦੇ ਸੰਕਲਪ ਨੂੰ ਸਾਬਤ ਕਰਨ ਲਈ, ਇਸ ਪੈਕੇਜ ਵਿੱਚ ਜ਼ਮੀਨ, ਲੇਬਰ, ਤਰਲਤਾ ਅਤੇ ਕਾਨੂੰਨ ਸਭ ਤੇ ਜ਼ੋਰ ਦਿੱਤਾ ਗਿਆ ਹੈ | ਇਹ ਆਰਥਿਕ ਪੈਕੇਜ ਸਾਡੇ ਕਾਟੇਜ ਉਦਯੋਗ, ਘਰੇਲੂ ਉਦਯੋਗ, ਸਾਡੇ ਛੋਟੇ-ਪੱਧਰ ਦੇ ਉਦਯੋਗ, ਸਾਡੇ MSME ਦੇ ਲਈ ਹੈ ,ਜੋ ਕਰੋੜਾਂ ਲੋਕਾਂ ਦੀ ਰੋਜ਼ੀ-ਰੋਟੀ ਦਾ ਸਾਧਨ ਹੈ, ਜੋ ਸਵੈ-ਨਿਰਭਰ ਭਾਰਤ ਦੇ ਸਾਡੇ ਸੰਕਲਪ ਦਾ ਮਜ਼ਬੂਤ ਅਧਾਰ ਹੈ। -ਪੀਐਮ ਮੋਦੀ
ਦੇਸ਼ ਦੇ ਮੱਧ ਵਰਗ ਦੇ ਲਈ ਹੋ ਸਕਦਾ ਹੈ ਇਕ ਵੱਡਾ ਐਲਾਨ
ਇਹ ਆਰਥਿਕ ਪੈਕੇਜ ਸਾਡੇ ਦੇਸ਼ ਦੇ ਮੱਧ ਵਰਗ ਲਈ ਹੈ, ਜੋ ਇਮਾਨਦਾਰੀ ਨਾਲ ਟੈਕਸ ਅਦਾ ਕਰਦਾ ਹੈ, ਦੇਸ਼ ਦੇ ਵਿਕਾਸ ਵਿਚ ਆਪਣਾ ਯੋਗਦਾਨ ਪਾਉਂਦਾ ਹੈ। - ਪ੍ਰਧਾਨ ਮੰਤਰੀ ਮੋਦੀ
Summary in English: PM Modi announced a package of 20 lakh crore rupees, know what farmers and laborers can get!
