ਡੇਅਰੀ ਕਾਰੋਬਾਰ ਲਈ ਬੰਪਰ ਸਬਸਿਡੀ
Subsidy Scheme: ਨਾਬਾਰਡ ਸਬਸਿਡੀ ਲਈ ਕਿਸਾਨ, ਵਿਅਕਤੀਗਤ ਉੱਦਮੀ ਅਤੇ ਗੈਰ ਸਰਕਾਰੀ ਸੰਗਠਨ ਅਰਜ਼ੀ ਦੇ ਸਕਦੇ ਹਨ। ਇਸ ਤੋਂ ਇਲਾਵਾ ਡੇਅਰੀ ਸਹਿਕਾਰੀ ਸਭਾਵਾਂ, ਦੁੱਧ ਯੂਨੀਅਨਾਂ ਵੀ ਇਸ ਸਕੀਮ ਦਾ ਲਾਭ ਲੈ ਸਕਦੀਆਂ ਹਨ।
ਪੇਂਡੂ ਖੇਤਰਾਂ ਵਿੱਚ ਪਸ਼ੂ ਪਾਲਣ ਦਾ ਧੰਦਾ ਵਧ ਰਿਹਾ ਹੈ, ਜਿਸਦੇ ਚਲਦਿਆਂ ਹੁਣ ਸਰਕਾਰ ਕਿਸਾਨਾਂ ਨੂੰ ਡੇਅਰੀ ਧੰਦੇ ਲਈ ਉਤਸ਼ਾਹਿਤ ਕਰ ਰਹੀ ਹੈ, ਜਿਸ ਦਾ ਲਾਭ ਲੈ ਕੇ ਪੇਂਡੂ ਕਿਸਾਨ ਕਾਫੀ ਮੁਨਾਫਾ ਵੀ ਕਮਾ ਰਹੇ ਹਨ। ਇਸ ਦੇ ਲਈ ਸਰਕਾਰ ਵੱਲੋਂ ਰਾਸ਼ਟਰੀ ਪਸ਼ੂ ਧਨ ਮਿਸ਼ਨ ਤਹਿਤ ਪਸ਼ੂ ਪਾਲਕਾਂ ਨੂੰ ਵਿੱਤੀ ਸਹਾਇਤਾ ਵੀ ਦਿੱਤੀ ਜਾ ਰਹੀ ਹੈ। ਸਰਕਾਰ ਕਿਸਾਨਾਂ ਨੂੰ ਡੇਅਰੀ ਫਾਰਮਿੰਗ ਸ਼ੁਰੂ ਕਰਨ ਲਈ ਬੈਂਕਾਂ ਅਤੇ ਨਾਬਾਰਡ ਰਾਹੀਂ ਕਰਜ਼ੇ ਵੀ ਮੁਹੱਈਆ ਕਰਵਾ ਰਹੀ ਹੈ।
ਇਹ ਵੀ ਪੜ੍ਹੋ : ਨਾਬਾਰਡ ਨੇ ਵਧਾਈ ਕਿਸਾਨਾਂ ਲਈ ਕਰਜ਼ੇ ਦੀ ਰਕਮ, ਹੁਣ ਨਹੀਂ ਲੱਗੇਗਾ ਕੋਈ ਵਿਆਜ
ਸਕੀਮ ਲਈ ਕੌਣ ਅਪਲਾਈ ਕਰ ਸਕਦਾ ਹੈ?
ਨਾਬਾਰਡ ਦੇ ਅਧੀਨ ਪਸ਼ੂ ਪਾਲਣ, ਡੇਅਰੀ ਅਤੇ ਮੱਛੀ ਪਾਲਣ ਵਿਭਾਗ ਦੁਆਰਾ "ਡੇਅਰੀ ਅਤੇ ਪੋਲਟਰੀ ਲਈ ਉੱਦਮ ਪੂੰਜੀ ਯੋਜਨਾ" ਨਾਮ ਦੀ ਇੱਕ ਪਾਇਲਟ ਸਕੀਮ ਸ਼ੁਰੂ ਕੀਤੀ ਗਈ ਸੀ। ਬਾਅਦ ਵਿੱਚ ਇਸ ਦਾ ਨਾਂ ਬਦਲ ਕੇ 'ਡੇਅਰੀ ਉੱਦਮ ਵਿਕਾਸ ਯੋਜਨਾ' ਰੱਖਿਆ ਗਿਆ। ਨਾਬਾਰਡ ਦੀ ਇਸ ਸਕੀਮ ਵਿੱਚ ਕਿਸਾਨ, ਵਿਅਕਤੀਗਤ ਉੱਦਮੀ, ਗੈਰ ਸਰਕਾਰੀ ਸੰਗਠਨ ਅਪਲਾਈ ਕਰ ਸਕਦੇ ਹਨ। ਇਸ ਤੋਂ ਇਲਾਵਾ ਡੇਅਰੀ ਸਹਿਕਾਰੀ ਸਭਾਵਾਂ, ਦੁੱਧ ਯੂਨੀਅਨਾਂ ਵੀ ਇਸ ਸਕੀਮ ਦਾ ਲਾਭ ਲੈ ਸਕਦੀਆਂ ਹਨ।
ਕਿੰਨੀ ਸਬਸਿਡੀ ਦਿੱਤੀ ਜਾਵੇਗੀ?
ਇਸ ਸਕੀਮ ਤਹਿਤ ਪਰਿਵਾਰ ਦੇ ਇੱਕ ਤੋਂ ਵੱਧ ਮੈਂਬਰਾਂ ਨੂੰ ਕਰਜ਼ਾ ਦਿੱਤਾ ਜਾ ਸਕਦਾ ਹੈ, ਬਸ਼ਰਤੇ ਉਹ ਵੱਖ-ਵੱਖ ਥਾਵਾਂ 'ਤੇ ਵੱਖ-ਵੱਖ ਯੂਨਿਟਾਂ 'ਤੇ ਕੰਮ ਕਰ ਰਹੇ ਹੋਣ। ਪ੍ਰੋਜੈਕਟ ਲਾਗਤ ਦਾ 25% (ST/SC ਕਿਸਾਨਾਂ ਲਈ) ਨਾਬਾਰਡ ਦੁਆਰਾ ਸਬਸਿਡੀ ਵਜੋਂ ਦਿੱਤਾ ਜਾਵੇਗਾ।
ਇਹ ਵੀ ਪੜ੍ਹੋ : Farmer Scheme: ਗ੍ਰਾਮੀਣ ਭੰਡਾਰਨ ਯੋਜਨਾ ਤੇ ਤਹਿਤ ਨਾਬਾਰਡ ਦੇ ਰਿਹਾ ਹੈ 25% ਸਬਸਿਡੀ
ਇਸ ਤਰ੍ਹਾਂ ਤੁਸੀਂ ਸਬਸਿਡੀ ਪ੍ਰਾਪਤ ਕਰ ਸਕਦੇ ਹੋ?
ਢੁਕਵਾਂ ਡੇਅਰੀ ਕਾਰੋਬਾਰ ਚੁਣੋ ਜੋ ਡੇਅਰੀ ਸਕੀਮ ਅਧੀਨ ਸਬਸਿਡੀ ਲਈ ਯੋਗ ਹੋਵੇ। ਤੁਹਾਨੂੰ ਆਪਣੇ ਕਾਰੋਬਾਰ ਨੂੰ ਇੱਕ ਕੰਪਨੀ ਜਾਂ NGO ਵਜੋਂ ਰਜਿਸਟਰ ਕਰਨਾ ਚਾਹੀਦਾ ਹੈ ਅਤੇ ਫਿਰ ਆਪਣੇ ਡੇਅਰੀ ਕਾਰੋਬਾਰ ਲਈ ਬੈਂਕ ਲੋਨ ਲਈ ਅਰਜ਼ੀ ਦੇਣੀ ਚਾਹੀਦੀ ਹੈ। ਤੁਸੀਂ EMIs ਦੇ ਰੂਪ ਵਿੱਚ ਆਪਣੇ ਕਰਜ਼ੇ ਦੀ ਅਦਾਇਗੀ ਵੀ ਕਰ ਸਕਦੇ ਹੋ। ਇਸ ਦੌਰਾਨ, ਬੈਂਕ ਦੁਆਰਾ EMI ਦੀਆਂ ਕੁਝ ਕਿਸ਼ਤਾਂ ਮਾਫ਼ ਕੀਤੀਆਂ ਜਾਣਗੀਆਂ। ਇਸ ਤੋਂ ਬਾਅਦ, EMI 'ਤੇ ਦਿੱਤੀ ਜਾਣ ਵਾਲੀ ਛੋਟ ਦੀ ਰਕਮ ਨੂੰ ਨਾਬਾਰਡ ਦੀ ਸਬਸਿਡੀ ਤੋਂ ਐਡਜਸਟ ਕੀਤਾ ਜਾਵੇਗਾ।
Summary in English: Good News: Bumper subsidy from NABARD for Dairy Business, avail benefits soon
