ਛੇਤੀ ਕਰਾਓ ਰਾਸ਼ਨ ਕਾਰਡ ਨੂੰ ਆਧਾਰ ਨਾਲ ਲਿੰਕ, ਨਹੀਂ ਤਾਂ ਕੱਟ ਜਾਵੇਗਾ ਸੂਚੀ ਵਿੱਚੋਂ ਨਾਮ

ਜੇ ਤੁਸੀਂ ਅਜੇ ਤਕ ਆਪਣੇ ਰਾਸ਼ਨ ਕਾਰਡ ਨੂੰ ਅਧਾਰ ਕਾਰਡ ਨਾਲ ਨਹੀਂ ਜੋੜਿਆ ਹੈ, ਤਾਂ ਜਲਦੀ ਹੀ ਇਸ ਕੰਮ ਨੂੰ ਪੂਰਾ ਕਰ ਲਓ | ਰਾਸ਼ਨ ਕਾਰਡ ਧਾਰਕਾਂ ਨੂੰ ਦੱਸ ਦੇਈਏ ਕਿ ਰਾਸ਼ਨ ਕਾਰਡ ਨੂੰ ਆਧਾਰ ਨਾਲ ਜੋੜਨ ਦੀ ਆਖਰੀ ਤਾਰੀਖ 30 ਸਤੰਬਰ ਹੈ, ਇਸ ਲਈ ਇਸ ਤਾਰੀਖ ਤੋਂ ਪਹਿਲਾਂ ਆਪਣੇ ਰਾਸ਼ਨ ਕਾਰਡ ਨੂੰ ਅਧਾਰ ਨਾਲ ਜੋੜ ਲਓ |

ਸਾਰੇ ਰਾਜਾਂ ਨੂੰ ਦਿੱਤੇ ਨਿਰਦੇਸ਼

ਤੁਹਾਨੂੰ ਦੱਸ ਦੇਈਏ ਕਿ ਆਉਣ ਵਾਲੇ 30 ਸਤੰਬਰ ਤੱਕ ਸਾਰੇ ਰਾਜਾਂ ਨੂੰ ਸਪੱਸ਼ਟ ਨਿਰਦੇਸ਼ ਦਿੱਤੇ ਗਏ ਹਨ ਕਿ ਉਦੋਂ ਤੱਕ ਉਹ ਹਰੇਕ ਹਿੱਸੇਦਾਰ ਨੂੰ ਆਪਣੇ ਹਿੱਸੇ ਦਾ ਰਾਸ਼ਨ ਦਿੰਦੇ ਰਹਿਣ । ਸਰਕਾਰ ਦੇ ਅਨੁਸਾਰ, ਦੇਸ਼ ਭਰ ਵਿੱਚ ਲਗਭਗ 23.5 ਕਰੋੜ ਰਾਸ਼ਨ ਕਾਰਡ ਜਾਰੀ ਕੀਤੇ ਗਏ ਹਨ। ਇਸ ਵਿਚੋਂ 90 ਪ੍ਰਤੀਸ਼ਤ ਨੂੰ ਆਧਾਰ ਨਾਲ ਜੋੜਿਆ ਗਿਆ ਹੈ। ਅਜਿਹੀ ਸਥਿਤੀ ਵਿੱਚ, ਬਹੁਤ ਸਾਰੇ ਲੋਕਾਂ ਨੂੰ 30 ਸਤੰਬਰ ਨੂੰ ਮਿਲਣ ਦੀ ਆਖ਼ਰੀ ਤਰੀਕ ਤੋਂ ਰਾਹਤ ਮਿਲੀ ਹੈ |

ਸੂਚੀ ਵਿਚੋਂ ਕੱਟਿਆ ਜਾ ਸਕਦਾ ਹੈ ਨਾਮ

ਜੇ ਰਾਸ਼ਨ ਕਾਰਡ ਧਾਰਕ ਸਮੇਂ ਨਾਲ ਰਾਸ਼ਨ ਨੂੰ ਆਧਾਰ ਨਾਲ ਨਹੀਂ ਜੋੜਦੇ ਤਾਂ ਉਨ੍ਹਾਂ ਨੂੰ ਬਹੁਤ ਸਾਰੀਆਂ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ | ਦਸ ਦਈਏ ਕਿ ਇਹ ਕੰਮ ਨਾ ਕਰਨ ਨਾਲ ਕਿਸੇ ਦਾ ਵੀ ਰਾਸ਼ਨ ਕਾਰਡ ਰੱਦ ਹੋ ਸਕਦਾ ਹੈ, ਨਾਲ ਹੀ ਲਾਭਪਾਤਰੀ ਦਾ ਨਾਮ ਸੂਚੀ ਵਿੱਚੋਂ ਕੱਟਿਆ ਜਾ ਸਕਦਾ ਹੈ | ਇਸ ਤੋਂ ਇਲਾਵਾ, ਜੇ ਤੁਸੀਂ ਆਧਾਰ ਪੈਨ ਲਿੰਕਿੰਗ ਨਹੀਂ ਕੀਤਾ ਹੈ, ਤਾਂ ਤੁਸੀਂ ਆਸਾਨੀ ਨਾਲ ਇਸ ਕੰਮ ਨੂੰ ਪੂਰਾ ਕਰ ਸਕਦੇ ਹੋ | ਦਸ ਦਈਏ ਕਿ ਯੂਨੀਕ ਆਈਡੈਂਟੀਫਿਕੇਸ਼ਨ ਅਥਾਰਟੀ ਆਫ ਇੰਡੀਆ (ਯੂ.ਆਈ.ਡੀ.ਏ.ਆਈ.) ਦੀ ਅਧਿਕਾਰਤ ਵੈੱਬਸਾਈਟ ਦੇ ਅਨੁਸਾਰ, ਇਸ ਕੰਮ ਨੂੰ ਪੂਰਾ ਕਰਨ ਲਈ, ਸਬਤੋ ਪਹਿਲਾਂ ਪੀਡੀਐਸ ਯਾਨੀ ਰਾਸ਼ਨ ਵੰਡਣ ਵਾਲੀ ਦੁਕਾਨ 'ਤੇ ਜਾਣਾ ਹੁੰਦਾ ਹੈ |

ਹੁਣ ਇਹ ਪ੍ਰਕਿਰਿਆ ਕਰਨੀ ਹੋਵੇਗੀ ਪੂਰੀ

1. ਤੁਹਾਨੂੰ ਪੀਡੀਐਸ ਤੇ ਜਾਣਾ ਪਵੇਗਾ |

2. ਇੱਥੇ, ਤੁਹਾਨੂੰ ਆਪਣੇ ਅਧਾਰ ਕਾਰਡ ਸਮੇਤ ਸਾਰੇ ਪਰਿਵਾਰਕ ਮੈਂਬਰਾਂ ਦੇ ਅਧਾਰ ਕਾਰਡ ਦੀ ਕਾਪੀ ਅਤੇ ਰਾਸ਼ਨ ਕਾਰਡ ਦੀ ਫੋਟੋ ਕਾਪੀ ਜਮ੍ਹਾ ਕਰਨੀ ਪਏਗੀ |

3. ਇਸ ਤੋਂ ਇਲਾਵਾ ਪਰਿਵਾਰ ਦੇ ਮੁਖੀ ਦਾ ਪਾਸਪੋਰਟ ਸਾਈਜ਼ ਫੋਟੋ ਵੀ ਲਗਾਉਣਾ ਹੋਵੇਗਾ।

4. ਪੀਡੀਐਸ ਅਧਿਕਾਰੀ ਦੁਆਰਾ ਦਸਤਾਵੇਜ਼ ਦੇ ਨਾਲ ਬਾਇਓਮੈਟ੍ਰਿਕ ਮਸ਼ੀਨ ਜਾਂ ਸੈਂਸਰ 'ਤੇ ਉਂਗਲ ਰੱਖਣ ਲਈ ਕਿਹਾ ਜਾਵੇਗਾ |

5. ਇਸ ਦੇ ਜ਼ਰੀਏ ਵੇਰਵਿਆਂ ਅਤੇ ਆਧਾਰ ਨੰਬਰ ਦਾ ਮੇਲ ਕੀਤਾ ਜਾਵੇਗਾ।

6. ਹੁਣ ਤੁਹਾਡੇ ਦਸਤਾਵੇਜ਼ ਸਵੀਕਾਰ ਕੀਤੇ ਜਾਣਗੇ |

7. ਇਸ ਤੋਂ ਬਾਅਦ, ਸੁਨੇਹਾ ਵੀ ਉਦੋਂ ਆਵੇਗਾ ਜਦੋਂ ਤੁਹਾਡਾ ਰਜਿਸਟਰਡ ਮੋਬਾਈਲ ਨੰਬਰ ਰਾਸ਼ਨ ਕਾਰਡ ਨਾਲ ਜੁੜ ਜਾਵੇਗਾ |