s
  1. ਪਸ਼ੂ ਪਾਲਣ

Top 10 Most Profitable Livestock Farming: ਹੁਣ ਪਸ਼ੂ ਪਾਲਕ ਹੋ ਜਾਂਣਗੇ ਮਾਲਾਮਾਲ!

ਗੁਰਪ੍ਰੀਤ ਕੌਰ
ਗੁਰਪ੍ਰੀਤ ਕੌਰ
ਹੁਣ ਪਸ਼ੂ ਪਾਲਕ ਹੋ ਜਾਂਣਗੇ ਮਾਲਾਮਾਲ

ਹੁਣ ਪਸ਼ੂ ਪਾਲਕ ਹੋ ਜਾਂਣਗੇ ਮਾਲਾਮਾਲ

Livestock Farming: ਪ੍ਰਾਚੀਨ ਸਮੇਂ ਤੋਂ ਪਸ਼ੂ ਧਨ ਕਿਸਾਨਾਂ ਲਈ ਰੋਜ਼ੀ-ਰੋਟੀ ਦਾ ਇੱਕ ਮਹੱਤਵਪੂਰਨ ਸਰੋਤ ਰਿਹਾ ਹੈ। ਫਿਰ ਵੀ ਭਾਰਤੀ ਕਿਸਾਨ ਬਹੁਤ ਪਿੱਛੇ ਨਹੀਂ ਹਨ, ਲਗਭਗ 20.5 ਮਿਲੀਅਨ ਲੋਕ ਆਪਣੀ ਰੋਜ਼ੀ-ਰੋਟੀ ਲਈ ਪਸ਼ੂਆਂ 'ਤੇ ਨਿਰਭਰ ਕਰਦੇ ਹਨ। ਦੱਸ ਦਈਏ ਕਿ ਪਸ਼ੂ ਪਾਲਣ ਜੀਡੀਪੀ ਵਿੱਚ ਵੀ ਵੱਡਾ ਯੋਗਦਾਨ ਪਾਉਂਦਾ ਹੈ। ਪਸ਼ੂ ਪਾਲਣ ਤੋਂ ਪੈਸਾ ਕਮਾਉਣਾ ਸਭ ਤੋਂ ਵੱਧ ਮੁਨਾਫ਼ੇ ਵਾਲੇ ਕਾਰੋਬਾਰੀ ਵਿਚਾਰਾਂ ਵਿੱਚੋਂ ਇੱਕ ਹੈ।

Livestock Farming Business: ਜੇਕਰ ਤੁਸੀ ਵੀ ਪਸ਼ੂ ਪਾਲਣ ਦੇ ਧੰਦੇ ਤੋਂ ਪੈਸਾ ਕਮਾਉਣ ਬਾਰੇ ਸੋਚ-ਵਿਚਾਰ ਕਰ ਰਹੇ ਹੋ ਤਾਂ ਤੁਹਾਨੂੰ ਆਪਣੇ ਘਰ ਦੇ ਪਿੱਛੇ ਥੋੜੀ ਥਾਂ ਦੀ ਲੋੜ ਹੋਵੇਗੀ ਜਾਂ ਫਿਰ ਤੁਸੀਂ ਕੋਈ ਜਗ੍ਹਾ ਕਿਰਾਏ 'ਤੇ ਵੀ ਲੈ ਸਕਦੇ ਹੋ। ਪਰ ਇਸ ਸਭ ਤੋਂ ਪਹਿਲਾਂ ਲੋੜ ਹੈ ਸਹੀ ਵਪਾਰਕ ਚੋਣ ਦੀ, ਜੀ ਹਾਂ ਸਭ ਤੋਂ ਵੱਧ ਮੰਗ ਕਰਨ ਵਾਲੇ ਜਾਨਵਰ ਅਤੇ ਇਸਦੇ ਉਤਪਾਦ ਦਾ ਮੁਲਾਂਕਣ ਕਰਨਾ ਸਭ ਤੋਂ ਵੱਧ ਮਹੱਤਵਪੂਰਨ ਹੈ।

Best Livestock Farming Business Ideas: ਸਾਲਾਂ ਤੋਂ, ਪਸ਼ੂ ਪਾਲਣ ਦਾ ਧੰਦਾ ਧਨ ਨੂੰ ਵਧਾਉਣ ਲਈ ਇੱਕ ਲਾਭਦਾਇਕ ਵਿਚਾਰ ਸਾਬਤ ਹੋਇਆ ਹੈ। ਮਨੁੱਖ ਪੁਰਾਤਣ ਸਮੇਂ ਤੋਂ ਹੀ ਪਸ਼ੂ ਪਾਲਣ ਦਾ ਧੰਦਾ ਕਰਦੇ ਆ ਰਹੇ ਹਨ, ਪਰ ਇਸ ਸੌਦੇ ਨੂੰ ਮੁਦਰਾ ਵਿੱਚ ਤਬਦੀਲ ਕਰਨਾ ਅੱਜ ਦੀ ਲੋੜ ਬਣ ਗਿਆ ਹੈ। ਇਸ ਲਈ ਅੱਜ ਅੱਸੀ ਤੁਹਾਡੇ ਨਾਲ ਪਸ਼ੂ ਪਾਲਣ ਨਾਲ ਸਬੰਧਤ ਕੁਝ ਲਾਭਕਾਰੀ ਵਿਚਾਰ ਸਾਂਝੇ ਕਰਨ ਜਾ ਰਹੇ ਹਾਂ।

10 ਸਭ ਤੋਂ ਵੱਧ ਲਾਭਕਾਰੀ ਪਸ਼ੂ ਪਾਲਣ ਕਾਰੋਬਾਰ (Top 10 Most Profitable Livestock Farming)

ਡੇਅਰੀ ਫਾਰਮਿੰਗ (Dairy Farming): 'ਡੇਅਰੀ ਫਾਰਮਿੰਗ' ਦੁਨੀਆ ਦੇ ਸਭ ਤੋਂ ਪ੍ਰਸਿੱਧ ਪਸ਼ੂਧਨ ਧੰਦਿਆਂ ਵਿੱਚੋਂ ਇੱਕ ਹੈ। ਡੇਅਰੀ ਫਾਰਮਿੰਗ ਕਿਸਾਨ ਲਈ ਆਪਣੀ ਮੁੱਢਲੀ ਆਮਦਨ ਤੋਂ ਵੱਧ ਕੁਝ ਕਮਾਉਣ ਦੇ ਕਈ ਮੌਕੇ ਖੋਲ੍ਹਦੀ ਹੈ, ਕਿਉਂਕਿ ਇਹ ਦੁੱਧ, ਪਨੀਰ, ਘਿਓ ਅਤੇ ਦਹੀਂ ਵਰਗੇ ਵੱਖ-ਵੱਖ ਡੇਅਰੀ ਉਤਪਾਦ ਪ੍ਰਦਾਨ ਕਰਦਾ ਹੈ, ਜਿਸ ਦੀ ਵਰਤੋਂ ਕਿਸਾਨ ਬਾਜ਼ਾਰ ਵਿੱਚ ਵੇਚਣ ਲਈ ਕਰ ਸਕਦਾ ਹੈ।

ਮੱਛੀ ਪਾਲਣ(Fish Farming): ਇਹ ਐਕੁਆਕਲਚਰ ਕਾਰੋਬਾਰ ਦਾ ਇੱਕ ਹੋਰ ਰੂਪ ਹੈ। ਇਸ ਤਰ੍ਹਾਂ ਦੀ ਖੇਤੀ ਝੀਲਾਂ, ਸਮੁੰਦਰਾਂ ਆਦਿ ਵਰਗੇ ਜਲ ਸਰੋਤਾਂ ਅਤੇ ਟੈਂਕੀਆਂ, ਸਿੰਚਾਈ ਦੇ ਟੋਏ, ਆਦਿ ਵਿੱਚ ਕੀਤੀ ਜਾ ਸਕਦੀ ਹੈ। ਕਾਰਪ, ਕੈਟਫਿਸ਼, ਤਿਲਪੀਆ, ਸਾਲਮਨ, ਟੁਨਾ, ਰੋਹੂ, ਆਦਿ ਅਤੇ ਚਿੱਟੇ ਪੈਰਾਂ ਵਾਲੇ ਝੀਂਗਾ; ਇਸ ਦੇ ਲਈ ਝੀਂਗਾ ਦੀ ਚੋਣ ਕੀਤੀ ਜਾ ਸਕਦੀ ਹੈ। ਕਾਰੋਬਾਰ ਸ਼ੁਰੂ ਕਰਨ ਤੋਂ ਪਹਿਲਾਂ, ਤੁਹਾਨੂੰ ਸਥਾਨਕ ਮੰਗ ਨੂੰ ਜਾਣਨ ਦੀ ਜ਼ਰੂਰਤ ਹੁੰਦੀ ਹੈ, ਯਾਨੀ ਕਿ ਲੋਕਾਂ ਵਿੱਚ ਕਿਸ ਕਿਸਮ ਦੀ ਮੱਛੀ ਵਧੇਰੇ ਪ੍ਰਸਿੱਧ ਹੈ।

ਪੋਲਟਰੀ ਫਾਰਮਿੰਗ (Poultry Farming): ਜਿਵੇਂ-ਜਿਵੇਂ ਚਿਕਨ, ਮੀਟ ਅਤੇ ਅੰਡਿਆਂ ਦੀ ਮੰਗ ਵਿੱਚ ਵਾਧਾ ਹੋ ਰਿਹਾ ਹੈ, ਤੁਸੀਂ ਬਿਨ੍ਹਾ ਸੋਚੇ ਪੋਲਟਰੀ ਫਾਰਮਿੰਗ ਨੂੰ ਆਪਣਾ ਕਾਰੋਬਾਰ ਬਣਾ ਸਕਦੇ ਹੋ। ਇਹ ਕਿਸਾਨਾਂ ਲਈ ਸਭ ਤੋਂ ਆਮ ਅਤੇ ਲਾਭਦਾਇਕ ਪਸ਼ੂ ਪਾਲਣ ਦਾ ਧੰਦਾ ਹੈ। ਤੁਸੀਂ ਆਸਾਨੀ ਨਾਲ ਛੋਟੇ ਪੈਮਾਨੇ ਜਾਂ ਵੱਡੇ ਪੱਧਰ ਦਾ ਕਾਰੋਬਾਰ ਸ਼ੁਰੂ ਕਰ ਸਕਦੇ ਹੋ।

ਭੇਡ ਪਾਲਣ (Sheep Farming): ਭੇਡ ਪਾਲਣ ਨੂੰ ਦੁੱਧ, ਮੀਟ ਅਤੇ ਰੇਸ਼ੇ ਦੇ ਕਾਰੋਬਾਰ ਵਜੋਂ ਲਿਆ ਜਾ ਸਕਦਾ ਹੈ। ਭੇਡਾਂ ਦੀ ਨਸਲ ਬਾਰੇ ਸੁਚੇਤ ਰਹੋ ਕਿਉਂਕਿ ਵੱਖ-ਵੱਖ ਖੇਤੀ-ਮੌਸਮ ਦੀਆਂ ਸਥਿਤੀਆਂ ਹਰੇਕ ਨਸਲ ਨੂੰ ਵੱਖ-ਵੱਖ ਤਰੀਕੇ ਨਾਲ ਪ੍ਰਭਾਵਿਤ ਕਰਦੀਆਂ ਹਨ। ਇਸ ਕਾਰੋਬਾਰ ਨੂੰ ਸ਼ੁਰੂ ਕਰਨ ਤੋਂ ਪਹਿਲਾਂ ਵਿੱਤ ਵੱਲ ਧਿਆਨ ਦੇਣ ਦੀ ਸਭ ਤੋਂ ਵੱਧ ਲੋੜ ਹੁੰਦੀ ਹੈ, ਇਸ ਧੰਦੇ ਲਈ ਤੁਹਾਨੂੰ ਬਹੁਤ ਧਿਆਨ ਨਾਲ ਕਾਰੋਬਾਰੀ ਯੋਜਨਾ ਦਾ ਖਰੜਾ ਤਿਆਰ ਕਰਨ ਦੀ ਲੋੜ ਹੈ। ਦੱਸ ਦੇਈਏ ਕਿ ਕੁਝ ਮਹੱਤਵਪੂਰਨ ਭੇਡ ਉਤਪਾਦਕ ਦੇਸ਼ ਭਾਰਤ, ਆਸਟ੍ਰੇਲੀਆ, ਈਰਾਨ ਆਦਿ ਹਨ।

ਸੂਰ ਪਾਲਣ (Pig Farming): ਸੂਰ ਪਾਲਣ ਦਾ ਧੰਦਾ ਇਸ ਤੱਥ ਦੇ ਕਾਰਨ ਲਾਭਦਾਇਕ ਹੈ ਕਿ ਉਹ ਇੱਕ ਵਾਰ ਵਿੱਚ 10 ਤੋਂ 14 ਬੱਚਿਆਂ ਨੂੰ ਜਨਮ ਦੇ ਸਕਦੇ ਹਨ। ਸੂਰ ਦਾ 'ਰੈੱਡ ਮੀਟ' ਪ੍ਰੋਟੀਨ ਨਾਲ ਭਰਪੂਰ ਹੁੰਦਾ ਹੈ ਅਤੇ ਇਸ ਦੇ ਸਵਾਦ ਕਾਰਨ ਬਾਜ਼ਾਰ 'ਚ ਇਸ ਦੀ ਮੰਗ ਜ਼ਿਆਦਾ ਹੁੰਦੀ ਹੈ। ਸੂਰਾਂ ਦੀ ਤੇਜ਼ੀ ਨਾਲ ਵਿਕਾਸ ਦਰ ਹੁੰਦੀ ਹੈ, ਜੋ ਸੂਰ ਪਾਲਣ ਨੂੰ ਇੱਕ ਲਾਭਦਾਇਕ ਕਾਰੋਬਾਰ ਬਣਾਉਂਦੀ ਹੈ। ਜ਼ਿਆਦਾਤਰ ਸੂਰ ਮਨੁੱਖੀ ਭੋਜਨ ਲਈ ਵਰਤੇ ਜਾਂਦੇ ਹਨ, ਪਰ ਉਹਨਾਂ ਦੀ ਚਮੜੀ, ਚਰਬੀ ਅਤੇ ਹੋਰ ਸਮੱਗਰੀ ਵੀ ਕੱਪੜੇ, ਸ਼ਿੰਗਾਰ, ਪ੍ਰੋਸੈਸਡ ਭੋਜਨ ਅਤੇ ਡਾਕਟਰੀ ਵਰਤੋਂ ਲਈ ਵਰਤੀ ਜਾਂਦੀ ਹੈ।

ਬੱਕਰੀ ਪਾਲਣ (Goat Farming): ਬੱਕਰੀ ਪਾਲਣ ਆਮ ਤੌਰ ਤੇ ਸਾਰੇ ਜਲਵਾਯੂ ਵਿੱਚ ਘੱਟ ਲਾਗਤ, ਸਧਾਰਨ ਆਵਾਸ, ਸਧਾਰਨ ਰੱਖ-ਰਖਾਅ ਅਤੇ ਪਾਲਣ-ਪੋਸ਼ਣ ਦੇ ਨਾਲ ਸੰਭਵ ਹੈ। ਇਸ ਦੇ ਉਤਪਾਦ ਦੀ ਵਿਕਰੀ ਦੇ ਲਈ ਬਾਜ਼ਾਰ ਹਰ ਜਗ੍ਹਾ ਉਪਲਬਧ ਹਨ। ਇਨ੍ਹਾਂ ਕਾਰਨਾਂ ਨਾਲ ਪਸ਼ੂ ਧਨ ਵਿੱਚ ਬੱਕਰੀ ਦਾ ਇੱਕ ਵਿਸ਼ੇਸ਼ ਸਥਾਨ ਹੈ। ਪਸ਼ੂਆਂ ਦੀਆਂ ਦੂਜੀਆਂ ਕਿਸਮਾਂ ਨਾਲੋਂ ਬੱਕਰੀ ਦਾ ਦੁੱਧ ਮਨੁੱਖੀ ਪੋਸ਼ਣ ਲਈ ਵਧੀਆ ਮੰਨਿਆ ਜਾਂਦਾ ਹੈ। ਇਹ ਦੁੱਧ ਸਸਤਾ, ਅਸਾਨੀ ਨਾਲ ਹਜ਼ਮ ਹੋਣ ਵਾਲਾ ਤੇ ਪੌਸਟਿਕ ਹੁੰਦਾ ਹੈ। ਬਕਰੀ ਪਾਲਣ ਦਾ ਧੰਦਾ ਸ਼ੁਰੂ ਕਰਨ ਲਈ ਕਿਸਾਨਾਂ ਨੂੰ ਕਰਜ਼ਾ ਵੀ ਦਿੱਤਾ ਜਾਂਦਾ ਹੈ।

ਬਤਖ਼ ਪਾਲਣ (Duck Farming): ਦੁਨੀਆ ਭਰ ਵਿੱਚ ਬਤਖ਼ ਦੀਆਂ ਬਹੁਤ ਸਾਰੀਆਂ ਨਸਲਾਂ ਉਪਲਬਧ ਹਨ। ਜੇਕਰ ਘੱਟ ਲਾਗਤ ਵਾਲੇ ਪਸ਼ੂ ਧਨ ਦੇ ਕਾਰੋਬਾਰ ਦੀ ਯੋਜਨਾ ਬਣਾ ਰਹੇ ਹੋ ਤਾਂ ਬਤਖ ਪਾਲਣ 'ਤੇ ਵਿਚਾਰ ਕਰੋ। ਕਿਉਂਕਿ ਬੱਤਖਾਂ ਸਖ਼ਤ ਪੰਛੀਆਂ ਹਨ, ਉਹਨਾਂ ਨੂੰ ਵਾਧੂ ਦੇਖਭਾਲ ਅਤੇ ਪ੍ਰਬੰਧਨ ਦੀ ਲੋੜ ਨਹੀਂ ਹੁੰਦੀ ਹੈ। ਸਭ ਤੋਂ ਦਿਲਚਸਪ ਤੱਥ ਇਹ ਹੈ ਕਿ ਤੁਸੀਂ ਬਿਨਾਂ ਪਾਣੀ ਦੇ ਬੱਤਖਾਂ ਨੂੰ ਪਾਲ ਸਕਦੇ ਹੋ।

ਇਹ ਵੀ ਪੜ੍ਹੋ Animals Health Updated News : ਪਸ਼ੂਆਂ ਨੂੰ ਸਿਹਤਮੰਦ ਰੱਖਣ ਲਈ ਵਰਤੋ ਇਹ ਖੁਰਾਕ!

ਝੀਂਗਾ ਪਾਲਣ (Prawn Farming) : ਜੇਕਰ ਤੁਸੀ ਵੀ ਕੋਈ ਕਾਰੋਬਾਰ ਸ਼ੁਰੂ ਕਰਨ ਬਾਰੇ ਸੋਚ-ਵਿਚਾਰ ਕਰ ਰਹੇ ਹੋ, ਤਾਂ ਝੀਂਗਾ ਪਾਲਣ ਦਾ ਕਾਰੋਬਾਰ ਵਧੀਆ ਵਿਕਲਪ ਸਾਬਿਤ ਹੋ ਸਕਦਾ ਹੈ, ਜਿਸ ਨਾਲ ਤੁਸੀ ਲੱਖਾਂ 'ਚ ਕਮਾਈ ਕਰ ਸਕਦੇ ਹੋ। ਦੱਸ ਦਈਏ ਕਿ ਭਾਰਤ ਦੇ ਪੇਂਡੂ ਖੇਤਰਾਂ ਵਿੱਚ ਝੀਂਗਾ ਮੱਛੀ ਦਾ ਵੱਡੇ ਪੱਧਰ 'ਤੇ ਉਤਪਾਦਨ ਕੀਤਾ ਜਾਂਦਾ ਹੈ। ਭਾਵੇਂ ਕਿ ਪਹਿਲਾਂ ਇਸ ਦੀ ਕਾਸ਼ਤ ਲਈ ਸਮੁੰਦਰ ਦੇ ਖਾਰੇ ਪਾਣੀ ਦੀ ਲੋੜ ਹੁੰਦੀ ਸੀ। ਪਰ ਅਜੋਕੇ ਸਾਲਾਂ ਵਿੱਚ, ਖੇਤੀਬਾੜੀ ਖੇਤਰ ਵਿੱਚ ਤਕਨੀਕੀ ਵਿਕਾਸ ਅਤੇ ਖੋਜਾਂ ਕਾਰਨ ਇਸ ਨੂੰ ਤਾਜ਼ੇ ਪਾਣੀ ਵਿੱਚ ਵੀ ਪਾਲਣ ਕਰਨਾ ਸੰਭਵ ਹੋ ਗਿਆ ਹੈ।

ਕੇਕੜਾ ਪਾਲਣ (Crab Farming): ਇਹ ਜਲ-ਪਾਲਣ ਅਧਾਰਤ ਖੇਤੀ ਹੈ। ਕੇਕੜੇ ਦੀ ਖੇਤੀ ਕੁਝ ਏਸ਼ੀਆਈ ਦੇਸ਼ਾਂ ਜਿਵੇਂ ਕਿ ਭਾਰਤ, ਬੰਗਲਾਦੇਸ਼, ਥਾਈਲੈਂਡ, ਫਿਲੀਪੀਨ ਆਦਿ ਵਿੱਚ ਬਹੁਤ ਮਸ਼ਹੂਰ ਹੈ। ਅੰਤਰਰਾਸ਼ਟਰੀ ਬਾਜ਼ਾਰ ਵਿੱਚ ਕੇਕੜਿਆਂ ਦੀ ਬਹੁਤ ਮੰਗ ਹੈ, ਨਤੀਜੇ ਵਜੋਂ ਇਸ ਰਾਹੀਂ ਵਿਦੇਸ਼ੀ ਮੁਦਰਾ ਕਮਾਉਣ ਦੀ ਵੱਡੀ ਸੰਭਾਵਨਾ ਹੈ। ਕਿਉਂਕਿ ਲੋੜੀਂਦਾ ਪੂੰਜੀ ਨਿਵੇਸ਼ ਲੇਬਰ ਦੀ ਲਾਗਤ, ਉਤਪਾਦਨ ਲਾਗਤ ਵਾਂਗ ਘੱਟ ਹੈ, ਤੁਸੀਂ ਆਸਾਨੀ ਨਾਲ ਆਪਣਾ ਕੇਕੜਾ ਪਾਲਣ ਦਾ ਕਾਰੋਬਾਰ ਸ਼ੁਰੂ ਕਰ ਸਕਦੇ ਹੋ। ਇਹ ਜ਼ਿਆਦਾਤਰ ਤੱਟਵਰਤੀ ਖੇਤਰਾਂ ਦੇ ਨੇੜੇ ਰਹਿਣ ਵਾਲੇ ਲੋਕਾਂ ਦੁਆਰਾ ਪਸੰਦ ਕੀਤਾ ਜਾਂਦਾ ਹੈ।

ਮਧੂ ਮੱਖੀ ਪਾਲਣ (Beekeeping): ਦੇਸ਼ ਵਿੱਚ ਮਧੂ ਮੱਖੀ ਪਾਲਣ ਦਾ ਕਾਰੋਬਾਰ ਤੇਜ਼ੀ ਨਾਲ ਵਧ ਰਿਹਾ ਹੈ। ਸ਼ਹਿਦ ਦੀ ਪੈਦਾਵਾਰ ਵਧਣ ਕਾਰਨ ਭਾਰਤ ਵਿੱਚ ਇਸਦਾ ਨਿਰਯਾਤ ਵੀ ਵਧੀਆ ਹੈ। ਖੇਤੀ ਮਾਹਿਰ ਦੱਸਦੇ ਹਨ ਕਿ ਮਧੂ ਮੱਖੀ ਪਾਲਣ ਛੋਟੇ, ਸੀਮਾਂਤ ਅਤੇ ਬੇਜ਼ਮੀਨੇ ਕਿਸਾਨਾਂ ਲਈ ਇੱਕ ਬਹੁਤ ਵਧੀਆ ਵਿਕਲਪ ਹੈ। ਇਹ ਉਨ੍ਹਾਂ ਨੂੰ ਘੱਟ ਲਾਗਤ 'ਤੇ ਵਧੇਰੇ ਲਾਭ ਪ੍ਰਾਪਤ ਕਰਨ ਵਿੱਚ ਮਦਦ ਕਰੇਗਾ। ਕਿਸਾਨ ਦੇਸ਼ ਭਰ ਵਿੱਚ ਸਥਿਤ ਕ੍ਰਿਸ਼ੀ ਵਿਗਿਆਨ ਕੇਂਦਰਾਂ ਤੋਂ ਮਧੂ ਮੱਖੀ ਪਾਲਣ ਦੀ ਸਿਖਲਾਈ ਲੈ ਸਕਦੇ ਹਨ। ਦੱਸ ਦੇਈਏ ਕਿ ਦੇਸ਼ ਦੇ ਕਈ ਸੂਬਿਆਂ ਵਿੱਚ ਪਸ਼ੂ ਮਾਲਕਾਂ ਨੂੰ ਮਧੂ ਮੱਖੀ ਪਾਲਣ ਦਾ ਕਾਰੋਬਾਰ ਸ਼ੁਰੂ ਕਰਨ ਲਈ ਸਬਸਿਡੀ ਵੀ ਦਿੱਤੀ ਜਾਂਦੀ ਹੈ, ਨਾਲ ਹੀ ਕੇਂਦਰ ਸਰਕਾਰ ਵੱਲੋਂ ਵੀ ਮੱਖੀ ਪਾਲਣ 'ਤੇ 80 ਤੋਂ 85 ਫੀਸਦੀ ਤੱਕ ਸਬਸਿਡੀ ਦਿੱਤੀ ਜਾਂਦੀ ਹੈ।

ਉਮੀਦ ਕਰਦੇ ਹਾਂ ਕਿ ਤੁਹਾਨੂੰ ਸਾਡਾ ਇਹ ਲੇਖ ਪਸੰਦ ਆਇਆ ਹੋਵੇਗਾ। ਜੇਕਰ ਤੁਸੀਂ ਕਿਸੇ ਖਾਸ ਪਸ਼ੂ ਪਾਲਣ ਬਾਰੇ ਪੂਰੀ ਜਾਣਕਾਰੀ ਚਾਹੁੰਦੇ ਹੋ ਤਾਂ ਹੇਠਾਂ ਦਿੱਤੇ ਟਿੱਪਣੀ ਬਾਕਸ ਰਾਹੀਂ ਸਾਨੂੰ ਦੱਸੋ।

Summary in English: Top 10 Most Profitable Livestock Farming: Livestock Farmers Will Become Rich Now!

Top Stories

More Stories

ਸਾਡੇ ਨਿਉਜ਼ਲੈਟਰ ਦੇ ਗਾਹਕ ਬਣੋ। ਖੇਤੀਬਾੜੀ ਨਾਲ ਜੁੜੀਆਂ ਦੇਸ਼ ਭਰ ਦੀਆਂ ਸਾਰੀਆਂ ਤਾਜ਼ਾ ਖ਼ਬਰਾਂ ਮੇਲ 'ਤੇ ਪੜ੍ਹਨ ਲਈ ਸਾਡੇ ਨਿਉਜ਼ਲੈਟਰ ਦੇ ਗਾਹਕ ਬਣੋ।

Subscribe Newsletters
Krishi Jagran Punjabi Magazine subscription