s
  1. ਖਬਰਾਂ

1 ਕਰੋੜ ਲਾਭਪਾਤਰੀਆਂ ਨੂੰ ਮਿਲੇਗਾ LPG ਸਿਲੰਡਰ ਕਨੈਕਸ਼ਨ, ਜਾਣੋ ਕਿਵੇਂ ਕਰਨਾ ਹੈ ਅਪਲਾਈ?

Preetpal Singh
Preetpal Singh
LPG cylinder

LPG cylinder

ਕੇਂਦਰ ਸਰਕਾਰ ਹਮੇਸ਼ਾ ਆਪਣੇ ਨਾਗਰਿਕਾਂ ਦੀ ਸਹੂਲਤ ਲਈ ਅਜਿਹੇ ਕਦਮ ਚੁੱਕਦੀ ਹੈ, ਜਿਸ ਦਾ ਦੇਸ਼ ਵਾਸੀਆਂ ਨੂੰ ਲਾਭ ਮਿਲ ਸਕੇ। ਜੀ ਹਾਂ, ਪੀਐਮ ਮੋਦੀ ਨੇ ਉੱਜਵਲਾ 2.0 ਯੋਜਨਾ ਦੇ ਜ਼ਰੀਏ ਦੂਜੇ ਪੜਾਅ ਦੀ ਸ਼ੁਰੂਆਤ ਵਿੱਚ 5 ਮਹੀਨਿਆਂ ਦੇ ਅੰਦਰ ਲਗਭਗ 1 ਕਰੋੜ ਐਲਪੀਜੀ ਸਿਲੰਡਰ ਕੁਨੈਕਸ਼ਨ ਦੇਣ ਦਾ ਟੀਚਾ ਰੱਖਿਆ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਸਾਲ ਦੇ ਅੰਤ ਤੱਕ ਇਸ ਨੂੰ ਹਾਸਲ ਕਰਨ ਦਾ ਟੀਚਾ ਰੱਖਿਆ ਗਿਆ ਹੈ। ਇਸ ਦੇ ਨਾਲ ਹੀ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਨੇ 10 ਅਗਸਤ ਨੂੰ ਉੱਤਰ ਪ੍ਰਦੇਸ਼ ਦੇ ਮਹੋਬਾ ਜ਼ਿਲ੍ਹੇ ਵਿੱਚ ਵੀਡੀਓ ਕਾਨਫਰੰਸਿੰਗ ਰਾਹੀਂ ਉੱਜਵਲਾ 2.0 (PMUY) ਯੋਜਨਾ ਦੀ ਸ਼ੁਰੂਆਤ ਕੀਤੀ। ਇਸ ਤੋਂ ਪਹਿਲਾਂ ਉੱਜਵਲਾ 1.0 ਸਕੀਮ ਤਹਿਤ 8 ਕਰੋੜ ਐਲਪੀਜੀ ਕਨੈਕਸ਼ਨ ਜਾਰੀ ਕੀਤੇ ਗਏ ਸਨ।

ਕਿੰਨਾ ਪੂਰਾ ਹੋਇਆ ਟੀਚਾ ? (How many goals have been accomplished so far?)

24 ਦਸੰਬਰ ਤੱਕ ਗਿਣਤੀ ਲਗਭਗ 96 ਲੱਖ ਸੀ ਅਤੇ ਪੱਛਮੀ ਬੰਗਾਲ, ਉੱਤਰ ਪ੍ਰਦੇਸ਼ ਅਤੇ ਬਿਹਾਰ ਰਾਜਾਂ ਵਿੱਚ PMUY 2.0 ਦੇ ਤਹਿਤ ਦਿੱਤੇ ਗਏ ਅੱਧੇ ਤੋਂ ਵੱਧ ਕੁਨੈਕਸ਼ਨ ਸਨ। ਪੱਛਮੀ ਬੰਗਾਲ ਵਿੱਚ ਹੁਣ ਤੱਕ ਜਿੱਥੇ 20 ਲੱਖ ਤੋਂ ਵੱਧ ਕੁਨੈਕਸ਼ਨ ਦਿੱਤੇ ਜਾ ਚੁੱਕੇ ਹਨ। ਇਸ ਦੇ ਨਾਲ ਹੀ, ਉੱਤਰ ਪ੍ਰਦੇਸ਼ ਅਤੇ ਬਿਹਾਰ ਵਿੱਚ ਲਾਭਪਾਤਰੀਆਂ ਨੂੰ 15 ਲੱਖ ਤੋਂ ਵੱਧ ਕੁਨੈਕਸ਼ਨ ਦਿੱਤੇ ਗਏ ਹਨ।

ਕੀ ਹੈ ਉੱਜਵਲਾ ਸਕੀਮ ? (What is Ujjwala Scheme)

ਪ੍ਰਧਾਨ ਮੰਤਰੀ ਉੱਜਵਲਾ ਯੋਜਨਾ (PMUY) 2016 ਵਿੱਚ ਪਹਿਲੇ ਪੜਾਅ ਵਿੱਚ ਗਰੀਬੀ ਰੇਖਾ ਤੋਂ ਹੇਠਾਂ (BPL) ਪਰਿਵਾਰਾਂ ਦੀਆਂ ਪੰਜ ਕਰੋੜ ਮਹਿਲਾ ਮੈਂਬਰਾਂ ਨੂੰ ਤਰਲ ਪੈਟਰੋਲੀਅਮ ਗੈਸ (LPG) ਕੁਨੈਕਸ਼ਨ ਪ੍ਰਦਾਨ ਕਰਨ ਦੇ ਉਦੇਸ਼ ਨਾਲ ਸ਼ੁਰੂ ਕੀਤੀ ਗਈ ਸੀ। ਸੱਤ ਹੋਰ ਸ਼੍ਰੇਣੀਆਂ (SC/ST, PMAY, AAY, ਸਭ ਤੋਂ ਪਛੜੀਆਂ ਸ਼੍ਰੇਣੀਆਂ, ਟੀ ਗਾਰਡਨ, ਵਣਵਾਸੀ, ਆਈਲੈਂਡਰਜ਼) ਦੀਆਂ ਮਹਿਲਾ ਲਾਭਪਾਤਰੀਆਂ ਨੂੰ ਸ਼ਾਮਿਲ ਕਰਨ ਲਈ ਇਸ ਯੋਜਨਾ ਦਾ ਅਪ੍ਰੈਲ 2018 ਵਿੱਚ ਵਿਸਤਾਰ ਕੀਤਾ ਗਿਆ ਸੀ। ਦੂਜੇ ਪੜਾਅ ਵਿੱਚ ਅੱਠ ਕਰੋੜ ਐਲਪੀਜੀ ਕੁਨੈਕਸ਼ਨਾਂ ਦਾ ਟੀਚਾ ਵਧਾ ਦਿੱਤਾ ਗਿਆ ਹੈ।

ਉੱਜਵਲਾ ਯੋਜਨਾ ਤੋਂ ਹੋਣ ਵਾਲੇ ਲਾਭ (Benefits of Ujjwala Yojana)

ਉੱਜਵਲਾ 2.0 ਸਕੀਮ ਦੇ ਤਹਿਤ ਇੱਕ ਡਿਪਾਜ਼ਿਟ-ਮੁਕਤ ਐਲਪੀਜੀ ਕਨੈਕਸ਼ਨ ਤੋਂ ਇਲਾਵਾ, ਲਾਭਪਾਤਰੀਆਂ ਨੂੰ 800 ਰੁਪਏ ਤੋਂ ਵੱਧ ਦੀ ਮੁਫਤ ਰੀਫਿਲ ਅਤੇ ਇੱਕ ਮੁਫਤ ਸਟੋਵ ਵੀ ਦਿੱਤਾ ਜਾਵੇਗਾ।

ਇਸ ਤੋਂ ਪਹਿਲਾਂ ਉੱਜਵਲਾ 0 ਦੇ ਤਹਿਤ, ਸਿਰਫ ਇੱਕ ਡਿਪਾਜ਼ਿਟ ਮੁਫਤ LPG ਕੁਨੈਕਸ਼ਨ ਪ੍ਰਦਾਨ ਕੀਤਾ ਜਾਂਦਾ ਸੀ। ਜਿਸ ਵਿੱਚ 1600 ਰੁਪਏ ਦੀ ਵਿੱਤੀ ਸਹਾਇਤਾ ਦਿੱਤੀ ਗਈ। ਜਿੱਥੇ ਲਾਭਪਾਤਰੀਆਂ ਕੋਲ ਜਨਤਕ ਖੇਤਰ ਦੀਆਂ ਤੇਲ ਕੰਪਨੀਆਂ ਤੋਂ ਸਟੋਵ ਅਤੇ ਪਹਿਲੀ ਰੀਫਿਲ ਲਈ ਜ਼ੀਰੋ ਵਿਆਜ ਕਰਜ਼ੇ ਦਾ ਵਿਕਲਪ ਵੀ ਸੀ।

ਕਿਵੇਂ ਦੇਣੀ ਹੈ ਅਰਜ਼ੀ (How to Apply)

  • ਬਿਨੈਕਾਰ ਇੱਕ ਔਰਤ ਹੋਣੀ ਚਾਹੀਦੀ ਹੈ।

  • ਔਰਤ ਦੀ ਉਮਰ 18 ਸਾਲ ਤੋਂ ਵੱਧ ਹੋਣੀ ਚਾਹੀਦੀ ਹੈ।

  • ਉਹ ਬੀਪੀਐਲ ਪਰਿਵਾਰ ਤੋਂ ਹੋਣੀ ਚਾਹੀਦੀ ਹੈ।

  • ਉਸ ਕੋਲ ਬੀਪੀਐਲ ਕਾਰਡ ਅਤੇ ਰਾਸ਼ਨ ਕਾਰਡ ਹੋਣਾ ਚਾਹੀਦਾ ਹੈ।

  • ਬਿਨੈਕਾਰ ਦੇ ਪਰਿਵਾਰਕ ਮੈਂਬਰ ਕੋਲ ਐਲਪੀਜੀ ਕੁਨੈਕਸ਼ਨ ਨਹੀਂ ਹੋਣਾ ਚਾਹੀਦਾ ਹੈ।

ਔਨਲਾਈਨ ਅਤੇ ਔਫਲਾਈਨ ਐਪਲੀਕੇਸ਼ਨ

ਪ੍ਰਧਾਨ ਮੰਤਰੀ ਉੱਜਵਲਾ ਯੋਜਨਾ ਦੇ ਤਹਿਤ ਔਫਲਾਈਨ ਅਪਲਾਈ ਕਰਨ ਲਈ, ਬਿਨੈ-ਪੱਤਰ ਫਾਰਮ ਨੂੰ ਭਰ ਕੇ LPG ਵੰਡ ਏਜੰਸੀ ਵਿੱਚ ਜਮ੍ਹਾ ਕਰਨਾ ਹੋਵੇਗਾ। ਇਸ ਦੇ ਨਾਲ ਹੀ, ਆਨਲਾਈਨ ਅਰਜ਼ੀ ਲਈ, ਕਿਸੇ ਨੂੰ ਅਧਿਕਾਰਤ ਵੈੱਬਸਾਈਟ pmujjwalayojana.com 'ਤੇ ਜਾਣਾ ਪਵੇਗਾ। ਇਸ ਦੇ ਨਾਲ, ਤੁਸੀਂ ਫਾਰਮ ਨੂੰ ਡਾਊਨਲੋਡ ਕਰ ਸਕਦੇ ਹੋ. ਇਸ ਫਾਰਮ ਨੂੰ ਭਰਨ ਤੋਂ ਬਾਅਦ ਬੱਸ ਤੁਹਾਨੂੰ ਐੱਲ.ਪੀ.ਜੀ. ਸੈਂਟਰ ਜਾ ਕੇ ਜਮ੍ਹਾ ਕਰਵਾਉਣਾ ਹੋਵੇਗਾ।

ਇਹ ਵੀ ਪੜ੍ਹੋ : 2 ਲੱਖ ਰੁਪਏ ਦਾ ਨਿਵੇਸ਼ ਕਰਕੇ ਕਮਾਓ 15 ਤੋਂ 20 ਲੱਖ

Summary in English: 1 crore beneficiaries will get LPG cylinder connection, know how to apply?

Like this article?

Hey! I am Preetpal Singh. Did you liked this article and have suggestions to improve this article? Mail me your suggestions and feedback.

Top Stories

More Stories

ਸਾਡੇ ਨਿਉਜ਼ਲੈਟਰ ਦੇ ਗਾਹਕ ਬਣੋ। ਖੇਤੀਬਾੜੀ ਨਾਲ ਜੁੜੀਆਂ ਦੇਸ਼ ਭਰ ਦੀਆਂ ਸਾਰੀਆਂ ਤਾਜ਼ਾ ਖ਼ਬਰਾਂ ਮੇਲ 'ਤੇ ਪੜ੍ਹਨ ਲਈ ਸਾਡੇ ਨਿਉਜ਼ਲੈਟਰ ਦੇ ਗਾਹਕ ਬਣੋ।

Subscribe Newsletters
Krishi Jagran Punjabi Magazine subscription