ਪੰਜਾਬ ਦੇ ਕਣਕ ਕਿਸਾਨਾਂ ਲਈ ਖੁਸ਼ਖਬਰੀ, ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਵੱਲੋਂ ਕਣਕ ਦੀਆਂ ਨਵੀਆਂ ਕਿਸਮਾਂ ਜਾਰੀ

ਹੁਣ ਹੋਵੇਗਾ ਕਿਸਾਨਾਂ ਦੀ ਆਮਦਨ 'ਚ ਵਾਧਾ

Good News for Wheat Farmers: ਕਣਕ ਦੇ ਕਿਸਾਨਾਂ ਲਈ ਖੁਸ਼ਖਬਰੀ ਹੈ। ਦਰਅਸਲ, ਲੁਧਿਆਣਾ ਦੀ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ (Punjab Agricultural University) ਨੇ ਕਣਕ (Wheat) ਦੀਆਂ 3 ਨਵੀਆਂ ਕਿਸਮਾਂ (New Varieties) ਜਾਰੀ ਕੀਤੀਆਂ ਹਨ। ਮੰਨਿਆ ਜਾ ਰਿਹਾ ਹੈ ਕਿ ਆਉਣ ਵਾਲੇ ਇਸ ਹਾੜੀ ਸੀਜ਼ਨ 'ਚ ਇਹ ਕਿਸਮਾਂ ਦੇਸ਼ ਭਰ ਦੇ ਕਿਸਾਨਾਂ ਨੂੰ ਬਿਜਾਈ ਲਈ ਉਪਲਬਧ ਕਰਵਾਈਆਂ ਜਾਣਗੀਆਂ।

Punjab Agricultural University: ਕਣਕ (Wheat) ਹਾੜੀ ਦੇ ਸੀਜ਼ਨ ਦੀ ਇੱਕ ਪ੍ਰਮੁੱਖ ਨਕਦੀ ਫਸਲ ਹੈ, ਜਿਸ ਦੀ ਖੇਤੀ ਭਾਰਤ 'ਚ ਵੱਡੇ ਪੱਧਰ 'ਤੇ ਕੀਤੀ ਜਾਂਦੀ ਹੈ। ਇਨ੍ਹਾਂ ਹੀ ਨਹੀਂ ਭਾਰਤ ਵਿੱਚ ਉਗਾਈ ਜਾਣ ਵਾਲੀ ਕਣਕ ਦੁਆਰਾ ਦੇਸ਼ ਅਤੇ ਦੁਨੀਆ ਦੀ ਖੁਰਾਕ ਦੀ ਸਪਲਾਈ ਯਕੀਨੀ ਬਣਾਈ ਜਾਂਦੀ ਹੈ। ਇੰਨੇ ਵੱਡੇ ਪੱਧਰ 'ਤੇ ਅਨਾਜ ਦੀ ਸਪਲਾਈ ਨੂੰ ਯਕੀਨੀ ਬਣਾਉਣਾ ਆਪਣੇ ਆਪ ਵਿੱਚ ਇੱਕ ਚੁਣੌਤੀਪੂਰਨ ਕਾਰਜ ਹੈ, ਇਸ ਲਈ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ, ਲੁਧਿਆਣਾ (Punjab Agricultural University, Ludhiana) ਵੱਲੋਂ ਵੀ ਇਸ ਕਾਰਜ ਨੂੰ ਅੱਗੇ ਲੈ ਜਾਣ ਲਈ ਵੱਡੀ ਪਹਿਲ ਕੀਤੀ ਗਈ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ ਲੁਧਿਆਣਾ ਨੇ ਹਾੜੀ ਦੇ ਸੀਜ਼ਨ ਲਈ ਪੰਜਾਬ ਦੇ ਕਿਸਾਨਾਂ ਨੂੰ ਵਧੀਆ ਝਾੜ ਦੇਣ ਵਾਲੀਆਂ ਕਣਕ ਦੀਆਂ 3 ਨਵੀਆਂ ਕਿਸਮਾਂ ਜਾਰੀ ਕੀਤੀਆਂ ਹਨ। ਮਿਲੀ ਜਾਣਕਾਰੀ ਮੁਤਾਬਿਕ ਆਉਣ ਵਾਲੇ ਹਾੜੀ ਸੀਜ਼ਨ 'ਚ ਇਹ ਨਵੀਆਂ ਕਿਸਮਾਂ ਦੇਸ਼ ਭਰ ਦੇ ਕਿਸਾਨਾਂ ਨੂੰ ਬਿਜਾਈ ਲਈ ਉਪਲਬਧ ਕਰਵਾਈਆਂ ਜਾਣਗੀਆਂ।

ਕਿਸਾਨਾਂ ਨੂੰ ਇਲੇਗਾ ਵਧੀਆ ਝਾੜ

ਜੇਕਰ ਕਣਕ ਦੀਆਂ ਇਨ੍ਹਾਂ ਨਵੀਆਂ ਕਿਸਮਾਂ ਬਾਰੇ ਗੱਲ ਕਰੀਏ ਤਾਂ ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਵੱਲੋਂ PBW 826, PBW 872 ਅਤੇ PBW 833 ਕਿਸਮਾਂ ਜਾਰੀ ਕੀਤੀਆਂ ਗਈਆਂ ਹਨ। ਕਣਕ ਦੀਆਂ ਇਹ ਕਿਸਮਾਂ ਦੇਸ਼ ਦੇ ਵੱਖ-ਵੱਖ ਖੇਤਰਾਂ, ਸਮੇਂ, ਮਿੱਟੀ, ਜਲਵਾਯੂ ਦੇ ਅਨੁਸਾਰ ਵਧੀਆ ਉਤਪਾਦਨ ਦੇ ਕੇ ਕਿਸਾਨਾਂ ਨੂੰ ਲਾਭ ਪਹੁੰਚਾਉਣਗੀਆਂ।

ਮੈਦਾਨੀ ਖੇਤਰਾਂ ਮੁਤਾਬਿਕ ਕਿਸਮਾਂ ਦੀ ਵੰਡ

● ਉੱਤਰ ਪੱਛਮੀ ਮੈਦਾਨੀ ਜ਼ੋਨ ਅਤੇ ਉੱਤਰ ਪੂਰਬੀ ਮੈਦਾਨੀ ਜ਼ੋਨ ਦੇ ਕਿਸਾਨਾਂ ਨੂੰ ਕਣਕ PBW 826 ਜਾਰੀ ਕੀਤੀ ਗਈ ਹੈ।
● ਉੱਤਰ ਪੱਛਮੀ ਮੈਦਾਨੀ ਜ਼ੋਨ ਦੇ ਕਿਸਾਨਾਂ ਲਈ PBW 872 ਜਾਰੀ ਕੀਤੀ ਗਈ ਹੈ।
● ਇਸੇ ਤਰ੍ਹਾਂ PBW 833 ਕਿਸਮ ਉੱਤਰ ਪੂਰਬੀ ਮੈਦਾਨੀ ਜ਼ੋਨ ਦੇ ਕਿਸਾਨਾਂ ਨੂੰ ਜਾਰੀ ਕੀਤੀ ਗਈ ਹੈ।

PAU ਵੱਲੋਂ ਕਣਕ ਦੀਆਂ ਨਵੀਆਂ ਕਿਸਮਾਂ ਜਾਰੀ:

1. PBW 826 ਕਿਸਮ ਦੀ ਖ਼ਾਸੀਅਤ
● ਕਣਕ ਦੀ PBW 826 ਕਿਸਮ ਦੇਸ਼ ਦੀਆਂ ਦੋ ਵੱਡੀਆਂ ਕਣਕ ਪੱਟੀਆਂ ਲਈ ਲਾਭਦਾਇਕ ਹੈ।
● ਇਹ ਕਿਸਮ ਪੰਜਾਬ, ਹਰਿਆਣਾ, ਦਿੱਲੀ ਅਤੇ ਪੱਛਮੀ ਉੱਤਰ ਪ੍ਰਦੇਸ਼, ਰਾਜਸਥਾਨ ਦੇ ਕੁਝ ਹਿੱਸਿਆਂ, ਉੱਤਰਾਖੰਡ, ਜੰਮੂ ਅਤੇ ● ਹਿਮਾਚਲ ਪ੍ਰਦੇਸ਼ ਸਮੇਤ ਉੱਤਰੀ ਪੱਛਮੀ ਮੈਦਾਨੀ ਖੇਤਰਾਂ ਲਈ ਲਾਭਦਾਇਕ ਪਾਈ ਗਈ ਹੈ।
● ਇਨ੍ਹਾਂ ਸੂਬਿਆਂ ਵਿੱਚ ਇਸ ਕਿਸਮ ਦੀ ਵਰਤੋਂ ਸਮੇਂ ਸਿਰ ਅਤੇ ਸਿੰਚਾਈ ਵਾਲੀ ਬਿਜਾਈ ਅਧੀਨ ਕੀਤੀ ਜਾ ਸਕਦੀ ਹੈ।
● ਇਹ ਕਿਸਮ ਇਨ੍ਹਾਂ ਖੇਤਰਾਂ ਵਿੱਚ ਤਿੰਨ ਸਾਲਾਂ ਦੀ ਪਰਖ ਦੌਰਾਨ ਅਨਾਜ ਦੀ ਪੈਦਾਵਾਰ ਦੇ ਮਾਮਲੇ ਵਿੱਚ ਪਹਿਲੇ ਸਥਾਨ 'ਤੇ ਰਹੀ।
● ਇਹ ਕਿਸਮ ਪੂਰਬੀ ਉੱਤਰ ਪ੍ਰਦੇਸ਼, ਬਿਹਾਰ, ਪੱਛਮੀ ਬੰਗਾਲ ਅਤੇ ਝਾਰਖੰਡ ਵਰਗੇ ਉੱਤਰ ਪੂਰਬੀ ਮੈਦਾਨੀ ਖੇਤਰਾਂ ਲਈ ਵੀ ਲਾਭਦਾਇਕ ਪਾਈ ਗਈ ਹੈ।

ਇਹ ਵੀ ਪੜ੍ਹੋ: 95.32 ਕੁਇੰਟਲ ਪ੍ਰਤੀ ਹੈਕਟੇਅਰ ਝਾੜ ਦੇਣ ਵਾਲੀ ਕਣਕ ਦੀ ਇਹ ਕਿਸਮ ਕਿਸਾਨਾਂ ਨੂੰ ਕਰ ਦੇਵੇਗੀ ਮਾਲੋਮਾਲ

2. PBW 872 ਕਿਸਮ ਦੀਆਂ ਖੂਬੀਆਂ
● ਕਣਕ ਦੀ ਇਹ ਨਵੀਂ ਕਿਸਮ ਦੇਸ਼ ਦੇ ਉੱਤਰ-ਪੱਛਮੀ ਮੈਦਾਨੀ ਇਲਾਕਿਆਂ ਦੀ ਮਿੱਟੀ ਅਤੇ ਜਲਵਾਯੂ ਵਿੱਚ ਸ਼ਾਨਦਾਰ ਉਤਪਾਦਨ ਦੇਵੇਗੀ।
● ਸਿੰਚਾਈ ਵਾਲੇ ਖੇਤਰਾਂ ਵਿੱਚ ਸਹੀ ਤਕਨੀਕ ਨੂੰ ਅਪਣਾਉਣ ਨਾਲ ਪੀਬੀਡਬਲਯੂ ਕਿਸਮ ਦੀ ਕਾਸ਼ਤ ਦੁਆਰਾ ਕਣਕ ਦਾ ਮਿਆਰੀ ਉਤਪਾਦਨ ਪ੍ਰਾਪਤ ਕਰਨ ਵਿੱਚ ਬਹੁਤ ਮਦਦ ਮਿਲੇਗੀ।
● ਇਹ ਕਣਕ ਦੀ ਅਗੇਤੀ ਬਿਜਾਈ ਰਾਹੀਂ ਵੱਧ ਝਾੜ ਦੇਣ ਵਾਲੀ ਕਿਸਮ ਹੈ, ਜਿਸ ਦੀ ਬਿਜਾਈ ਹਾੜੀ ਦੇ ਸੀਜ਼ਨ ਦੇ ਸ਼ੁਰੂ ਵਿੱਚ ਜਾਂ ਇਸ ਤੋਂ ਥੋੜ੍ਹੀ ਦੇਰ ਪਹਿਲਾਂ ਕੀਤੀ ਜਾ ਸਕਦੀ ਹੈ।

3. PBW 833 ਕਿਸਮ ਦੀ ਵਿਸ਼ੇਸ਼ਤਾ
● ਪੰਜਾਬ ਐਗਰੀਕਲਚਰ ਯੂਨੀਵਰਸਿਟੀ ਵੱਲੋਂ ਪੀਬੀਡਬਲਯੂ 833 ਕਿਸਮ ਉੱਤਰ-ਪੂਰਬੀ ਭਾਰਤ ਲਈ ਜਾਰੀ ਕੀਤੀ ਗਈ ਹੈ।
● ਇਸ ਦੀ ਬਿਜਾਈ ਕਰਕੇ ਕਿਸਾਨ ਆਮ ਕਿਸਮਾਂ ਨਾਲੋਂ ਕਈ ਗੁਣਾ ਵੱਧ ਝਾੜ ਲੈ ਸਕਦੇ ਹਨ।
● ਸਿੰਚਾਈ ਵਾਲੇ ਮੈਦਾਨਾਂ ਵਿੱਚ ਪ੍ਰੋਟੀਨ ਅਤੇ ਸਾਰੇ ਪੌਸ਼ਟਿਕ ਤੱਤਾਂ ਨਾਲ ਭਰਪੂਰ ਪੀਬੀਡਬਲਯੂ ਕਿਸਮ ਬੀਜਣਾ ਲਾਭਦਾਇਕ ਹੋਵੇਗਾ।
● ਕਣਕ ਦੀ ਲੇਟ ਕਾਸ਼ਤ ਯਾਨੀ PBW 833 ਕਣਕ ਦੀ ਕਿਸਮ ਪਛੇਤੀ ਬਿਜਾਈ ਕਰਨ ਵਾਲੇ ਕਿਸਾਨਾਂ ਲਈ ਵਰਦਾਨ ਸਾਬਤ ਹੋਵੇਗੀ।