ਡੇਅਰੀ ਲੋਨ 'ਤੇ ਸਰਕਾਰ ਵੱਲੋਂ ਸਬਸਿਡੀ
Dairy Farming: ਸਾਡੇ ਦੇਸ਼ ਦੀ ਆਬਾਦੀ ਦਿਨੋਂ-ਦਿਨ ਵਧਦੀ ਜਾ ਰਹੀ ਹੈ। ਅਜਿਹੇ 'ਚ ਦੇਸ਼ ਵਿੱਚ ਜਿੰਨਾ ਦੁੱਧ ਖਪਤ ਹੋ ਰਿਹਾ ਹੈ, ਉਨ੍ਹਾਂ ਉਸ ਦਾ ਉਤਪਾਦਨ ਨਹੀਂ ਹੋ ਰਿਹਾ। ਹਾਲਾਂਕਿ, ਕਿਸਾਨਾਂ ਨੂੰ ਪੇਸ਼ ਆ ਰਹੀਆਂ ਮੁਸ਼ਕਲਾਂ ਨੂੰ ਦੇਖਦਿਆਂ ਸਰਕਾਰ ਵੱਲੋਂ ਨਾ ਸਿਰਫ ਖੇਤੀ ਲਈ ਸਗੋਂ ਪਸ਼ੂ ਪਾਲਣ ਦੇ ਕਿੱਤੇ ਲਈ ਵੀ ਮਦਦ ਕੀਤੀ ਜਾ ਰਹੀ ਹੈ। ਇੰਨਾ ਹੀ ਨਹੀਂ ਸਰਕਾਰ ਵੱਲੋਂ ਕਿਸਾਨਾਂ ਨੂੰ ਡੇਅਰੀ ਖੋਲ੍ਹਣ ਲਈ ਵਿੱਤੀ ਸਹਾਇਤਾ ਵੀ ਦਿੱਤੀ ਜਾ ਰਹੀ ਹੈ। ਆਓ ਜਾਣਦੇ ਹਾਂ ਡੇਅਰੀ ਲੋਨ 'ਤੇ ਸਰਕਾਰ ਵੱਲੋਂ ਸਬਸਿਡੀ ਬਾਰੇ ਪੂਰੀ ਜਾਣਕਾਰੀ...
ਤੁਹਾਨੂੰ ਦੱਸ ਦੇਈਏ ਕਿ ਡੇਅਰੀ ਫਾਰਮ ਬਿਜ਼ਨਸ ਲੋਨ ਮੁੱਖ ਤੌਰ 'ਤੇ ਕਿਸਾਨਾਂ, ਵਿਅਕਤੀਆਂ, ਫਾਰਮ ਅਤੇ ਕਾਰੋਬਾਰੀ ਮਾਲਕਾਂ ਦੁਆਰਾ ਆਪਣੇ ਡੇਅਰੀ ਕਾਰੋਬਾਰ ਨੂੰ ਵਿੱਤ ਦੇਣ ਲਈ ਲਿਆ ਜਾਂਦਾ ਹੈ। ਡੇਅਰੀ ਬਿਜ਼ਨਸ ਲੋਨ ਦੀ ਵਰਤੋਂ ਵੱਖ-ਵੱਖ ਉਦੇਸ਼ਾਂ ਲਈ ਕੀਤੀ ਜਾ ਸਕਦੀ ਹੈ ਜਿਵੇਂ ਕਿ ਪਸ਼ੂਆਂ ਦੀ ਖਰੀਦ, ਡੇਅਰੀ ਉਤਪਾਦ, ਫਾਰਮ ਨਿਰਮਾਣ, ਮਿਲਕਿੰਗ ਮਸ਼ੀਨਾਂ, ਸ਼ੈੱਡ ਦੀ ਉਸਾਰੀ, ਡੇਅਰੀ ਵਸਤੂਆਂ, ਫਾਰਮ ਉਪਕਰਣ, ਤੂੜੀ ਕੱਟਣਾ ਆਦਿ।
ਬਹੁਤ ਸਾਰੇ ਬੈਂਕ ਜਾਂ ਲੋਨ ਸੰਸਥਾਵਾਂ ਆਸਾਨ ਮੁੜ ਅਦਾਇਗੀ ਵਿਕਲਪਾਂ ਦੇ ਨਾਲ ਆਕਰਸ਼ਕ ਵਿਆਜ ਦਰਾਂ 'ਤੇ ਡੇਅਰੀ ਫਾਰਮਾਂ ਜਾਂ ਖੇਤੀ ਲਈ ਵਪਾਰਕ ਕਰਜ਼ੇ ਦੀ ਪੇਸ਼ਕਸ਼ ਕਰਦੀਆਂ ਹਨ। ਡੇਅਰੀ ਫਾਰਮ ਲੋਨ ਵਿਅਕਤੀਆਂ, ਕਾਰੋਬਾਰੀ ਮਾਲਕਾਂ, ਕਿਸਾਨਾਂ ਅਤੇ ਡੇਅਰੀ ਸੋਸਾਇਟੀਆਂ ਦੁਆਰਾ ਨਾਬਾਰਡ ਸਕੀਮ ਅਧੀਨ ਲਿਆ ਜਾ ਸਕਦਾ ਹੈ।
ਇਹ ਵੀ ਪੜ੍ਹੋ : ਡੇਅਰੀ ਫਾਰਮ ਦੇ ਕਾਰੋਬਾਰ ਲਈ ਇਹ ਬੈਂਕ ਦਿੰਦੇ ਹਨ ਲੋਨ!
10 ਪਸ਼ੂਆਂ ਦੀ ਡੇਅਰੀ ਖੋਲ੍ਹਣ ਲਈ ਲੋਨ
ਜੇਕਰ ਤੁਸੀਂ ਡੇਅਰੀ ਫਾਰਮ ਖੋਲ੍ਹਣ ਬਾਰੇ ਸੋਚ ਰਹੇ ਹੋ ਤਾਂ ਦੱਸ ਦੇਈਏ ਕਿ SBI ਵੱਲੋਂ ਵਧੀਆ ਲੋਨ ਦੀ ਪੇਸ਼ਕਸ਼ ਕੀਤੀ ਜਾਂਦੀ ਹੈ। ਜੇਕਰ ਤੁਸੀਂ 10 ਪਸ਼ੂਆਂ ਦੀ ਡੇਅਰੀ ਖੋਲ੍ਹਦੇ ਹੋ ਤਾਂ ਤੁਹਾਨੂੰ SBI ਤੋਂ 10 ਲੱਖ ਰੁਪਏ ਤੱਕ ਦਾ ਕਰਜ਼ਾ ਪ੍ਰਾਪਤ ਹੋ ਸਕਦਾ ਹੈ। ਇਸ ਦੇ ਲਈ ਸਟੇਟ ਬੈਂਕ ਆਫ ਇੰਡੀਆ ਯਾਨੀ ਐਸਬੀਆਈ ਬੈਂਕ ਡੇਅਰੀ ਫਾਰਮ ਨਾਲ ਸਬੰਧਤ ਵੱਖ-ਵੱਖ ਕੰਮਾਂ ਲਈ ਕਰਜ਼ਾ ਦਿੰਦਾ ਹੈ, ਜਿਸ ਦੀਆਂ ਦਰਾਂ ਵੱਖਰੇ ਤੌਰ 'ਤੇ ਤੈਅ ਕੀਤੀਆਂ ਜਾਂਦੀਆਂ ਹਨ।
ਉਦਾਹਰਣ ਦੇ ਤੌਰ 'ਤੇ:
● ਆਟੋਮੈਟਿਕ ਦੁੱਧ ਇਕੱਠਾ ਕਰਨ ਦੀ ਪ੍ਰਣਾਲੀ ਲਈ 1 ਲੱਖ ਰੁਪਏ ਤੱਕ ਦਾ ਕਰਜ਼ਾ ਦਿੱਤਾ ਜਾਂਦਾ ਹੈ।
● ਡੇਅਰੀ ਫਾਰਮਿੰਗ ਲਈ ਇਮਾਰਤ ਦੀ ਉਸਾਰੀ ਲਈ 2 ਲੱਖ ਰੁਪਏ ਤੱਕ ਦਾ ਕਰਜ਼ਾ ਉਪਲਬਧ ਹੈ।
● ਦੁੱਧ ਦੀ ਸਾਂਭ ਸੰਭਾਲ ਲਈ ਕੋਲਡ ਸਟੋਰੇਜ ਮਸ਼ੀਨ ਲਈ 4 ਲੱਖ ਰੁਪਏ ਦਾ ਕਰਜ਼ਾ ਦਿੱਤਾ ਜਾਂਦਾ ਹੈ।
● ਦੁੱਧ ਦੀ ਢੋਆ-ਢੁਆਈ ਵਾਲੀ ਗੱਡੀ ਭਾਵ ਦੁੱਧ ਦੀ ਟੈਂਕੀ ਦੀ ਆਵਾਜਾਈ ਲਈ 3 ਲੱਖ ਰੁਪਏ ਤੱਕ ਦਾ ਕਰਜ਼ਾ ਮਿਲਦਾ ਹੈ।
● ਇਸ ਤਰ੍ਹਾਂ, 10 ਪਸ਼ੂਆਂ ਦੀ ਡੇਅਰੀ ਖੋਲ੍ਹਣ 'ਤੇ ਤੁਸੀਂ 10 ਲੱਖ ਰੁਪਏ ਤੱਕ ਦਾ ਕੁੱਲ ਕਰਜ਼ਾ ਪ੍ਰਾਪਤ ਕਰ ਸਕਦੇ ਹੋ।
ਇਹ ਵੀ ਪੜ੍ਹੋ : ਪਸ਼ੂਆਂ ਦੇ ਇਲਾਜ ਲਈ ਵਰਤੋਂ ਇਹ ਹੋਮਿਓਪੈਥਿਕ ਦਵਾਈਆਂ! ਦੁੱਧ ਵਿੱਚ ਹੋਵੇਗਾ ਵਾਧਾ!
ਡੇਅਰੀ ਲੋਨ 'ਤੇ ਸਰਕਾਰ ਤੋਂ ਸਬਸਿਡੀ
ਜੇਕਰ ਤੁਸੀਂ ਡੇਅਰੀ ਫਾਰਮਿੰਗ ਲਈ ਬੈਂਕ ਤੋਂ ਕਰਜ਼ਾ ਲੈਂਦੇ ਹੋ ਤਾਂ ਸਰਕਾਰ ਵੱਲੋਂ ਸਬਸਿਡੀ ਦਾ ਲਾਭ ਦਿੱਤਾ ਜਾਂਦਾ ਹੈ। ਇਸ ਤਹਿਤ ਸਰਕਾਰ ਕਿਸਾਨਾਂ ਨੂੰ ਡੇਅਰੀ ਕਾਰੋਬਾਰ ਸ਼ੁਰੂ ਕਰਨ ਲਈ ਡੇਅਰੀ ਉੱਦਮ ਵਿਕਾਸ ਯੋਜਨਾ ਤਹਿਤ ਸਬਸਿਡੀ ਦਾ ਲਾਭ ਦਿੰਦੀ ਹੈ। ਇਸ ਤਹਿਤ ਆਮ ਕਿਸਾਨਾਂ ਨੂੰ 25 ਫੀਸਦੀ ਸਬਸਿਡੀ ਦਿੱਤੀ ਜਾਂਦੀ ਹੈ। ਇਸ ਦੇ ਨਾਲ ਹੀ ਅਨੁਸੂਚਿਤ ਜਾਤੀਆਂ, ਅਨੁਸੂਚਿਤ ਕਬੀਲਿਆਂ ਅਤੇ ਮਹਿਲਾ ਕਿਸਾਨਾਂ ਨੂੰ 33 ਫੀਸਦੀ ਸਬਸਿਡੀ ਦਾ ਲਾਭ ਦਿੱਤਾ ਜਾਂਦਾ ਹੈ।
ਡੇਅਰੀ ਫਾਰਮ ਲੋਨ ਲਈ ਅਰਜ਼ੀ ਪ੍ਰਕਿਰਿਆ
● ਡੇਅਰੀ ਕਾਰੋਬਾਰ ਖੋਲ੍ਹਣ ਲਈ ਆਪਣੇ ਜ਼ਿਲ੍ਹੇ ਵਿੱਚ ਨਜ਼ਦੀਕੀ SBI ਬੈਂਕ ਸ਼ਾਖਾ ਵਿੱਚ ਜਾਓ ਅਤੇ ਫਾਰਮ ਪ੍ਰਾਪਤ ਕਰੋ।
● ਇਸ ਫਾਰਮ ਵਿੱਚ ਪੁੱਛੀ ਗਈ ਸਾਰੀ ਜਾਣਕਾਰੀ ਨੂੰ ਸਹੀ ਢੰਗ ਨਾਲ ਭਰੋ।
● ਇਸ ਦੇ ਨਾਲ ਮੰਗੇ ਗਏ ਸਾਰੇ ਦਸਤਾਵੇਜ਼ਾਂ ਅਤੇ ਪ੍ਰੋਜੈਕਟ ਦੀ ਕਾਪੀ ਨੱਥੀ ਕਰੋ।
● ਹੁਣ ਇਸ ਭਰੇ ਹੋਏ ਫਾਰਮ ਨੂੰ ਬੈਂਕ ਵਿੱਚ ਜਮ੍ਹਾ ਕਰੋ। ਇਸ ਤੋਂ ਬਾਅਦ ਬੈਂਕ ਤੁਹਾਡੇ ਫਾਰਮ ਦੀ ਪੁਸ਼ਟੀ ਕਰੇਗਾ।
● ਜੇਕਰ ਤੁਸੀਂ ਡੇਅਰੀ ਲੋਨ ਲੈਣ ਲਈ ਯੋਗਤਾ ਦੇ ਸਾਰੇ ਮਾਪਦੰਡਾਂ ਨੂੰ ਪੂਰਾ ਕਰਦੇ ਹੋ, ਤਾਂ ਤੁਹਾਡੇ ਕਰਜ਼ੇ ਨੂੰ ਮਨਜ਼ੂਰੀ ਦਿੱਤੀ ਜਾਵੇਗੀ।
Summary in English: How much loan can be obtained to open a dairy of 10 animals?
