ਮਸਾਲਿਆਂ ਦੀ ਖੇਤੀ `ਤੇ ਸਬਸਿਡੀ
ਘਰ `ਚ ਵਰਤੇ ਜਾਣ ਵਾਲੇ ਮਸਾਲਿਆਂ ਨਾਲ ਸਬਜ਼ੀਆਂ ਦਾ ਸੁਆਦ ਹੋਰ ਵੱਧ ਜਾਂਦਾ ਹੈ। ਇਨ੍ਹਾਂ ਮਸਾਲਿਆਂ ਦੀ ਕਾਸ਼ਤ ਵੱਲ ਲੋਕਾਂ ਦਾ ਰੁਝਾਨ ਵੱਧਦਾ ਨਜ਼ਰ ਆ ਰਿਹਾ ਹੈ। ਜਿਸ ਤੋਂ ਕਿਸਾਨ ਵੀਰ ਭਾਰੀ ਮੁਨਾਫ਼ਾ ਕਮਾਉਣ ਦੇ ਯੋਗ ਬਣ ਰਹੇ ਹਨ। ਇਨ੍ਹਾਂ ਮਸਾਲਿਆਂ ਦੀ ਕਾਸ਼ਤ ਨੂੰ ਵਧਾਉਣ ਲਈ ਇੱਕ ਯੋਜਨਾ ਸਪਾਈਸ ਸੈਕਟਰ ਐਕਸਪੈਂਸ਼ਨ ਸਕੀਮ ਬਣਾਈ ਗਈ ਹੈ। ਇਸ ਸਕੀਮ ਦੇ ਤਹਿਤ ਕਿਸਾਨ ਮਸਾਲੇ ਦੀਆਂ ਫ਼ਸਲਾਂ ਜਿਨ੍ਹਾਂ ਦੀ ਮੰਡੀ `ਚ ਸਾਰਾ ਸਾਲ ਮੰਗ ਹੁੰਦੀ ਹੈ ਉਨ੍ਹਾਂ ਦੀ ਕਾਸ਼ਤ ਕਰਕੇ ਲੱਖਾਂ ਰੁਪਏ ਕਮਾ ਸਕਦੇ ਹਨ।
Subsidy on Spices: ਤੁਹਾਨੂੰ ਇਹ ਜਾਣ ਕੇ ਖੁਸ਼ੀ ਹੋਏਗੀ ਕਿ ਸਰਕਾਰ ਵੱਲੋਂ ਮਸਾਲਿਆਂ ਦੀ ਕਾਸ਼ਤ ਨੂੰ ਵਧਾਉਣ ਲਈ ਸਬਸਿਡੀ ਦੀ ਸੁਵਿਧਾ ਦਿੱਤੀ ਜਾ ਰਹੀ ਹੈ। ਜਿਸ `ਚ ਧਨੀਆ, ਜੀਰਾ, ਮੇਥੀ, ਅਜਵਾਇਣ, ਸੌਂਫ, ਕਲੋਂਜੀ, ਡਿਲ, ਫੈਨਿਲ ਤੇ ਕਾਲਾ ਜੀਰਾ ਆਦਿ ਸ਼ਾਮਲ ਹਨ। ਸਰਕਾਰ ਵੱਲੋਂ ਕਿਸਾਨਾਂ ਨੂੰ 40 ਫੀਸਦੀ ਯਾਨੀ 48 ਹਜ਼ਾਰ ਰੁਪਏ ਸਬਸਿਡੀ ਵਜੋਂ ਮਿਲਣਗੇ। ਪੂਰੀ ਜਾਣਕਰੀ ਲਈ ਅਗੇ ਲੇਖ ਪੜ੍ਹੋ..
ਕਿੰਨੀ ਸਬਸਿਡੀ ਮਿਲੇਗੀ?
ਤੁਹਾਡੀ ਜਾਣਕਾਰੀ ਲਈ ਦੱਸ ਦੇਈਏ ਕਿ ਮਸਾਲੇ ਖੇਤਰ ਵਿਸਥਾਰ ਯੋਜਨਾ ਦੇ ਤਹਿਤ ਕਿਸਾਨਾਂ ਨੂੰ 11 ਕਿਸਮਾਂ ਦੇ ਮਸਾਲਿਆਂ ਦੀ ਕਾਸ਼ਤ `ਤੇ ਸਬਸਿਡੀ ਪ੍ਰਦਾਨ ਕਰਨੀ ਹੈ। ਜਿਸ `ਚ ਕਿਸਾਨ 12,000 ਰੁਪਏ ਪ੍ਰਤੀ ਹੈਕਟੇਅਰ ਦੇ ਹਿਸਾਬ ਨਾਲ ਵੱਧ ਤੋਂ ਵੱਧ 48,000 ਰੁਪਏ ਤੱਕ ਦੀ ਸਬਸਿਡੀ ਦਾ ਲਾਭ ਲੈ ਸਕਦੇ ਹਨ।
ਇਸ ਦੇ ਨਾਲ ਹੀ ਸਰਕਾਰ ਮਹਿੰਗੀਆਂ ਫਸਲਾਂ ਦੀ ਕਾਸ਼ਤ ਕਰਨ ਲਈ ਕਿਸਾਨਾਂ ਨੂੰ ਲਗਾਤਾਰ ਮਦਦ ਦੇ ਰਹੀ ਹੈ। ਇਸੇ ਲੜੀ `ਚ ਮੱਧ ਪ੍ਰਦੇਸ਼ ਸਰਕਾਰ ਸੂਬੇ ਦੇ ਕਿਸਾਨਾਂ ਨੂੰ ਮਸਾਲੇ ਦੀ ਖੇਤੀ ਕਰਨ ਲਈ ਉਤਸ਼ਾਹਿਤ ਕਰ ਰਹੀ ਹੈ। ਇਸ ਦੇ ਲਈ ਸਰਕਾਰ ਨੇ ਸਪਾਈਸ ਸੈਕਟਰ ਐਕਸਪੈਂਸ਼ਨ ਸਕੀਮ (Spice Sector Expansion Scheme) ਵੀ ਸ਼ੁਰੂ ਕੀਤੀ ਹੈ। ਇਸ ਸਕੀਮ ਰਾਹੀਂ ਕਿਸਾਨਾਂ ਨੂੰ ਮਸਾਲਿਆਂ ਦੀ ਕਾਸ਼ਤ ਲਈ 40 ਫੀਸਦੀ ਤੱਕ ਦੀ ਸਬਸਿਡੀ ਦਿੱਤੀ ਜਾਂਦੀ ਹੈ।
ਇਹ ਵੀ ਪੜ੍ਹੋ : 50 ਹਜ਼ਾਰ ਰੁਪਏ ਸਬਸਿਡੀ ਨਾਲ ਕਿਸਾਨ ਭਰਾਵਾਂ ਦੀ ਕਮਾਈ `ਚ ਵਾਧਾ
ਅਰਜ਼ੀ ਕਿਵੇਂ ਦੇਣੀ ਹੈ?
● ਇਸ ਅਰਜ਼ੀ ਦੀ ਪ੍ਰਕਿਰਿਆ 16 ਸਤੰਬਰ 2022 ਤੋਂ ਸ਼ੁਰੂ ਹੋ ਗਈ ਹੈ।
● ਮੱਧ ਪ੍ਰਦੇਸ਼ ਬਾਗਬਾਨੀ ਅਤੇ ਫੂਡ ਪ੍ਰੋਸੈਸਿੰਗ ਵਿਭਾਗ (Department of Horticulture and Food Processing) ਦੁਆਰਾ ਇਨ੍ਹਾਂ ਮਸਾਲਿਆਂ ਦੀ ਕਾਸ਼ਤ 'ਤੇ ਸਬਸਿਡੀ ਲੈਣ ਲਈ ਤੁਸੀਂ ਅਧਿਕਾਰਤ ਵੈੱਬਸਾਈਟ 'ਤੇ ਜਾ ਕੇ ਆਨਲਾਈਨ ਰਜਿਸਟਰ ਕਰ ਸਕਦੇ ਹੋ।
● ਇਸ ਸਕੀਮ ਨਾਲ ਸਬੰਧਤ ਹੋਰ ਜਾਣਕਾਰੀ ਲਈ ਤੁਸੀਂ ਅਧਿਕਾਰਤ ਵੈੱਬਸਾਈਟ https://mpfsts.mp.gov.in/mphd/#/new-application ਜਾ ਕੇ ਵੀ ਅਰਜ਼ੀ ਦੇ ਸਕਦੇ ਹੋ।
● ਇਹ ਅਰਜ਼ੀ ਬਿਲਕੁਲ ਮੁਫਤ ਹੈ।
Summary in English: Subsidy on domestic spice cultivation, know the process of applying for the scheme
