ਮਦੀਰਾ ਦੇ ਪੌਸ਼ਟਿਕ ਉਤਪਾਦ, ਪਾਪੜ-ਪਕੌੜੇ ਤੋਂ ਲੈ ਕੇ ਖੀਰ ਬਣਾਉਣ ਦੀ ਆਸਾਨ ਵਿਧੀ

ਮਦੀਰਾ ਦੇ ਆਟੇ ਤੋਂ ਕਈ ਤਰ੍ਹਾਂ ਦੇ ਪੌਸ਼ਟਿਕ ਉਤਪਾਦ ਤਿਆਰ ਕੀਤੇ ਜਾ ਸਕਦੇ ਹਨ, ਜਿਨ੍ਹਾਂ ਵਿੱਚੋਂ ਕੁਝ ਇਸ ਲੇਖ ਵਿੱਚ ਦੱਸੇ ਗਏ ਹਨ।

ਮਦੀਰਾ ਦੇ ਆਟੇ ਤੋਂ ਬਣਾਓ ਪੌਸ਼ਟਿਕ ਪਾਪੜ, ਪਕੌੜੇ ਤੇ ਖੀਰ

ਅੱਜਕਲ ਦੀ ਭੱਜਦੀ-ਦੌੜਦੀ ਜ਼ਿੰਦਗੀ ਵਿੱਚ ਸਿਹਤਮੰਦ ਅਤੇ ਬਿਮਾਰੀਆਂ ਤੋਂ ਦੂਰ ਰਹਿਣਾ ਬੇਹੱਦ ਜ਼ਰੂਰੀ ਹੈ। ਚੰਗੀ ਜੀਵਨ ਸ਼ੈਲੀ ਲਈ ਸਮੇਂ ਸਿਰ ਜਾਗਣਾ, ਸੌਣਾ, ਖਾਣਾ, ਯੋਗ ਕਰਨਾ, ਵਜ਼ਨ ਵਿੱਚ ਸੰਤੁਲਨ ਬਣਾਈ ਰੱਖਣਾ ਜਰੂਰੀ ਹੁੰਦਾ ਹੈ। ਪਰ ਸਭ ਤੋਂ ਵੱਧ ਜ਼ਰੂਰੀ ਹੁੰਦਾ ਹੈ ਆਪਣੀ ਖੁਰਾਕ ਵਿੱਚ ਪੌਸ਼ਟਿਕ ਤੱਤਾਂ ਨੂੰ ਸ਼ਾਮਿਲ ਕਰਨਾ। ਅਜਿਹੇ 'ਚ ਅੱਜ ਅਸੀਂ ਤੁਹਾਨੂੰ ਮਦੀਰਾ ਦੇ ਆਟੇ ਤੋਂ ਬਣੇ ਪੌਸ਼ਟਿਕ ਉਤਪਾਦ ਬਣਾਉਣ ਬਾਰੇ ਦੱਸਣ ਜਾ ਰਹੇ ਹਾਂ।

ਮਦੀਰਾ ਦੇ ਆਟੇ ਤੋਂ ਬਣਾਓ ਪੌਸ਼ਟਿਕ ਉਤਪਾਦ

ਮਦੀਰਾ ਪਾਪੜ

ਪ੍ਰੋਟੀਨ ਅਤੇ ਫਾਈਬਰ ਨਾਲ ਭਰਪੂਰ ਕਰਿਸਪੀ ਮਦੀਰਾ ਪਾਪੜ ਘਰ ਵਿੱਚ ਆਸਾਨੀ ਨਾਲ ਤਿਆਰ ਕੀਤਾ ਜਾ ਸਕਦਾ ਹੈ।

ਸਮੱਗਰੀ - ਮਦੀਰਾ ਦਾ ਆਟਾ - 500 ਗ੍ਰਾਮ, ਉੜਦ ਦੀ ਦਾਲ ਦਾ ਆਟਾ - 450 ਗ੍ਰਾਮ, ਜੀਰਾ - 50 ਗ੍ਰਾਮ, ਨਮਕ - 50 ਗ੍ਰਾਮ, ਖਾਣ ਦਾ ਸੋਡਾ - 50 ਗ੍ਰਾਮ

ਪਾਪੜ ਬਣਾਉਣ ਦੀ ਵਿਧੀ

1. ਮਦੀਰਾ ਦਾ ਆਟਾ, ਉੜਦ ਦਾਲ ਦਾ ਆਟਾ, ਨਮਕ, ਜੀਰਾ ਅਤੇ ਬੇਕਿੰਗ ਸੋਡਾ ਨੂੰ ਇਕਸਾਰ ਹੋਣ ਤੱਕ ਮਿਲਾਓ।
2. ਪਾਣੀ ਦੀ ਮਦਦ ਨਾਲ ਆਟੇ ਨੂੰ ਕੱਸ ਕੇ ਗੁੰਨੋ।
3. ਛੋਟੀਆਂ-ਛੋਟੀਆਂ ਪੇੜੇ ਬਣਾਓ ਅਤੇ ਚਕਲੇ ਵੇਲਣੇ ਦੀ ਮਦਦ ਨਾਲ ਉਨ੍ਹਾਂ ਨੂੰ ਪਤਲੇ ਰੂਪ ਵਿੱਚ ਰੋਲ ਕਰੋ।
4. ਹੁਣ ਇਨ੍ਹਾਂ ਨੂੰ ਛਾਂ ਵਿੱਚ ਸੁਕਾ ਕੇ ਸਟੋਰ ਕਰੋ।

ਇਹ ਵੀ ਪੜ੍ਹੋ: Millet Recipe: ਇਸ ਆਟੇ ਵਿੱਚ ਹਨ ਪੌਸ਼ਟਿਕ ਤੱਤ, ਜਾਣੋ ਬਿਸਕੁਟ-ਚਿਪਸ ਬਣਾਉਣ ਦੇ ਆਸਾਨ ਤਰੀਕੇ

ਮਦੀਰਾ ਦੇ ਪਕੌੜੇ

ਹੋਰ ਪਕੌੜਿਆਂ ਦੇ ਵਾਂਗ ਮਦੀਰਾ ਦੇ ਪਕੌੜਿਆਂ ਨੂੰ ਮਸਾਲੇ ਦੇ ਨਾਲ ਚੰਗੀ ਤਰ੍ਹਾਂ ਰਲਾ-ਮਿਲਾ ਕੇ ਤਿਆਰ ਕੀਤਾ ਜਾਂਦਾ ਹੈ ਅਤੇ ਫਿਰ ਤੇਲ ਵਿੱਚ ਤਲਿਆ ਜਾਂਦਾ ਹੈ ਅਤੇ ਇਹ ਪਕੌੜੇ ਖਾਣ ਵਿੱਚ ਸਵਾਦਿਸ਼ਟ ਅਤੇ ਸਿਹਤਮੰਦ ਹੁੰਦੇ ਹਨ।

ਸਮੱਗਰੀ - ਮਦੀਰਾ ਦਾ ਆਟਾ - 750 ਗ੍ਰਾਮ, ਕੱਟਿਆ ਪਿਆਜ਼ - 150 ਗ੍ਰਾਮ, ਕੱਟੀ ਹੋਈ ਹਰੀ ਮਿਰਚ - 50 ਗ੍ਰਾਮ, ਜੀਰਾ - 30 ਗ੍ਰਾਮ, ਕੜ੍ਹੀ ਪੱਤਾ - 20 ਗ੍ਰਾਮ, ਨਮਕ - ਸੁਆਦ ਅਨੁਸਾਰ, ਪਾਣੀ - ਲੋੜ ਅਨੁਸਾਰ, ਤੇਲ - ਤਲ਼ਣ ਲਈ

ਪਕੌੜੇ ਬਣਾਉਣ ਦੀ ਵਿਧੀ

1. ਮਦੀਰਾ ਦਾ ਆਟਾ, ਕੱਟਿਆ ਹੋਇਆ ਪਿਆਜ਼, ਕੱਟੀ ਹੋਈ ਹਰੀ ਮਿਰਚ, ਜੀਰਾ, ਕੜ੍ਹੀ ਪੱਤਾ ਅਤੇ ਨਮਕ ਨੂੰ ਪਾਣੀ ਨਾਲ ਮਿਲਾ ਕੇ ਇੱਕ ਮੋਟਾ ਘੋਲ ਤਿਆਰ ਕਰੋ।
2. ਇਕ ਪੈਨ ਵਿੱਚ ਤੇਲ ਗਰਮ ਕਰੋ ਅਤੇ ਪਕੌੜਿਆਂ ਨੂੰ ਫ੍ਰਾਈ ਕਰੋ ਅਤੇ ਉਨ੍ਹਾਂ ਨੂੰ ਬਾਹਰ ਕੱਢ ਲਓ।

ਇਹ ਵੀ ਪੜ੍ਹੋ: ਆਓ ਬਣਾਈਏ ਪੌਸ਼ਟਿਕ ਅਤੇ ਸਵਾਦਿਸ਼ਟ ਬਾਜਰੇ ਦੇ ਅੱਪੇ, ਨਾਸ਼ਤੇ ਲਈ ਹੋ ਜਾਣਗੇ ਫਟਾਫਟ ਤਿਆਰ

ਮਦੀਰਾ ਦੀ ਖੀਰ

ਮਦੀਰਾ ਤੋਂ ਮਿੱਠੇ ਪਕਵਾਨ ਵੀ ਤਿਆਰ ਕੀਤੇ ਜਾ ਸਕਦੇ ਹਨ। ਜਿਸ ਵਿੱਚ ਮਦੀਰਾ ਦੇ ਚੌਲਾਂ ਦਾ ਹਲਵਾ ਬਹੁਤ ਹੀ ਸਵਾਦਿਸ਼ਟ ਮਠਿਆਈ ਹੈ। ਆਮ ਚਾਵਲਾਂ ਦੀ ਖੀਰ ਦੇ ਮੁਕਾਬਲੇ ਇਸ ਨੂੰ ਤਿਆਰ ਕਰਨ ਵਿੱਚ ਬਹੁਤ ਘੱਟ ਸਮਾਂ ਲੱਗਦਾ ਹੈ, ਪਰ ਸਵਾਦ ਵਿੱਚ ਇਸ ਦੀ ਖੀਰ ਚੌਲਾਂ ਦੀ ਖੀਰ ਦੇ ਬਰਾਬਰ ਹੁੰਦੀ ਹੈ।

ਸਮੱਗਰੀ - ਮਦੀਰਾ ਦੇ ਚਾਵਲ - 300 ਗ੍ਰਾਮ, ਗੁੜ - 300 ਗ੍ਰਾਮ, ਇਲਾਇਚੀ ਪਾਊਡਰ - 20 ਗ੍ਰਾਮ, ਕਾਜੂ - 50 ਗ੍ਰਾਮ, ਸੌਗੀ - 50 ਗ੍ਰਾਮ, ਘਿਓ - 80 ਗ੍ਰਾਮ, ਦੁੱਧ - 750 ਮਿ.ਲੀ.

ਮਦੀਰਾ ਦੀ ਖੀਰ ਬਣਾਉਣ ਦੀ ਵਿਧੀ

1. ਗੈਸ 'ਤੇ ਦੁੱਧ ਨੂੰ 10 ਮਿੰਟ ਤੱਕ ਉਬਾਲੋ
2. ਦੁੱਧ 'ਚ ਮਦੀਰਾ ਦੇ ਚੌਲ ਅਤੇ ਗੁੜ ਮਿਲਾ ਕੇ 10 ਤੋਂ 15 ਮਿੰਟ ਤੱਕ ਪਕਾਓ।
3. ਕਾਜੂ ਅਤੇ ਸੌਗੀ ਨੂੰ ਘਿਓ 'ਚ ਫ੍ਰਾਈ ਕਰੋ
4. ਹੁਣ ਪਕਾਈ ਹੋਈ ਖੀਰ 'ਚ ਇਲਾਇਚੀ ਪਾਊਡਰ, ਭੁੰਨੇ ਹੋਏ ਕਾਜੂ ਅਤੇ ਸੌਗੀ ਪਾਓ।

ਇਸ ਤਰ੍ਹਾਂ ਮਡੁਵਾ ਅਤੇ ਮਦੀਰਾ ਤੋਂ ਵੱਖ-ਵੱਖ ਤਰ੍ਹਾਂ ਦੇ ਸੁਆਦੀ ਪਕਵਾਨ ਤਿਆਰ ਕੀਤੇ ਜਾ ਸਕਦੇ ਹਨ, ਜੋ ਨਾ ਸਿਰਫ਼ ਪੇਂਡੂ ਖੇਤਰਾਂ ਵਿੱਚ ਸਗੋਂ ਸ਼ਹਿਰੀ ਖੇਤਰਾਂ ਵਿੱਚ ਵੀ ਆਮਦਨ ਦਾ ਸਾਧਨ ਬਣ ਸਕਦੇ ਹਨ। ਇਸ ਤਰ੍ਹਾਂ ਮਡੁਵਾ ਅਤੇ ਮਦੀਰਾ ਨੂੰ ਸਾਡੇ ਭੋਜਨ ਵਿੱਚੋਂ ਅਲੋਪ ਹੋਣ ਤੋਂ ਬਚਾਇਆ ਜਾ ਸਕਦਾ ਹੈ ਤਾਂ ਜੋ ਆਉਣ ਵਾਲੇ ਸਮੇਂ ਵਿੱਚ ਇਨ੍ਹਾਂ ਦੇ ਸੁਆਦ ਅਤੇ ਪੌਸ਼ਟਿਕ ਗੁਣਾਂ ਨੂੰ ਨਵੀਂ ਪੀੜ੍ਹੀ ਤੱਕ ਪਹੁੰਚਾਇਆ ਜਾ ਸਕੇ।