1. Home
  2. ਖਬਰਾਂ

Good News: PAU ਨੂੰ Gluten Free ਅਨਾਜ ਦੀ ਆਟਾ ਰਚਨਾ 'ਤੇ ਮਿਲਿਆ ਪੇਟੈਂਟ

PAU ਨੂੰ ਭਾਰਤ ਸਰਕਾਰ ਦੇ ਭਾਰਤੀ ਪੇਟੈਂਟ ਦਫ਼ਤਰ ਵੱਲੋਂ ਗਲੂਟਨ ਮੁਕਤ ਅਨਾਜ ਦੇ ਆਟੇ ਦੀ ਰਚਨਾ 'ਤੇ ਪੇਟੈਂਟ ਪ੍ਰਦਾਨ ਕੀਤਾ ਗਿਆ ਹੈ।

Gurpreet Kaur Virk
Gurpreet Kaur Virk
ਗਲੂਟਨ ਮੁਕਤ ਅਨਾਜ ਦੀ ਆਟਾ ਰਚਨਾ 'ਤੇ ਭਾਰਤੀ ਪੇਟੈਂਟ

ਗਲੂਟਨ ਮੁਕਤ ਅਨਾਜ ਦੀ ਆਟਾ ਰਚਨਾ 'ਤੇ ਭਾਰਤੀ ਪੇਟੈਂਟ

Indian Patent on Gluten Free Cereal: ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ (Punjab Agricultural University) ਨੂੰ ਭਾਰਤੀ ਪੇਟੈਂਟ ਦਫਤਰ, ਭਾਰਤ ਸਰਕਾਰ ਦੁਆਰਾ ਗਲੂਟਨ ਮੁਕਤ ਅਨਾਜ ਦੀ ਆਟਾ ਰਚਨਾ 'ਤੇ ਇੱਕ ਭਾਰਤੀ ਪੇਟੈਂਟ ਪ੍ਰਦਾਨ ਕੀਤਾ ਗਿਆ ਹੈ।

ਤੁਹਾਨੂੰ ਦੱਸ ਦੇਈਏ ਕਿ ਪੇਟੈਂਟ ਨੂੰ 10 ਫਰਵਰੀ, 2023 ਨੂੰ ਪੇਟੈਂਟ ਐਕਟ 1970 ਦੇ ਉਪਬੰਧਾਂ ਦੇ ਅਨੁਸਾਰ ਫਾਈਲ ਕਰਨ ਦੀ ਮਿਤੀ (20 ਮਾਰਚ, 2015) ਤੋਂ 20 ਸਾਲਾਂ ਦੀ ਮਿਆਦ ਲਈ ਦਿੱਤਾ ਗਿਆ ਹੈ। ਇਸ ਪੇਟੈਂਟ ਪ੍ਰਕਿਰਿਆ ਦੀ ਖੋਜ ਡਾ. ਅਮਰਜੀਤ ਕੌਰ, ਸਾਬਕਾ ਸੀਨੀਅਰ ਮਿਲਿੰਗ ਟੈਕਨਾਲੋਜਿਸਟ ਅਤੇ ਉਨ੍ਹਾਂ ਦੀ ਵਿਦਿਆਰਥਣ, ਪੀਏਯੂ ਦੇ ਫੂਡ ਸਾਇੰਸ ਅਤੇ ਤਕਨਾਲੋਜੀ ਵਿਭਾਗ ਤੋਂ ਡਾ. ਨਿਸ਼ਾ ਛਾਬੜਾ ਦੁਆਰਾ ਕੀਤੀ ਗਈ ਹੈ।

ਇਸ ਮੌਕੇ ਡਾ. ਅਮਰਜੀਤ ਕੌਰ ਨੇ ਕਿਹਾ ਕਿ ਗਲੂਟਨ ਮੁਕਤ ਖੁਰਾਕ ਨਾ ਸਿਰਫ਼ ਸੇਲੀਏਕ ਮਰੀਜ਼ਾਂ ਦੀ ਜ਼ਰੂਰਤ ਹੈ, ਸਗੋਂ ਇਹ ਸਿਹਤ ਪ੍ਰਤੀ ਜਾਗਰੂਕ ਲੋਕਾਂ ਦੀ ਵੀ ਪਸੰਦ ਹੈ।

ਇਹ ਵੀ ਪੜ੍ਹੋ: ਪੋਟ-ਅਧਾਰਤ ਹਾਈਬ੍ਰਿਡ ਹਾਈਡ੍ਰੋਪੋਨਿਕ ਤਕਨਾਲੋਜੀ ਲਈ ਪੀਏਯੂ ਨੇ ਹਾਸਲ ਕੀਤਾ ਨੈਸ਼ਨਲ ਪੇਟੈਂਟ

ਹਾਲਾਂਕਿ, ਮੁੱਖ ਚੁਣੌਤੀ ਗਲੂਟਨ ਮੁਕਤ ਫਾਰਮੂਲੇਸ਼ਨ ਵਿਕਸਿਤ ਕਰਨਾ ਹੈ, ਜਿਸ ਵਿੱਚ ਕਣਕ ਦੇ ਆਟੇ ਦੇ ਗੁਣਾਂ ਦੇ ਸਮਾਨ ਤਕਨੀਕੀ ਵਿਸ਼ੇਸ਼ਤਾਵਾਂ ਹਨ, ਉਨ੍ਹਾਂ ਨੇ ਦੇਖਿਆ। “ਇਹ ਕਾਢ ਰੋਲਏਬਲ ਚਪਾਤੀ ਦੀ ਸੌਖੀ ਤਿਆਰੀ ਲਈ ਗਲੂਟਨ ਮੁਕਤ ਅਨਾਜ, ਖਾਸ ਕਰਕੇ ਮੱਕੀ ਵਰਗੇ ਅਨਾਜ ਦੇ ਤਿਆਰ ਆਟੇ ਦੀ ਰਚਨਾ ਦੇ ਵਿਕਾਸ ਲਈ ਤਕਨਾਲੋਜੀ ਦਾ ਖੁਲਾਸਾ ਕਰਦੀ ਹੈ।

ਉਨ੍ਹਾਂ ਨੇ ਅੱਗੇ ਕਿਹਾ ਕਿ ਆਟੇ ਦੀ ਰਚਨਾ ਵਿੱਚ ਵਿਸਕੋਇਲੇਸਟਿਕ ਗੁਣਾਂ, ਪੌਸ਼ਟਿਕ ਅਤੇ ਟੈਕਸਟਲ ਵਿਸ਼ੇਸ਼ਤਾਵਾਂ ਦੇ ਰੂਪ ਵਿੱਚ ਵਧੇ ਹੋਏ ਗੁਣ ਹਨ,”।

ਇਹ ਵੀ ਪੜ੍ਹੋ: PAU ਅਤੇ GADVASU Teachers Union ਵੱਲੋਂ ਤਿੱਖਾ ਸੰਘਰਸ਼, ਪਸ਼ੂ ਪਾਲਕ ਪਰੇਸ਼ਾਨ

ਇਸ ਮੌਕੇ ਪੀਏਯੂ ਦੇ ਵਾਈਸ-ਚਾਂਸਲਰ ਡਾ. ਸਤਬੀਰ ਸਿੰਘ ਗੋਸਲ, ਖੋਜ ਨਿਰਦੇਸ਼ਕ ਡਾ. ਏ.ਐਸ. ਢੱਟ, ਪੋਸਟ ਗ੍ਰੈਜੂਏਟ ਸਟੱਡੀਜ਼ ਦੇ ਡੀਨ ਡਾ. ਪੀ.ਕੇ. ਛੁਨੇਜਾ, ਖੇਤੀਬਾੜੀ ਕਾਲਜ ਦੇ ਡੀਨ ਡਾ. ਐਮ.ਆਈ.ਐਸ. ਗਿੱਲ ਅਤੇ ਵਿਭਾਗ ਦੀ ਮੁਖੀ ਡਾ. ਸਵਿਤਾ ਸ਼ਰਮਾ ਨੇ ਪੇਟੈਂਟ ਪ੍ਰਕਿਰਿਆ ਦੇ ਖੋਜਕਰਤਾਵਾਂ ਨੂੰ ਵਧਾਈ ਦਿੱਤੀ।

ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਲੁਧਿਆਣਾ ਦੀ ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ (Punjab Agricultural University) ਨੇ ਰਾਸ਼ਟਰੀ ਪੇਟੈਂਟ (National patent) ਪ੍ਰਾਪਤ ਕਰਕੇ ਪੂਰੇ ਦੇਸ਼ `ਚ ਨਾਮਣਾ ਖੱਟਿਆ ਸੀ।

Summary in English: Good News: PAU got patent on gluten free cereal flour composition

ਸਾਡੇ ਨਿਉਜ਼ਲੈਟਰ ਦੇ ਗਾਹਕ ਬਣੋ। ਖੇਤੀਬਾੜੀ ਨਾਲ ਜੁੜੀਆਂ ਦੇਸ਼ ਭਰ ਦੀਆਂ ਸਾਰੀਆਂ ਤਾਜ਼ਾ ਖ਼ਬਰਾਂ ਮੇਲ 'ਤੇ ਪੜ੍ਹਨ ਲਈ ਸਾਡੇ ਨਿਉਜ਼ਲੈਟਰ ਦੇ ਗਾਹਕ ਬਣੋ।

Subscribe Newsletters