1. Home
  2. ਖਬਰਾਂ

GOVT JOBS: 5 ਸਰਕਾਰੀ ਵਿਭਾਗਾਂ `ਚ ਨੌਕਰੀ ਕਰਨ ਦਾ ਚੰਗਾ ਮੌਕਾ, ਬਿਨਾ ਦੇਰੀ ਕੀਤੇ ਅਰਜ਼ੀ ਪਾਓ!

ਸਰਕਾਰੀ ਨੌਕਰੀਆਂ ਦੀ ਤਲਾਸ਼ ਕਰ ਰਹੇ ਨੌਜਵਾਨਾਂ ਲਈ ਖੁਸ਼ਖਬਰੀ, ਇਨ੍ਹਾਂ ਨੌਕਰੀਆਂ ਰਾਹੀਂ ਕਮਾ ਸਕਦੇ ਹੋ 1 ਲੱਖ ਰੁਪਏ....

Priya Shukla
Priya Shukla
5 ਸਰਕਾਰੀ ਵਿਭਾਗਾਂ `ਚ ਨੌਕਰੀ

5 ਸਰਕਾਰੀ ਵਿਭਾਗਾਂ `ਚ ਨੌਕਰੀ

ਸਰਕਾਰੀ ਨੌਕਰੀ ਹਰ ਕਿਸੇ ਦੀ ਪਹਿਲੀ ਪਸੰਦ ਹੁੰਦੀ ਹੈ। ਲੋਕਾਂ ਦੀ ਇਸ ਇੱਛਾ ਨੂੰ ਪੂਰਾ ਕਰਨ ਦੇ ਲਈ ਸਰਕਾਰ ਵੀ ਪੂਰਾ ਯੋਗਦਾਨ ਪਾਉਂਦੀ ਹੈ, ਜਿਸਦੇ ਚਲਦਿਆਂ ਸਰਕਾਰ ਆਏ ਦਿਨ ਵੱਖੋ-ਵੱਖਰੇ ਮਹਿਕਮਿਆਂ `ਚ ਨੌਕਰੀਆਂ ਦੇ ਮੌਕੇ ਕੱਢਦੀ ਰਹਿੰਦੀ ਹੈ। ਅੱਜ ਇਸ ਲੇਖ `ਚ ਅਸੀਂ ਤੁਹਾਨੂੰ ਅਜਿਹੀਆਂ ਹੀ ਕੁਝ ਨੌਕਰੀਆਂ ਦਾ ਵੇਰਵਾ ਦੱਸਣ ਜਾ ਰਹੇ ਹਾਂ। 

ਇਸ ਵਾਰ ਸਰਕਾਰ ਨੇ 5 ਮਹਿਕਮਿਆਂ `ਚ ਸਰਕਾਰੀ ਨੌਕਰੀਆਂ ਜਾਰੀ ਕੀਤੀਆਂ ਹਨ। ਇਹ ਮਹਿਕਮੇ ਹਨ ਏਮਜ਼, ਡੀ.ਆਰ.ਡੀਓ, ਫੂਡ ਕਾਰਪੋਰੇਸ਼ਨ ਆਫ਼ ਇੰਡੀਆ, ਐਸ.ਬੀ.ਆਈ ਤੇ ਭਾਰਤ ਇਲੈਕਟ੍ਰਾਨਿਕਸ ਲਿਮਿਟੇਡ। ਇਨ੍ਹਾਂ ਨੌਕਰੀਆਂ ਨੂੰ ਹਾਸਿਲ ਕਰਕੇ ਤੁਸੀਂ ਪ੍ਰਤੀ ਮਹੀਨਾ 1 ਲੱਖ ਰੁਪਏ ਤੱਕ ਕਮਾ ਸਕਦੇ ਹੋ। ਇਨ੍ਹਾਂ ਨੌਕਰੀਆਂ ਦੀ ਵਧੇਰੇ ਜਾਣਕਾਰੀ ਲਈ ਲੇਖ ਪੜ੍ਹੋ। 

ਨੌਕਰੀਆਂ ਦੇ ਮਹਿਕਮੇ:

1. ਭਾਰਤ ਇਲੈਕਟ੍ਰਾਨਿਕਸ ਲਿਮਿਟੇਡ (BEL):

● BEL ਰੱਖਿਆ ਮੰਤਰਾਲੇ (Ministry of Defence) ਦੇ ਅਧੀਨ ਇੱਕ ਸਰਕਾਰੀ ਉੱਦਮ (Enterprise) ਹੈ।

● ਇਸ ਮਹਿਕਮੇ `ਚ ਟੈਕਨੀਸ਼ੀਅਨ, ਅਸਿਸਟੈਂਟ ਇੰਜੀਨੀਅਰ ਸਮੇਤ ਕੁੱਲ 21 ਅਸਾਮੀਆਂ ਕੱਢੀਆਂ ਗਈਆਂ ਹਨ।

● ਇਨ੍ਹਾਂ ਅਹੁਦਿਆਂ ਲਈ ਅਪਲਾਈ ਕਰਨ ਦੀ ਆਖਰੀ ਮਿਤੀ 23 ਸਤੰਬਰ ਹੈ। 

● ਚੁਣੇ ਗਏ ਉਮੀਦਵਾਰਾਂ ਨੂੰ ਉਨ੍ਹਾਂ ਦੇ ਅਹੁਦੇ ਦੇ ਹਿਸਾਬ ਨਾਲ ਵੱਧ ਤੋਂ ਵੱਧ 90 ਹਜ਼ਾਰ ਰੁਪਏ ਤੱਕ ਦੀ ਮਹੀਨਾਵਾਰ ਤਨਖ਼ਾਹ ਦਿੱਤੀ ਜਾਵੇਗੀ।

2. ਏਮਜ਼ (AIIMS):

● ''ਆਲ ਇੰਡੀਆ ਇੰਸਟੀਚਿਊਟ ਆਫ਼ ਮੈਡੀਕਲ ਸਾਇੰਸਿਜ਼'' ਰਿਸ਼ੀਕੇਸ਼ ਨੇ ਕਲੀਨਿਕਲ ਇੰਸਟ੍ਰਕਟਰ (Clinical Instructor) ਦੀਆਂ ਕੁੱਲ 33 ਅਸਾਮੀਆਂ ਲਈ ਅਰਜ਼ੀਆਂ ਮੰਗੀਆਂ ਹਨ।

● ਇਨ੍ਹਾਂ ਅਸਾਮੀਆਂ ਲਈ ਅਪਲਾਈ ਕਰਨ ਦੀ ਪ੍ਰਕਿਰਿਆ 1 ਸਤੰਬਰ ਤੋਂ ਸ਼ੁਰੂ ਹੋ ਗਈ ਹੈ ਜੋ ਕਿ 15 ਅਕਤੂਬਰ 2022 ਤੱਕ ਚੱਲੇਗੀ।

● ਇਸ ਦੇ ਨਾਲ ਹੀ ਇਨ੍ਹਾਂ ਅਸਾਮੀਆਂ 'ਤੇ ਚੁਣੇ ਗਏ ਉਮੀਦਵਾਰਾਂ ਨੂੰ ਵੱਧ ਤੋਂ ਵੱਧ 39,100 ਰੁਪਏ ਪ੍ਰਤੀ ਮਹੀਨਾ ਤਨਖ਼ਾਹ ਦਿੱਤੀ ਜਾਵੇਗੀ।

3. ਡੀ.ਆਰ.ਡੀ.ਓ (DRDO):

● ''ਡਿਫੈਂਸ ਰਿਸਰਚ ਐਂਡ ਡਿਵੈਲਪਮੈਂਟ ਆਰਗੇਨਾਈਜ਼ੇਸ਼ਨ'' ਵੱਲੋਂ ਸੀਨੀਅਰ ਟੈਕਨੀਕਲ ਅਸਿਸਟੈਂਟ ਬੀ ਤੇ ਟੈਕਨੀਕਲ ਏ ਦੀਆਂ ਕੁੱਲ 1901 ਅਸਾਮੀਆਂ ਜਾਰੀ ਕੀਤੀਆਂ ਗਈਆਂ ਹਨ।

● ਇਨ੍ਹਾਂ ਅਸਾਮੀਆਂ 'ਤੇ ਚੁਣੇ ਗਏ ਉਮੀਦਵਾਰਾਂ ਨੂੰ 63,200 ਰੁਪਏ ਤੋਂ 1,12,400 ਰੁਪਏ ਪ੍ਰਤੀ ਮਹੀਨਾ ਤਨਖ਼ਾਹ ਦਿੱਤੀ ਜਾਵੇਗੀ।

ਇਹ ਵੀ ਪੜ੍ਹੋ : ਕਿਸਾਨ ਦਾ ਰਾਸ਼ਟਰੀ ਪੱਧਰ ’ਤੇ ਸਨਮਾਨ, 'ਫਾਰਮਰ ਫਸਟ ਪ੍ਰਾਜੈਕਟ' ਰਾਹੀਂ ਮਿਲੀ ਸਫਲਤਾ

4. ਫੂਡ ਕਾਰਪੋਰੇਸ਼ਨ ਆਫ ਇੰਡੀਆ (FCI):

● FCI ਨੇ ਇੰਜੀਨੀਅਰਾਂ ਤੇ ਜੂਨੀਅਰ ਇੰਜੀਨੀਅਰਾਂ ਦੀਆਂ ਕੁੱਲ 5043 ਅਸਾਮੀਆਂ ਲਈ ਅਰਜ਼ੀਆਂ ਮੰਗੀਆਂ ਹਨ।

● ਇਨ੍ਹਾਂ ਅਹੁਦਿਆਂ ਲਈ 28 ਸਾਲ ਤੱਕ ਦੇ ਉਮੀਦਵਾਰ ਅਪਲਾਈ ਕਰ ਸਕਦੇ ਹਨ।

● ਇਸ ਦੇ ਨਾਲ ਹੀ ਇਨ੍ਹਾਂ ਅਸਾਮੀਆਂ 'ਤੇ ਚੁਣੇ ਗਏ ਉਮੀਦਵਾਰਾਂ ਨੂੰ ਵੱਧ ਤੋਂ ਵੱਧ 1,03,400 ਰੁਪਏ ਪ੍ਰਤੀ ਮਹੀਨਾ ਤਨਖ਼ਾਹ ਦਿੱਤੀ ਜਾਵੇਗੀ। 

5. ਸਟੇਟ ਬੈਂਕ ਆਫ਼ ਇੰਡੀਆ (SBI):

● ਸਟੇਟ ਬੈਂਕ ਆਫ਼ ਇੰਡੀਆ `ਚ ਕਲਰਕਾਂ ਦੀਆਂ ਕੁੱਲ 5008 ਅਸਾਮੀਆਂ ਕੱਢੀਆਂ ਗਈਆਂ ਹਨ।

● ਇਨ੍ਹਾਂ ਕਲਰਕਾਂ ਦੀ ਪੋਸਟਿੰਗ ਦੇਸ਼ ਦੇ ਵੱਖੋ-ਵੱਖਰੇ ਹਿੱਸਿਆਂ `ਚ ਕੀਤੀ ਜਾਵੇਗੀ। 

● ਇਨ੍ਹਾਂ ਅਸਾਮੀਆਂ `ਤੇ ਅਪਲਾਈ ਕਰਨ ਦੀ ਆਖ਼ਰੀ ਤਰੀਕ 27 ਸਤੰਬਰ 2022 ਹੈ। 

● ਇਸ ਅਹੁਦੇ ਲਈ 20 ਤੋਂ 28 ਸਾਲ ਤੱਕ ਦੇ ਉਮੀਦਵਾਰ ਅਪਲਾਈ ਕਰ ਸਕਦੇ ਹਨ।

● ਇਸ ਦੇ ਨਾਲ ਹੀ ਚੁਣੇ ਗਏ ਉਮੀਦਵਾਰਾਂ ਨੂੰ ਵੱਧ ਤੋਂ ਵੱਧ 47,920 ਰੁਪਏ ਤਨਖ਼ਾਹ ਦਿੱਤੀ ਜਾਵੇਗੀ।

Summary in English: Good opportunity to get a job in 5 government departments, apply without delay!

Like this article?

Hey! I am Priya Shukla. Did you liked this article and have suggestions to improve this article? Mail me your suggestions and feedback.

ਸਾਡੇ ਨਿਉਜ਼ਲੈਟਰ ਦੇ ਗਾਹਕ ਬਣੋ। ਖੇਤੀਬਾੜੀ ਨਾਲ ਜੁੜੀਆਂ ਦੇਸ਼ ਭਰ ਦੀਆਂ ਸਾਰੀਆਂ ਤਾਜ਼ਾ ਖ਼ਬਰਾਂ ਮੇਲ 'ਤੇ ਪੜ੍ਹਨ ਲਈ ਸਾਡੇ ਨਿਉਜ਼ਲੈਟਰ ਦੇ ਗਾਹਕ ਬਣੋ।

Subscribe Newsletters