ਪੀਏਯੂ ਵੱਲੋਂ ਸੇਬਾਂ ਦੀਆਂ 2 ਨਵੀਆਂ ਕਿਸਮਾਂ ਵਿਕਸਿਤ
Good News for Punjab Farmers: ਹੁਣ ਪੰਜਾਬ ਦੇ ਕਿਸਾਨ ਵੀ ਸੇਬਾਂ ਦੀ ਖੇਤੀ ਕਰ ਸਕਣਗੇ। ਦਰਅਸਲ, ਪੀਏਯੂ ਨੇ ਸੇਬ ਦੀਆਂ 2 ਨਵੀਆਂ ਕਿਸਮਾਂ ਵਿਕਸਿਤ ਕੀਤੀਆਂ ਹਨ, ਜਿਨ੍ਹਾਂ ਨੂੰ 37 ਡਿਗਰੀ ਸੈਲਸੀਅਸ ਤਾਪਮਾਨ ਵਿੱਚ ਆਸਾਨੀ ਨਾਲ ਉਗਾਇਆ ਜਾ ਸਕਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਗੁਣਵੱਤਾ ਦੇ ਲਿਹਾਜ਼ ਨਾਲ ਇਹ ਸੇਬ ਹਿਮਾਚਲ ਅਤੇ ਕਸ਼ਮੀਰੀ ਸੇਬ ਵਰਗਾ ਹੈ।
ਇਸ ਗੱਲ ਤਾਂ ਸਭ ਚੰਗੀ ਤਰ੍ਹਾਂ ਜਾਣਦੇ ਹਨ ਕੀ ਸੇਬ ਦਾ ਉਤਪਾਦਨ ਭਾਰਤ ਵਿੱਚ ਵੱਡੇ ਪੱਧਰ 'ਤੇ ਹੁੰਦਾ ਹੈ। ਇਸ ਦੇ ਲਈ ਠੰਡੇ ਮੌਸਮ ਵਾਲੇ ਖੇਤਰ ਲਾਭਦਾਇਕ ਮੰਨੇ ਜਾਂਦੇ ਹਨ। ਪਰ ਗਰਮ ਤਾਪਮਾਨ ਵਾਲੇ ਮੈਦਾਨੀ ਅਤੇ ਇਲਾਕਿਆਂ ਦੇ ਕਿਸਾਨ ਹਮੇਸ਼ਾ ਸੇਬਾਂ ਦੀ ਕਾਸ਼ਤ ਕਰਨਾ ਚਾਹੁੰਦੇ ਸਨ, ਜਿਸ ਨੂੰ ਹੁਣ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ (Punjab Agricultural University) ਨੇ ਪੂਰਾ ਕਰ ਦਿੱਤਾ ਹੈ।
ਦੱਸ ਦੇਈਏ ਕਿ ਪੰਜਾਬ ਖੇਤੀਬਾੜੀ ਯੂਨੀਵਰਸਿਟੀ (Punjab Agricultural University) ਨੇ ਸੇਬ ਦੀਆਂ 2 ਅਜਿਹੀਆਂ ਕਿਸਮਾਂ ਵਿਕਸਤ ਕੀਤੀਆਂ ਹਨ, ਜੋ ਮੈਦਾਨੀ ਇਲਾਕਿਆਂ ਦੇ ਗਰਮ ਅਤੇ ਉੱਚ ਤਾਪਮਾਨ ਵਾਲੇ ਖੇਤਰਾਂ ਵਿੱਚ ਉਗਾਈਆਂ ਜਾ ਸਕਦੀਆਂ ਹਨ।
ਇਹ ਵੀ ਪੜ੍ਹੋ : New Varieties: PAU ਨੇ 18 ਨਵੀਆਂ ਕਿਸਮਾਂ ਕੀਤੀਆਂ ਵਿਕਸਿਤ, ਸਿਫ਼ਾਰਸ਼ ਕਿਸਮਾਂ ਜਾਨਣ ਲਈ ਲੇਖ ਪੜੋ
37 ਡਿਗਰੀ ਤਾਪਮਾਨ ਨੂੰ ਝੱਲਣ ਦੇ ਸਮਰੱਥ
ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਨੇ ਸੇਬ ਦੀਆਂ 2 ਕਿਸਮਾਂ ਅੰਨਾ ਅਤੇ ਡੋਰਸੈੱਟ ਗੋਲਡਨ ਵਿਕਸਿਤ ਕੀਤੀਆਂ ਹਨ। ਇਸ ਨੂੰ 9 ਸਾਲਾਂ ਦੀ ਖੋਜ ਅਤੇ ਪ੍ਰੀਖਣ ਤੋਂ ਬਾਅਦ ਜਾਰੀ ਕੀਤਾ ਗਿਆ ਹੈ। ਖਾਸ ਗੱਲ ਇਹ ਹੈ ਕਿ ਇਹ ਦੋਵੇਂ ਕਿਸਮਾਂ ਗਰਮ ਅਤੇ ਮੈਦਾਨੀ ਖੇਤਰਾਂ ਲਈ ਵਿਕਸਿਤ ਕੀਤੀਆਂ ਗਈਆਂ ਹਨ। ਸੇਬ ਦੀਆਂ ਇਹ ਨਵੀਆਂ ਕਿਸਮਾਂ 35 ਤੋਂ 37 ਡਿਗਰੀ ਤੱਕ ਦੇ ਤਾਪਮਾਨ ਨੂੰ ਝੱਲਣ ਦੇ ਸਮਰੱਥ ਹਨ।
ਬਿਜਾਈ ਤੋਂ ਤਿੰਨ ਸਾਲ ਬਾਅਦ ਫਲ ਲੱਗੇਗਾ
ਪੀਏਯੂ ਵੱਲੋਂ ਵਿਕਸਤ ਕੀਤੀਆਂ ਇਨ੍ਹਾਂ ਕਿਸਮਾਂ ਦੀ ਬਿਜਾਈ ਲਈ ਜਨਵਰੀ ਸਹੀ ਸਮਾਂ ਹੈ। ਇਸ ਤੋਂ ਬਾਅਦ ਮਾਰਚ ਤੋਂ ਜੂਨ ਤੱਕ ਹਲਕੀ ਸਿੰਚਾਈ ਦੀ ਲੋੜ ਪੈਂਦੀ ਹੈ। ਫਿਰ ਤੀਜੇ ਸਾਲ ਤੋਂ ਇਹ ਫਲ ਦੇਣਾ ਸ਼ੁਰੂ ਕਰ ਦਿੰਦਾ ਹੈ। ਅੰਨਾ ਅਤੇ ਡੋਰਸੈੱਟ ਗੋਲਡਨ ਕਿਸਮਾਂ ਮਈ ਵਿੱਚ ਫਲ ਆਉਂਦੀਆਂ ਹਨ ਅਤੇ ਕਿਸਾਨਾਂ ਨੂੰ ਜੂਨ ਦੇ ਪਹਿਲੇ ਹਫ਼ਤੇ ਇਸ ਦੀ ਕਟਾਈ ਕਰ ਲੈਣੀ ਚਾਹੀਦੀ ਹੈ।
ਇਹ ਵੀ ਪੜ੍ਹੋ : ਗੰਨੇ ਦੀਆਂ ਅਗੇਤੀ, ਪਿਛੇਤੀ ਤੇ ਨਵੀਆਂ ਕਿਸਮਾਂ ਦੇਣਗੀਆਂ 600 ਕੁਇੰਟਲ ਤੱਕ ਝਾੜ, ਫਰਵਰੀ-ਮਾਰਚ 'ਚ ਕਰੋ ਕਟਾਈ
ਆਯਾਤ ਕਿਸਮ
ਮੀਡੀਆ ਰਿਪੋਰਟਾਂ ਅਨੁਸਾਰ ਪੰਜਾਬ ਐਗਰੀਕਲਚਰਲ ਯੂਨੀਵਰਸਿਟੀ ਨੇ 2013 ਤੋਂ ਹੁਣ ਤੱਕ ਸੇਬ ਦੀਆਂ 29 ਕਿਸਮਾਂ 'ਤੇ ਖੋਜ ਕੀਤੀ ਸੀ, ਜਿਸ ਵਿੱਚ ਕਈ ਕਿਸਮਾਂ ਦੇਸ਼ ਦੇ ਨਾਲ-ਨਾਲ ਵਿਦੇਸ਼ਾਂ ਤੋਂ ਵੀ ਲਿਆਂਦੀਆਂ ਗਈਆਂ ਸਨ।
ਮਿਠਾਸ ਨਾਲ ਭਰਪੂਰ
ਅੰਨਾ ਅਤੇ ਡੋਰਸੈੱਟ ਗੋਲਡਨ ਕਿਸਮਾਂ ਦੀ ਗੁਣਵੱਤਾ ਅਤੇ ਸਵਾਦ ਹਿਮਾਚਲ ਦੇ ਸੇਬਾਂ ਦੇ ਬਰਾਬਰ ਹੈ। ਹਾਲਾਂਕਿ, ਅੰਨਾ ਅਤੇ ਡੋਰਸੈੱਟ ਗੋਲਡਨ ਸੇਬਾਂ ਦਾ ਆਕਾਰ ਕਸ਼ਮੀਰੀ ਅਤੇ ਹਿਮਾਚਲ ਦੇ ਸੇਬਾਂ ਵਰਗਾ ਨਹੀਂ ਹੈ। ਇਸ ਲਈ ਅੰਨਾ ਸੇਬ ਦਾ ਰੰਗ ਹਲਕਾ ਗੁਲਾਬੀ ਹੈ ਅਤੇ ਡੋਰਸੈੱਟ ਗੋਲਡਨ ਕਿਸਮ ਦਾ ਰੰਗ ਸੁਨਹਿਰੀ ਪੀਲਾ ਹੈ।
Summary in English: New Varieties: PAU has developed 2 new varieties of apples, good production will be found in hot areas
