ਸਫਲ ਕਿਸਾਨ: ਖੇਤਾਂ 'ਚ ਇਨ੍ਹਾਂ ਫਸਲਾਂ ਦੀ ਖੇਤੀ ਕਰਕੇ ਵੱਧ ਮੁਨਾਫ਼ਾ ਕਮਾ ਰਿਹਾ ਹੈ ਇਹ ਕਿਸਾਨ ! ਜਾਣੋ ਕਿਵੇਂ

Farmer Is Making More Profits By Cultivating These Crops

ਨੇਚੁਰਲ ਫਾਰਮਿੰਗ(Natural Farming) ਕਰਕੇ ਕਿਸਾਨਾਂ ਨੇ ਆਪਣੀ ਖੇਤੀ ਨੂੰ ਮੁੜ ਉਪਜਾਊ ਬਣਾ ਲਿਆ ਹੈ। ਇਸ ਵਿੱਚ ਕੋਈ ਸ਼ੱਕ ਨਹੀਂ ਕਿ ਕਿਸਾਨ ਨੇਚੁਰਲ ਫਾਰਮਿੰਗ ਨੂੰ ਅਪਣਾ ਕੇ ਆਪਣੀ ਮਿੱਟੀ ਦੀ ਗੁਣਵੱਤਾ (Improve Quality of Soil) ਨੂੰ ਦੁੱਗਣਾ ਕਰ ਰਹੇ ਹਨ। ਇੰਨਾ ਹੀ ਨਹੀਂ ਕੁਝ ਕਿਸਾਨ ਨੇਚੁਰਲ ਫਾਰਮਿੰਗ ਦੇ ਨਾਲ-ਨਾਲ ਮਿਸ਼ਰਤ ਖੇਤੀ(Intercrop Farming) ਨੂੰ ਵੀ ਅਪਣਾ ਰਹੇ ਹਨ ਅਤੇ ਇੱਕੋ ਥਾਂ 'ਤੇ ਕਈ ਤਰ੍ਹਾਂ ਦੀਆਂ ਫ਼ਸਲਾਂ ਉਗਾ ਰਹੇ ਹਨ।

ਕਿਸਾਨ ਨੇਚੁਰਲ ਫਾਰਮਿੰਗ ਵੱਲ ਆਪਣੇ ਕਦਮ ਵਧਾ ਰਹੇ ਹਨ (Farmers increase their steps towards natural farming)

ਇਸ ਸੰਦਰਭ ਵਿੱਚ ਨਾਗਪੁਰ ਤੋਂ ਕੁਝ ਕਿਲੋਮੀਟਰ ਦੂਰ ਵਰਧਾ ਵਿੱਚ ਰਹਿਣ ਵਾਲੇ ਕਿਸਾਨ ਨੇਚੁਰਲ ਫਾਰਮਿੰਗ ਅਤੇ ਮਿਸ਼ਰਤ ਖੇਤੀ ਨੂੰ ਅਪਣਾ ਰਹੇ ਹਨ। ਕਮਲਨਯਨ ਜਮਨਾਲਾਲ ਬਜਾਜ ਫਾਊਂਡੇਸ਼ਨ ਲਗਾਤਾਰ ਇਨ੍ਹਾਂ ਸਾਰੇ ਕਿਸਾਨਾਂ ਨੂੰ ਕੁਦਰਤੀ ਖੇਤੀ ਸਿਖਾ ਰਹੀ ਹੈ ਅਤੇ ਹਰ ਸੰਭਵ ਕੋਸ਼ਿਸ਼ ਕਰ ਰਹੀ ਹੈ ਤਾਂ ਜੋ ਕਿਸਾਨ ਇਸ 'ਤੇ ਵੱਧ ਤੋਂ ਵੱਧ ਜ਼ੋਰ ਦੇ ਸਕਣ।

ਮਿਸ਼ਰਤ ਖੇਤੀ ਕਿਸਾਨਾਂ ਦੀ ਜ਼ਿੰਦਗੀ ਵਿਚ ਲਿਆਈ ਰੰਗ

• ਅਜਿਹੇ ਵਿੱਚ ਵਰਧਾ ਦੇ ਇੱਕ ਕਿਸਾਨ ਸਤੀਸ਼ ਮਿਸ਼ਰਾ ਕੁਦਰਤੀ ਖੇਤੀ ਦੇ ਨਾਲ ਮਿਸ਼ਰਤ ਖੇਤੀ ਕਰ ਰਹੇ ਹਨ।

• ਉਨ੍ਹਾਂ ਨੇ ਆਪਣੇ ਚੌਥਾਈ ਏਕੜ ਖੇਤ ਵਿੱਚ 10 ਕਿਸਮਾਂ ਦੀਆਂ ਫ਼ਸਲਾਂ ਬੀਜੀਆਂ ਹਨ, ਜਿਸ ਕਾਰਨ ਉਨ੍ਹਾਂ ਨੂੰ ਚੰਗਾ ਮੁਨਾਫ਼ਾ ਮਿਲ

  ਰਿਹਾ ਹੈ।

• ਸਤੀਸ਼ ਮਿਸ਼ਰਾ ਨੇ ਆਪਣੇ ਖੇਤ ਵਿੱਚ ਸੰਤਰਾ, ਮੋਸੰਬੀ, ਅਮਰੂਦ, ਪਪੀਤਾ, ਚੀਕੂ ਅਤੇ ਡਰੈਗਨ ਫਰੂਟ ਵਰਗੇ ਫਲਾਂ ਦੀ ਕਾਸ਼ਤ ਕੀਤੀ

  ਹੈ। ਇਸ ਦੇ ਨਾਲ ਹੀ ਟਮਾਟਰ, ਪਾਲਕ, ਕਰੇਲਾ ਅਤੇ ਗੋਭੀ ਵਰਗੀਆਂ ਸਬਜ਼ੀਆਂ ਵੀ ਖੇਤਾਂ ਵਿਚ ਉਗਾਈਆਂ ਹਨ।

ਮਧੂ ਮੱਖੀ ਪਾਲਣ ਨੇ ਲਾਏ ਚਾਰ ਚੰਨ (Beekeeping Benefits)

• ਖਾਸ ਗੱਲ ਇਹ ਹੈ ਕਿ ਉਨ੍ਹਾਂ ਨੇ ਆਪਣੇ ਫਾਰਮ 'ਚ ਦਰੱਖਤਾਂ 'ਤੇ ਮੱਖੀਆਂ ਵੀ ਪਾਲੀਆਂ ਹੋਈਆਂ ਹਨ, ਜਿੱਥੋਂ ਉਹ ਸ਼ਹਿਦ ਵੀ ਵੇਚ ਰਹੇ ਹਨ।

• ਸਤੀਸ਼ ਮਿਸ਼ਰਾ ਨੇ ਮਧੂ ਮੱਖੀ ਪਾਲਣ ਲਈ ਆਪਣੇ ਫਾਰਮ ਵਿੱਚ 80 ਫਲਦਾਰ ਬੂਟੇ ਲਗਾਏ ਹਨ, ਜਿਸ ਕਾਰਨ ਉਹ ਖੇਤੀ ਤੋਂ ਇਲਾਵਾ ਸ਼ਹਿਦ ਵੇਚ ਕੇ ਵੀ ਦੁੱਗਣਾ ਮੁਨਾਫਾ ਕਮਾ ਰਹੇ ਹਨ।

ਮਿਸ਼ਰਤ ਖੇਤੀ ਦੇ ਫਾਇਦੇ (Advantages of intercrop farming)

ਤੁਹਾਡੀ ਜਾਣਕਾਰੀ ਲਈ ਤੁਹਾਨੂੰ ਦੱਸ ਦੇਈਏ ਕਿ ਮਿਸ਼ਰਤ ਖੇਤੀ ਦਾ ਸਭ ਤੋਂ ਵੱਡਾ ਫਾਇਦਾ ਇਹ ਹੈ ਕਿ ਕਿਸਾਨਾਂ ਨੂੰ ਆਪਣੇ ਲਾਭ ਅਤੇ ਮੁਨਾਫੇ ਲਈ ਕਿਸੇ ਵੀ ਸੀਜ਼ਨ ਦਾ ਇੰਤਜ਼ਾਰ ਨਹੀਂ ਕਰਨਾ ਪੈਂਦਾ। ਸਗੋਂ ਕਿਸਾਨ ਸਾਲ ਭਰ ਅਜਿਹੀ ਖੇਤੀ ਕਰਕੇ ਕਮਾਈ ਕਰਦੇ ਹਨ। ਕਿਸਾਨ ਥੋੜ੍ਹੇ-ਥੋੜ੍ਹੇ ਵਕਫ਼ੇ 'ਤੇ ਮਿਸ਼ਰਤ ਖੇਤੀ ਕਰਕੇ ਭਾਰੀ ਮੁਨਾਫ਼ਾ ਕਮਾ ਸਕਦੇ ਹਨ।

ਇਕ ਰਿਪੋਰਟ ਮੁਤਾਬਕ ਸਫਲ ਕਿਸਾਨ ਸਤੀਸ਼ ਮਿਸ਼ਰਾ ਦਾ ਕਹਿਣਾ ਹੈ ਕਿ ਪਹਿਲਾਂ ਉਹ ਇਸ ਚੌਥਾਈ ਏਕੜ 'ਤੇ ਕਪਾਹ ਦੀ ਬਿਜਾਈ ਕਰਦੇ ਸਨ, ਜਿਸ ਤੋਂ ਉਹ ਸਾਰੇ ਖਰਚੇ ਕੱਟ ਕੇ 22-25 ਹਜ਼ਾਰ ਰੁਪਏ ਸਾਲਾਨਾ ਕਮਾ ਲੈਂਦੇ ਸਨ। ਹੁਣ ਉਹ ਉਸੇ ਖੇਤ ਵਿੱਚ ਮਿਕਸਡ ਫਾਰਮਿੰਗ ਕਰ ਰਹੇ ਹਨ, ਜਿਸ ਤੋਂ ਇੱਕ ਤੋਂ 1.25 ਲੱਖ ਰੁਪਏ ਤੱਕ ਦੀ ਕਮਾਈ ਹੁੰਦੀ ਹੈ। ਇਸ ਦੇ ਨਾਲ ਹੀ ਸ਼ਹਿਦ ਤੋਂ ਕੁਝ ਆਮਦਨ ਵੀ ਹੁੰਦੀ ਹੈ। ਭਾਵ ਉਨ੍ਹਾਂ ਦੀ ਆਮਦਨ ਪਹਿਲਾਂ ਨਾਲੋਂ 4-5 ਗੁਣਾ ਹੋ ਗਈ ਹੈ, ਜਿਸ ਨਾਲ ਉਨ੍ਹਾਂ ਦੀ ਜ਼ਿੰਦਗੀ ਬਿਹਤਰ ਹੋ ਰਹੀ ਹੈ।

ਇਹ ਵੀ ਪੜ੍ਹੋ : ਕਿਸਾਨਾਂ 'ਤੇ ਮੌਸਮ ਦੀ ਮਾਰ: ਮਾਰਚ ਵਿਚ ਮਈ ਵਰਗੀ ਗਰਮੀ ਕਾਰਨ ਕਣਕ ਦੀ ਫ਼ਸਲ ਨੂੰ ਨੁਕਸਾਨ !