ਹੁਣ ਕਿਸਾਨਾਂ ਦੀ ਬੱਲੇ-ਬੱਲੇ
Highest Yielding Variety: ਅਕਸਰ ਕਿਸਾਨ ਨਵੀਆਂ ਕਿਸਮਾਂ ਦੀ ਭਾਲ 'ਚ ਰਹਿੰਦਾ ਹੈ ਜੋ ਘੱਟ ਸਮੇਂ 'ਚ ਵੱਧ ਝਾੜ ਦਿੰਦੀਆਂ ਹੋਵੇ। ਜੇਕਰ ਗੱਲ ਹਾੜੀ ਸੀਜ਼ਨ ਦੀ ਹੋਵੇ ਤਾਂ ਕਣਕ ਦੀਆਂ ਨਵੀਆਂ ਕਿਸਮਾਂ ਹਮੇਸ਼ਾਂ ਕਿਸਾਨਾਂ ਲਈ ਖਿੱਚ ਦਾ ਕੇਂਦਰ ਰਹਿੰਦੀਆਂ ਹਨ। ਦੱਸ ਦੇਈਏ ਕਿ ਸਾਉਣੀ ਸੀਜ਼ਨ ਲਗਭਗ ਖ਼ਤਮ ਹੋਣ ਦੇ ਨੇੜੇ ਹੈ ਤੇ ਕਿਸਾਨ ਹੁਣ ਹਾੜੀ ਦੀ ਬਿਜਾਈ ਦੀ ਤਿਆਰੀ ਲਈ ਖੇਤ ਤਿਆਰ ਕਰ ਰਹੇ ਹਨ। ਅਜਿਹੇ 'ਚ ਅੱਜ ਅੱਸੀ ਕਿਸਾਨ ਭਰਾਵਾਂ ਨੂੰ 95.32 ਕੁਇੰਟਲ ਪ੍ਰਤੀ ਹੈਕਟੇਅਰ ਝਾੜ ਦੇਣ ਵਾਲੀ ਕਣਕ ਦੀ ਨਵੀਂ ਕਿਸਮ ਬਾਰੇ ਜਾਣਕਾਰੀ ਦੇਣ ਜਾ ਰਹੇ ਹਾਂ, ਜਿਸ ਤੋਂ ਕਿਸਾਨ ਹੁਣ ਵਧੀਆ ਮੁਨਾਫ਼ਾ ਕਮਾ ਸਕਦੇ ਹਨ।
New Wheat Variety: ਸਾਉਣੀ ਦੇ ਖੇਤ ਖਾਲੀ ਹੋ ਰਹੇ ਹਨ ਤੇ ਹੁਣ ਕਿਸਾਨ ਹਾੜੀ ਦੀ ਬਿਜਾਈ ਦੀ ਤਿਆਰੀ ਲਈ ਖੇਤ ਤਿਆਰ ਕਰ ਰਹੇ ਹਨ। ਹਾੜੀ ਦੇ ਸੀਜ਼ਨ ਦੌਰਾਨ ਸਭ ਤੋਂ ਵੱਧ ਉਤਪਾਦਨ ਵਾਲੀ ਫ਼ਸਲ ਕਣਕ ਲਈ ਕਿਸਾਨ ਆਪਣੀਆਂ ਯੋਜਨਾਵਾਂ ਬਣਾਉਣ ਵਿੱਚ ਰੁੱਝੇ ਨਜ਼ਰ ਆ ਰਹੇ ਹਨ। ਅਜਿਹੇ 'ਚ ਅੱਜ ਅਸੀਂ ਆਪਣੇ ਕਿਸਾਨ ਭਰਾਵਾਂ ਲਈ ਕਣਕ ਦੇ ਬੀਜ ਦੀ ਇੱਕ ਨਵੀਂ ਕਿਸਮ ਬਾਰੇ ਜਾਣਕਾਰੀ ਲੈ ਕੇ ਆਏ ਹਾਂ, ਜਿਸ ਤੋਂ ਕਿਸਾਨ 95.32 ਕੁਇੰਟਲ ਪ੍ਰਤੀ ਹੈਕਟੇਅਰ ਝਾੜ ਪ੍ਰਾਪਤ ਕਰ ਸਕਦੇ ਹਨ।
ਕਣਕ ਦੀ ਬਿਜਾਈ ਲਈ ਨਵੰਬਰ ਦਾ ਮਹੀਨਾ ਸਭ ਤੋਂ ਵਧੀਆ ਮੰਨਿਆ ਜਾਂਦਾ ਹੈ। ਹਾਲਾਂਕਿ, ਦਸੰਬਰ ਦੇ ਸ਼ੁਰੂਆਤੀ ਦਿਨਾਂ ਵਿੱਚ ਵੀ ਇਸ ਦੀ ਬਿਜਾਈ ਕੀਤੀ ਜਾਂਦੀ ਹੈ। ਪਰ ਪਛੇਤੀ ਬਿਜਾਈ ਉਤਪਾਦਨ ਨੂੰ ਪ੍ਰਭਾਵਿਤ ਕਰਦੀ ਹੈ। ਇਹ ਮੁਕਾਬਲਤਨ ਤੇਜ਼ੀ ਨਾਲ ਕਟਾਈ ਲਈ ਤਿਆਰ ਹੋ ਜਾਂਦੀ ਹੈ ਅਤੇ ਗਰਮੀ ਨੂੰ ਆਸਾਨੀ ਨਾਲ ਬਰਦਾਸ਼ਤ ਕਰ ਸਕਦੀ ਹੈ।
ਕਣਕ ਦੀ ਇਹ ਨਵੀਂ ਕਿਸਮ ਕਿਸਾਨਾਂ ਨੂੰ ਕਰ ਦੇਵੇਗੀ ਮਾਲੋਮਾਲ
HI-8663 ਬਾਰੇ ਲੋੜੀਂਦੀ ਜਾਣਕਾਰੀ
ਜਾਣਕਾਰੀ ਅਨੁਸਾਰ ਮੌਜੂਦਾ ਸਮੇਂ ਵਿੱਚ HI-8663 ਦਾ ਨਾਂ ਸਭ ਤੋਂ ਵੱਧ ਕਣਕ ਦੀ ਕਿਸਮ ਪੈਦਾ ਕਰਨ ਵਿੱਚ ਮੋਹਰੀ ਹੈ। ਦੱਸਿਆ ਜਾ ਰਿਹਾ ਹੈ ਕਿ HI-8663 ਕਿਸਾਨਾਂ ਲਈ ਉੱਚ ਗੁਣਵੱਤਾ ਅਤੇ ਉੱਚ ਉਤਪਾਦਕਤਾ ਵਾਲੀ ਕਣਕ ਦੀ ਇੱਕ ਜੀਨੋਟਾਈਪ ਵਿਸ਼ੇਸ਼ਤਾ ਵਾਲੀ ਕਿਸਮ ਹੈ।
ਸੁਨਹਿਰੀ ਜਾਂ ਪ੍ਰੀਮੀਅਮ ਨਾਮ ਤੋਂ ਪ੍ਰਸਿੱਧ
ਸਵਾਦ ਅਤੇ ਗੁਣਵੱਤਾ ਦੇ ਕਾਰਨ ਕਣਕ ਦੀ HI-8663 ਕਿਸਮ ਮਹਾਨਗਰਾਂ ਵਿੱਚ ਸਭ ਤੋਂ ਵੱਧ ਮੰਗ ਵਿੱਚ ਹੈ। ਕਣਕ ਦੀ ਇਸ ਕਿਸਮ ਦੀ ਕੀਮਤ ਵੀ ਸਭ ਤੋਂ ਵੱਧ ਹੈ। ਇਸ ਨੂੰ ਮੁੰਬਈ, ਪੁਣੇ, ਅਹਿਮਦਾਬਾਦ ਅਤੇ ਹੈਦਰਾਬਾਦ ਵਰਗੇ ਮਹਾਨਗਰਾਂ ਦੇ ਥੋਕ ਅਤੇ ਪ੍ਰਚੂਨ ਬਾਜ਼ਾਰਾਂ ਵਿੱਚ ਸੁਨਹਿਰੀ ਜਾਂ ਪ੍ਰੀਮੀਅਮ ਕਣਕ ਵਜੋਂ ਵੀ ਜਾਣਿਆ ਜਾਂਦਾ ਹੈ। ਇਸ ਦੇ ਨਾਲ ਹੀ ਇਸ ਨੂੰ ਉੱਤਰੀ ਭਾਰਤ ਦੇ ਸ਼ਹਿਰਾਂ ਅਤੇ ਦਿੱਲੀ ਦੀ ਮੰਡੀ ਵਿੱਚ ਐਮਪੀ ਕਾ ਕਣਕ ਵੀ ਕਿਹਾ ਜਾਂਦਾ ਹੈ।
ਇਹ ਵੀ ਪੜ੍ਹੋ: ਕਣਕ ਦੀਆਂ ਇਹ 3 ਕਿਸਮਾਂ ਸਭ ਤੋਂ ਵਧੀਆ, 120 ਦਿਨਾਂ ਵਿੱਚ ਦੇਣਗੀਆਂ 82.1 ਕੁਇੰਟਲ ਝਾੜ
95.32 ਕੁਇੰਟਲ ਪ੍ਰਤੀ ਹੈਕਟੇਅਰ ਝਾੜ
ਆਪਣੇ ਕਿਸ਼ਨ ਵੀਰਾਂ ਨੂੰ ਦੱਸ ਦੇਈਏ ਕਿ ਬੀਜ ਅਧਾਰਤ ਤਕਨੀਕੀ ਮੁਲਾਂਕਣ ਤੋਂ ਬਾਅਦ ਇਹ ਪਾਇਆ ਗਿਆ ਹੈ ਕਿ HI-8663 ਕਣਕ ਦੀ ਸਭ ਤੋਂ ਵਧੀਆ ਅਤੇ ਵੱਧ ਝਾੜ ਦੇਣ ਵਾਲੀ ਕਿਸਮ ਹੈ। ਇਨ੍ਹਾਂ ਹੀ ਨਹੀਂ ਕੇ.ਵੀ.ਕੇ ਉਜੈਨ ਤੋਂ HI-8663 (ਪੋਸ਼ਣ) ਦਾ 50 ਕਿਲੋ ਬਰੀਡਰ ਬੀਜ (HI-8663 ਕਣਕ ਦੀ ਕਿਸਮ 2022) ਲੈ ਕੇ, ਨਵੰਬਰ ਵਿੱਚ 0.4 ਹੈਕਟੇਅਰ ਖੇਤ ਵਿੱਚ ਬੀਜਿਆ ਗਿਆ ਸੀ। ਮਾਲ ਅਫ਼ਸਰ, ਪਟਵਾਰੀ, ਐਸ.ਡੀ.ਓ., ਰਾਡੋ ਅਤੇ ਪਿੰਡ ਵਾਸੀਆਂ ਦੀ ਹਾਜ਼ਰੀ ਵਿੱਚ ਫ਼ਸਲ ਦੀ ਕਟਾਈ ਦੌਰਾਨ 95.32 ਕੁਇੰਟਲ ਪ੍ਰਤੀ ਹੈਕਟੇਅਰ ਕਣਕ ਦੀ ਪੈਦਾਵਾਰ ਦਰਜ ਕੀਤੀ ਗਈ।
ਇਸ ਕਣਕ ਦੇ ਬਹੁਤ ਸਾਰੇ ਉਪਯੋਗ
ਇਸ ਕਣਕ ਵਿੱਚ ਕਈ ਤਰ੍ਹਾਂ ਦੇ ਪੋਸ਼ਕ ਤੱਤ ਮੌਜੂਦ ਹਨ। ਇਸ ਲਈ ਇਸ ਦੀ ਮੰਗ ਬਹੁਤ ਜ਼ਿਆਦਾ ਦੱਸੀ ਜਾ ਰਹੀ ਹੈ। ਕੁਦਰਤੀ ਤੌਰ 'ਤੇ, ਇਹ ਦੋਹਰੇ ਗੁਣਾਂ ਵਾਲੀ ਕਣਕ ਤੋਂ ਬਣਾਇਆ ਜਾਂਦਾ ਹੈ, ਇਸ ਕਣਕ ਨਾਲ ਪੌਸ਼ਟਿਕ ਚਪਾਤੀ ਦੇ ਨਾਲ-ਨਾਲ ਸੂਜੀ ਵੀ ਬਣਾਈ ਜਾਂਦੀ ਹੈ, ਜੋ ਫਾਸਟ ਫੂਡ ਬਣਾਉਣ 'ਚ ਵਰਤੀ ਜਾਂਦੀ ਹੈ। ਦੱਸ ਦੇਈਏ ਕਿ ਇਹ ਉੱਚ ਗੁਣਵੱਤਾ ਵਾਲੇ ਪ੍ਰੋਟੀਨ ਅਤੇ ਉੱਚ ਪੌਸ਼ਟਿਕ ਪੱਧਰ ਦੇ ਕਾਰਨ ਪਾਸਤਾ ਲਈ ਵੀ ਢੁਕਵਾਂ ਮੰਨਿਆ ਗਿਆ ਹੈ।
Summary in English: This type of wheat yielding 95.32 quintals per hectare will make the farmers rich.
