ਰੋਜ਼ਾਨਾ ਖਾਓ ਅਵੋਕੈਡੋ
Benefits: ਅਕਸਰ ਲੋਕ ਕੋਲੈਸਟ੍ਰੋਲ ਨੂੰ ਘੱਟ ਕਰਨ ਲਈ ਆਪਣੀ ਖਾਣ-ਪੀਣ ਦੀ ਸ਼ੈੱਲੀ 'ਚ ਬਦਲਾਵ ਲਿਆਉਂਦੇ ਹਨ, ਪਰ ਅੱਜ ਅੱਸੀ ਤੁਹਾਨੂੰ ਇੱਕ ਅਜਿਹਾ ਸੌਖਾ ਤਰੀਕਾ ਦੱਸਣ ਜਾ ਰਹੇ ਹਾਂ, ਜਿਸ ਨੂੰ ਆਪਣਾ ਕੇ ਤੁਸੀ ਕੋਲੈਸਟ੍ਰੋਲ ਤੋਂ ਆਸਾਨੀ ਨਾਲ ਛੁਟਕਾਰਾ ਪਾ ਸਕਦੇ ਹੋ। ਜੀ ਹਾਂ, ਅਜਿਹਾ ਕਮਾਲ ਦਾ ਤਰੀਕਾ ਜਿਸ ਵਿੱਚ ਨਾ ਤਾਂ ਤੁਹਾਨੂੰ ਕਸਰਤ ਕਰਕੇ ਪਸੀਨਾ ਵਹਾਉਣਾ ਪਵੇਗਾ ਅਤੇ ਨਾ ਹੀ ਖਾਣ-ਪੀਣ ਵਿੱਚ ਆਪਣਾ ਮੰਨ ਮਾਰਨਾ ਪਵੇਗਾ। ਆਓ ਜਾਣਦੇ ਹਾਂ ਇਸ ਸੌਖੇ ਢੰਗ ਬਾਰੇ...
Benefits of Avocado: ਜੇਕਰ ਤੁਹਾਨੂੰ ਕੋਈ ਪੁੱਛੇ ਕਿ ਕੋਲੈਸਟ੍ਰੋਲ ਨੂੰ ਘੱਟ ਕਰਨ ਲਈ ਕਿ ਕਰਨਾ ਚਾਹੀਦਾ ਹੈ ਤਾਂ ਸ਼ਾਇਦ ਤੁਹਾਡਾ ਜਵਾਬ ਹੋਵੇਗਾ ਤੇਲ ਬਦਲੋ, ਖਾਣ-ਪੀਣ ਦਾ ਢੰਗ ਬਦਲੋ ਜਾਂ ਫਿਰ ਵੱਧ ਤੋਂ ਵੱਧ ਕਸਰਤ ਕਰੋ। ਪਰ ਹੁਣ ਅਜਿਹਾ ਕੁਝ ਵੀ ਕਰਨ ਦੀ ਲੋੜ ਨਹੀਂ ਹੈ ਕਿਉਂਕਿ ਅੱਜ ਅੱਸੀ ਕੋਲੈਸਟ੍ਰੋਲ ਨੂੰ ਘੱਟ ਕਰਨ ਦਾ ਅਜਿਹਾ ਤੋੜ ਤੁਹਾਡੇ ਸਾਹਮਣੇ ਰੱਖਣ ਜਾ ਰਹੇ ਹਾਂ, ਜੋ ਬਿਨਾ ਕਿਸੀ ਤਕਲੀਫ ਅਤੇ ਮਿਹਨਤ ਦੇ ਆਸਾਨੀ ਨਾਲ ਤੁਹਾਡਾ ਕੋਲੈਸਟ੍ਰੋਲ ਘਟਾਉਣ ਵਿੱਚ ਤੁਹਾਡੀ ਮਦਦ ਕਰੇਗਾ।
ਅੱਜਕੱਲ੍ਹ ਲੋਕਾਂ ਵਿੱਚ ਦਿਲ ਨਾਲ ਜੁੜੀਆਂ ਬਿਮਾਰੀਆਂ ਤੇਜ਼ੀ ਨਾਲ ਵੱਧ ਰਹੀਆਂ ਹਨ ਅਤੇ ਇਸ ਦਾ ਮੁੱਖ ਕਾਰਨ ਲੋਕਾਂ ਦੇ ਸਰੀਰ ਵਿੱਚ ਵੱਧ ਰਿਹਾ ਬੈਡ ਕੋਲੈਸਟ੍ਰੋਲ ਹੈ। ਪਰ ਇੱਕ ਅਜਿਹਾ ਫਲ ਹੈ, ਜਿਸ ਦਾ ਰੋਜ਼ਾਨਾ ਸੇਵਨ ਕਰਨ ਨਾਲ ਤੁਸੀਂ ਖਰਾਬ ਕੋਲੈਸਟ੍ਰੋਲ ਦੀ ਸਮੱਸਿਆ ਤੋਂ ਬਚ ਸਕਦੇ ਹੋ ਅਤੇ ਉਹ ਫਲ ਹੈ ਐਵੋਕਾਡੋ। ਜੀ ਹਾਂ, ਨਿਊ ਪੇਨ ਸਟੇਟ ਯੂਨੀਵਰਸਿਟੀ ਦੇ ਖੋਜਕਰਤਾਵਾਂ ਦੇ ਅਧਿਐਨ ਦੇ ਅਨੁਸਾਰ, ਐਵੋਕਾਡੋ ਨਾ ਸਿਰਫ ਖਰਾਬ ਕੋਲੇਸਟ੍ਰੋਲ ਨੂੰ ਘਟਾਉਂਦਾ ਹੈ ਸਗੋਂ ਆਕਸੀਡਾਈਜ਼ਡ ਐਲਡੀਐਲ ਭਾਵ ਘੱਟ ਘਣਤਾ ਵਾਲੇ ਲਿਪੋਪ੍ਰੋਟੀਨ ਕਣਾਂ ਨੂੰ ਵੀ ਘਟਾਉਂਦਾ ਹੈ। ਇਸ ਅਧਿਐਨ ਦੇ ਨਤੀਜੇ ਜਰਨਲ ਆਫ਼ ਨਿਊਟ੍ਰੀਸ਼ਨ ਵਿੱਚ ਪ੍ਰਕਾਸ਼ਿਤ ਹੋਏ ਹਨ।
ਮੋਟਾਪੇ ਤੋਂ ਪੀੜਤ 45 ਲੋਕਾਂ 'ਤੇ ਵਿਸ਼ੇਸ਼ ਅਧਿਐਨ
ਇਸ ਅਧਿਐਨ ਲਈ 45 ਅਜਿਹੇ ਭਾਗੀਦਾਰਾਂ ਨੂੰ ਚੁਣਿਆ ਗਿਆ ਸੀ ਜੋ ਜਾਂ ਤਾਂ ਜ਼ਿਆਦਾ ਭਾਰ ਵਾਲੇ ਜਾਂ ਮੋਟੇ ਸਨ। ਅਧਿਐਨ ਦੀ ਸ਼ੁਰੂਆਤ ਵਿੱਚ, ਸਾਰੇ ਭਾਗੀਦਾਰਾਂ ਨੂੰ 2 ਹਫ਼ਤਿਆਂ ਲਈ ਇੱਕ ਰਨ-ਇਨ ਖੁਰਾਕ ਦੀ ਪਾਲਣਾ ਕਰਨੀ ਪੈਂਦੀ ਸੀ ਤਾਂ ਜੋ ਸਾਰੇ ਭਾਗੀਦਾਰ ਇੱਕੋ ਪੋਸ਼ਣ ਦੇ ਪੱਧਰ ਤੱਕ ਪਹੁੰਚ ਸਕਣ। ਅਧਿਐਨ ਦੇ ਅਗਲੇ ਪੜਾਅ ਵਿੱਚ, ਭਾਗੀਦਾਰਾਂ ਨੂੰ 5 ਹਫ਼ਤਿਆਂ ਲਈ ਇੱਕ ਖੁਰਾਕ ਯੋਜਨਾ ਦੀ ਪਾਲਣਾ ਕਰਨੀ ਪਈ। ਹਰੇਕ ਭਾਗੀਦਾਰ ਨੂੰ ਤਿੰਨ ਵਿੱਚੋਂ ਇੱਕ ਖੁਰਾਕ ਦੀ ਪਾਲਣਾ ਕਰਨੀ ਪੈਂਦੀ ਸੀ। ਪਹਿਲੀ- ਘੱਟ ਚਰਬੀ ਵਾਲੀ ਖੁਰਾਕ, ਦੂਜੀ- ਮੱਧਮ ਚਰਬੀ ਵਾਲੀ ਖੁਰਾਕ ਅਤੇ ਤੀਜੀ- ਮੱਧਮ ਚਰਬੀ ਵਾਲੀ ਖੁਰਾਕ ਜਿਸ ਵਿੱਚ ਹਰ ਰੋਜ਼ 1 ਐਵੋਕਾਡੋ ਖਾਣਾ ਸ਼ਾਮਲ ਹੁੰਦਾ ਸੀ।
ਆਕਸੀਡਾਈਜ਼ਡ ਐਲਡੀਐਲ ਨੂੰ ਘਟਾਉਣ ਵਿੱਚ ਮਦਦ
ਅਧਿਐਨ ਦੇ ਨਤੀਜੇ ਦਰਸਾਉਂਦੇ ਹਨ ਕਿ ਐਵੋਕਾਡੋ ਸ਼ਾਮਲ ਕਰਨ ਵਾਲੀ ਖੁਰਾਕ 'ਤੇ ਭਾਗੀਦਾਰਾਂ ਨੇ ਦੂਜੇ ਭਾਗੀਦਾਰਾਂ ਦੇ ਮੁਕਾਬਲੇ ਆਕਸੀਡਾਈਜ਼ਡ ਐਲਡੀਐਲ ਕੋਲੇਸਟ੍ਰੋਲ ਦੇ ਪੱਧਰ ਨੂੰ ਕਾਫ਼ੀ ਘੱਟ ਕੀਤਾ ਸੀ ਅਤੇ ਲੂਟੀਨ ਨਾਮਕ ਐਂਟੀਆਕਸੀਡੈਂਟ ਦੇ ਉੱਚ ਪੱਧਰਾਂ ਨੂੰ ਪ੍ਰਾਪਤ ਕੀਤਾ ਸੀ। ਇਸ ਜਾਂਚ ਤੋਂ ਬਾਅਦ, ਖੋਜਕਰਤਾ ਇਸ ਨਤੀਜੇ 'ਤੇ ਪਹੁੰਚੇ ਕਿ ਐਵੋਕਾਡੋ ਦਾ ਨਿਯਮਤ ਸੇਵਨ ਨਾ ਸਿਰਫ ਐਲਡੀਐਲ ਨੂੰ ਘਟਾਉਣ ਵਿਚ ਮਦਦ ਕਰਦਾ ਹੈ, ਸਗੋਂ ਮੋਟੇ ਅਤੇ ਜ਼ਿਆਦਾ ਭਾਰ ਵਾਲੇ ਲੋਕਾਂ ਵਿਚ ਵੀ ਆਕਸੀਡਾਈਜ਼ਡ ਐਲਡੀਐਲ ਨੂੰ ਘੱਟ ਕਰਨ ਵਿਚ ਮਦਦ ਕਰਦਾ ਹੈ।
ਇਹ ਵੀ ਪੜ੍ਹੋ: Jamun Seeds: ਜਾਮੁਨ ਦੇ ਬੀਜ ਸ਼ੂਗਰ ਦੇ ਰੋਗੀਆਂ ਲਈ ਫਾਇਦੇਮੰਦ! ਜਾਣੋ 7 ਹੈਰਾਨੀਜਨਕ ਫਾਇਦੇ!
ਰੋਜ਼ਾਨਾ ਖੁਰਾਕ ਵਿੱਚ ਐਵੋਕਾਡੋ ਨੂੰ ਕਰੋ ਸ਼ਾਮਲ
ਐਲਡੀਐਲ ਕਣ ਸਾਡੇ ਸਰੀਰ ਲਈ ਬਹੁਤ ਖ਼ਤਰਨਾਕ ਹੁੰਦੇ ਹਨ, ਕਿਉਂਕਿ ਇਨ੍ਹਾਂ ਦੇ ਕਾਰਨ ਧਮਨੀਆਂ ਵਿੱਚ ਪਲੇਕ ਜਮ੍ਹਾ ਹੋਣ ਲੱਗਦੀ ਹੈ। ਇਸ ਲਈ ਲੋਕਾਂ ਨੂੰ ਆਪਣੀ ਰੋਜ਼ਾਨਾ ਖੁਰਾਕ ਵਿੱਚ ਐਵੋਕਾਡੋ ਨੂੰ ਵੱਖਰੇ ਅਤੇ ਸਿਹਤਮੰਦ ਤਰੀਕੇ ਨਾਲ ਸ਼ਾਮਲ ਕਰਨ ਦੀ ਕੋਸ਼ਿਸ਼ ਕਰਨੀ ਚਾਹੀਦੀ ਹੈ। ਚਾਹੇ ਇਹ ਐਵੋਕੈਡੋ ਨੂੰ ਕਣਕ ਦੇ ਟੋਸਟ ਦੇ ਨਾਲ ਖਾਣਾ ਹੋਵੇ ਜਾਂ ਵੈਜੀ ਡਿੱਪ ਦੇ ਰੂਪ ਵਿੱਚ। ਐਵੋਕਾਡੋ ਵਿੱਚ ਸਿਹਤਮੰਦ ਚਰਬੀ, ਕੈਰੋਟੀਨੋਇਡ ਵਰਗੇ ਪੌਸ਼ਟਿਕ ਤੱਤ ਹੁੰਦੇ ਹਨ ਜੋ ਅੱਖਾਂ ਦੀ ਸਿਹਤ ਦੇ ਨਾਲ-ਨਾਲ ਸਮੁੱਚੀ ਸਿਹਤ ਲਈ ਬਹੁਤ ਵਧੀਆ ਮੰਨੇ ਜਾਂਦੇ ਹਨ।
Summary in English: Avocado: Eat avocado daily, get rid of cholesterol!
